Luka 16:11 - Katɔti Ɔku Kedee

¹¹ Ɔmmɔ ɔsu si bítada kayawi kamɛni kemmo lɛlakɛ na ulu lɛlɔ ni, dɛ na wabla asa na ukyuli waƒɔ-mii wadi ka bɛdubɔda kɔyu kemmo lɛlakɛ lɛni ndi Katɔti etela na ulu lɛlɔ?

Luka 16:11 ပူးပေါင်းရင်းမြစ်များ

Mateo 6:24

“Ukyuli biala ulákana na wabla benwoti inyɔ kabla. Ɔdubukisi unwi na ɔyɔ ɔkladi litemi. Na ɔdubɔdi unwi etemila lɛlɔ, na ɔta unye ɔkladi etemila lɛlɔ. Alakana Katɔti ku lɛlakɛ kabla bɔsala.

Luka 12:33

Biti bina lɛlɔ ala biye na bile egulabi ammɔ bite bawabane. Na bɛwia egulabi kɔvumi kɔni na bɛgyi ka kulatɔ bise katɔ bite lɛlɔ. Mmɔ na bina akɛla adubuse kpoo na alaƒana kudii. Ɔsika uyune ɔdi ulakana mmɔ buduo, na kubweyi kɔni muubile ala lɛnɔ kulakana-nya bubile.

Luka 16:12

Na si átanu ukyuli bamba ala ani nse-ɔ kudɔ lɛlɔ na ulu lɛlɔ ni, dɛ wabla asa na banyonu awɔ ɔlati adi bete-ɔ?

Luka 16:9

Mmɔ na Yesu úsie anumi na ɔ́su-ma ɔnini, “Biti bina kayawi lɛlakɛ bibunku bekyuli. Na si lɛkɛ lɛmmɔ lɛ́sa ni, na Katɔti waƒɔ-mii wakya nwuna ɔma kemmo.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Eƒesoƒuɔ 3:8

Ami ɔni ndi Katɔti baƒɔtaadine ƒui akɔ ubliidi ni, Katɔti úti litela lɛmɛni úte-mi ka lɛkɔ litemi buni lɛmmɔ lɛsa na lɛƒɔndia bonwu lɛni na bekyuli badubɔkɛ ɔkɛnku Kristo lɛlɔ lite bani naaadi Yudaƒuɔ.

Yakobo 2:5

Banwa, binu! Bɛgyi geen ka Katɔti ɔ́ƒuna kayawi kamɛni bawabane ka babla nwuna badi. Na ka báƒɔ Blɔti Yesu Kristo bádi ɔsu ni, bénwini kɔyu kemmo ala bakɛne. Na ama ndubuduo Katɔ Ɔga Ɔma aani kalɛ na Katɔti ɔ́su bekyuli bani mɔɔyɔ́-nwu úse.

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.