Luka 15:5 - Katɔti Ɔku Kedee

⁵ Na si ánu-ku ni, adubɔkɛ kubiti geen, na agyu-ku asia amangba.

Luka 15:5 ပူးပေါင်းရင်းမြစ်များ

Yesaia 62:12

Na ɔmmɔ kama badubɔlɔ-mii banii, ‘Unwoti ɔlati bekyuli bani na ɔ́ƒɔ ɔ́lɛku bubie kemmo!’ Na bekyuli badubɔtɛmi bɔsiku ƒula ɔma ɔmmɔ lɛlɔ banii kesii kabuni kani na bekyuli bilie ku ɔma ɔni na bekyuli báƒɔ-nwu kemmo geen.”

Yesaia 62:5

Kalɛ na ebiti aada okloƒu ɔni néti adagyaa na lɛlɔ lɛɛyɔ́-nwu na ɔɔda-nwu ni, lɛni na ƒula bebi badubɔda-kalɔ kammɔ. Na kalɛ na uleku ɔgya ku ulekudi beelie ku ebiti ni, lɛni na ebiti adubɔda Unwoti na ƒula lɛlɔ.

Yesaia 63:9

Na si ɔ́nu ka béduo lɛbibo lɛdi kemmo ni, uukpóku Unwoti geen na ɔɔyá na nwuna katɔ ɔtu uusié taatáƒɔ teete-ma. Unwoti ɔ́nu kɔnyana geen anwuɔsu na údie nwuna bekyuli ɔ́lɛku bana bubie kemmo. Ɔ́nu-ma lɛlɔ akwa ammɔ kemmo ƒui na use aani bɔgyu na ɔ́gyu-ma ɔda nwuna enu kemmo.

Esekiel 18:23

Ami Unwoti Katɔti naaayɔ ka lɛnu ka ukyuli ukpidi ukpi. Mmomu ɔɔda-mi kubiti ka lɛnu ka únwini kama ɔ́kya nwuna ekpidi bɔbla na ulie ngba.

Esekiel 33:11

Su-ma anii kede kede nwaa ni, ami Unwoti Katɔti ɔni na nli ngba uwi ƒui mɛni ni, naaawia ukyuli ukpidi kukpi. Mmomu lɛlɔ mɔɔyɔ́-mi ka lɛnu ka ɔvumana udu na ɔ́da likpidi bɔbla ɔ́ya. Anwuɔsu si Israelƒuɔ baayɔ́ ka belie ngba bɔdi ni, ɔlɛka bada ekpidi bɔbla baya na benwini bebo-mi kudɔ.

Mika 5:4

Na lɛlɔ ɔdine ɔmɛni ɔdubɔtɔnku nwuna bekyuli ɔkɛnku Unwoti nwuna Katɔti ɔni lɛnyi muukeye lɛlɔ. Na ɔdubɔnu-ma lɛlɔ aani kalɛ na baƒonu ɔdane ɔɔnu nwuna baƒonu lɛlɔ. Na nwuna bekyuli badubulie ku atu bɔyɔ, na lɛla lɛdi lilékpoku-ma. Na kayawi kadi bekyuli ƒui badubɔnu kalɛ geen na úbomo.

Mika 7:18

Unwoti Katɔti, beleti baƒiɔ badi balákɔku-ɔ, ɔsika eeti likpidi taakyiɛ abu ƒula bekyuli baƒunadi ɛlɛɛ bani nébu, na eléti kɔnyi taakya-bu uwi ƒui, mmomu aayɔ́-bu uwi ndi uwi.

Seƒania 3:17

Unwoti Katɔti unye-mii kudɔ uwi ndi uwi. Ubo ɔyikun ka udie-mii. Na kalɛ na ɔɔyɔ́-mii ɔsu ni, ɔdubɔya na bɛkɛ bɔnwuna. Na amii ɔsu ni, uudie nwuna lɛlɔyɔ keyi ku lɛnu bɔtu.”

Luka 15:32

Nsu ni, ɔlɛka bɔdi limeyi na bɔkɛ ebiti, ɔsika búti-nwu bɔnii bukpi na ƒ'ɔnwani úkpi na ɔ́sɔ únwini úbo ngba. Bɔyii na ɔ́yii na bɔ́sɔ bɔ́nu-nwu.’ ”

Luka 15:4

“Si banii bina akɔ ɔdi ubo baƒonu eti anyɔ na bana akɔ unwi ɔ́yii ni, bi na adubo bɔbla? Adubɔda liti ku aavlene-yaalenwi bammɔ enyene kadikɔ mmɔ na atásia kɔni náyii mmɔ kama wetédu uwi ɔni na ánu-ku.

Luka 15:6

Na eti-ku eboku kaduli. Na adubɔlɔ ƒula bakpana ku liku bekyuli na asu-ma anii, ‘Ebiti aada-mi geen, ɔsika lɛ́nu mina koƒonu kɔni náyii ɔsu bɛkɛku-mi ebiti!’

Luka 19:9

Mmɔ na Yesu ɔ́su-nwu ɔnini, “Ɔmwi ni, ngba bɔƒɔ búbo búbedu kaduli kamɛni kemmo. Ɔsika ukyuli ɔmɛni lɛnɔ ɔdi Abraham kaba kemmo ubi.

Luka 23:43

Mmɔ na Yesu ɔ́su-nwu ɔnini, “Mɔɔsu-ɔ geen nnii ɔmwi ɔmɛni kani ni, ami ku awɔ ƒui bɔdubo buduo Paradiso kemmo.”

Yohane 15:11

“Lɛ́ɛsu-mii ala amɛni ƒui kalɛ na ebiti ani na mɔɔkɛ́ ni, amii lɛnɔ bɛkɛ-nya na edu awɔlɔ.

Eƒesoƒuɔ 2:10

Katɔti ɔkɛnku Kristo Yesu lɛlɔ na údie-bu kalɛ na bɔbla ala abuni ani na anwu ɔlati ɔ́klibi úse úte-bu ka bɔbla.

Eƒesoƒuɔ 3:7

Katɔti ɔ́bla-mi nwuna litemi buni lɛmɛni kabla ɔblane ɔkɛnku litela lɛni na úti úte-mi ɔ́siaku nwuna ɔyikun lɛlɔ.

Tesalonikaƒuɔ 1 1:5

Na litemi buni lɛni búbasu-mii ni, ɔɔɔdi kenyekplu kani na kadi. Mmomu kadanku Katɔti Kɔyu ɔyikun budie taatina ɔni na bɔ́ya na bɛ́ti ka sɔsɔ na ɔdi. Bɔgyi ka bɛ́nu kalɛ na bɔ́da bula lɛlɔ na bina akɔ, na ɔmɛni ɔdi bina kebunku.

Timoteo 2 2:26

Ɔmɛni ɔsu bana kasusu kadubɔlɛmi na balɛ Satan ɔni néti-ma únwini nwuna lɛƒɔyɔ bablane kakpagyuɛ kemmo.

Hebriƒuɔ 12:2

Na bɛya na butaanu Yesu lɛti pɛ anumi. Anwu ntɔnku-bu na anwu kani ndubɔya na bula bɔƒɔtaadi bɔbla bɔƒɔtaadi geen bɔwɔlɔ. Ka ɔgyi lɛlɔyɔ lɛni na Katɔti ɔdubɔya na ɔkɛ ɔsu ni, ɔ́kya ɔkplu na úbo abi na ugyii lɛlɔ. Na útakpete edumi ku kɔƒa kɔni bákya-nwu. Na ɔmmɔ kama ni, útélie lɛgaboku lɛlɔ na Katɔti kɔdianu kesii kani náƒɔ kuye ketulo.

Petro 1 1:5

Amii ndubo ala ammɔ bɔdi, ɔsika Katɔti ɔɔgyumana-mii teete ngba bɔƒɔ limeyi lɛni ndububo ka bɛ́ƒɔ Blɔti Yesu Kristo bɛ́di ɔsu.