Luka 15:28 - Katɔti Ɔku Kedee

²⁸ “Ɔmɛni ɔ́ya na livo líƒi ɔnwani unengudi ɔmmɔ kaduɛ ɔni na úni ɔnii ɔsɔ uleduo kaduli muedi. Ɔmɛni ɔsu ɔti ɔ́vi ɔlɛ úbo-nwu kudɔ mmɔ, na úbevele-nwu ɔnii ubo ubeduo kaduli.

Luka 15:28 ပူးပေါင်းရင်းမြစ်များ

Yesaia 65:5

Bekyuli bamɛni mɔɔsu bekyuli bamba banii batani betede-ma, ɔsika ama bese sɛɛn na belese lɛlɔ aani bana bakpana. Nsu geen ni, bekyuli bamɛni bese aani uyɔ na mina enwu kemmo na bese aani ogya ɔni mɔɔda limeyi limodi.

Yesaia 66:5

Amii bani mɔɔyia Katɔti na bɛɛbu-nwu si ɔɔtɛmi ni, binu-nwu litemi. “Na bina banwa bani muudie-mii lɛti na beekisi-mii na mina lɛnyi ɔsu baasu banii, ‘Unwoti udie nwuna ɔyikun keyi na bɔnu! Na udie-mii na lɛlɔ lɛyɔ-mii bɔnu.’ Nsu bani ƒui mɔɔsu ala amɛni udu ni, badubo bunwini ku kɔƒa kɔni naaadia bɔnu.”

Yeremia 35:16

Rekabiƒuɔ bénu bana ɔti kuuku Yonadab ɔda ɔni na úbo-ma na baadi-nwu lɛlɔ. Nsu amii bítenu mina litemi na bɛdi-ni lɛlɔ.

Yona 4:9

Amu na Katɔti úye-nwu ɔnini, “Bi ɔyikun na ebo ɔsu na eeti kɔnyi akya kabuli kammɔ?” Yona údie kenye ɔnini, “Mbo kuƒi ka liti kɔnyi kɔni nédu ka líkpi muedi.”

Mateo 20:11

Na ka báƒɔ egulabi ammɔ ni, bése kalɔ baadɔnku kemo ɔlati ɔmmɔ banii,

Marko 1:40

Ɔnana ɔdi muuƒi ɔlɛgyie úbo Yesu kudɔ. Ɔ́lɛ akɔnkɔ, na úvele-nwu ɔnii ubunku-nwu. Ɔ́su Yesu ɔnii, “Si aayɔ́ ni, akana na abwi-mi na lɛlɔ lɛbla-mi sɛɛn.”

Luka 13:34

“Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Luka 15:2

Mmɔ na Ƒarisiƒuɔ ku ɔda bubo ala batinane bése kalɔ beetemi teewi-nwu na bana lɛlɔ kemmo banii, “Ukyuli ɔmɛni ɔɔƒɔ́ alaekpidi bablane na anwu ku-ma baadi muedi!”

Luka 15:27

Mmɔ na kabla ɔblane ɔmmɔ údie kenye ɔnini, ‘Ƒ'ɔnwani násɔ únwini úbo ɔma na ƒ'ɔti ɔ́ya na bádu ebuo ɔni nélie lɛmwi, ɔsika ɔ́sɔ únwini úbo úbeduo ɔni na lɛla lɛdi lɛɛɛda-nwu.’

Luka 15:29

Nsu ubidi ɔmmɔ únwini na ɔ́su ɔti kɔnakunwi ɔnii, ‘Bi ɔsu na nnye mɔɔbla kabla akwa pii amɛni kemmo teete-ɔ aani ƒula kabla ɔblane na ńtata ńtenye ƒula ɔda bubo ɔdi lɛlɔ kudii, na étete-mi lɛla lɛdi ina ese muedi étete-mi anii ndi limeyi ku mina bakpana.

Luka 24:47

Na nwuna basiakune badubɔkɔ lɛsa na nwuna lɛnyi kemmo bete kalɔ ƒui bekyuli banii benwini kayi kalɛ na Katɔti uti bana ekpidi ɔkyiɛ-ma. Na lɛsa bɔkɔ bɔmmɔ bɔdubuse kalɔ bɔsi Yerusalem.

Luka 5:30

Ƒarisiƒuɔ ku ɔda bubo ala batinane bani nkya kasalakɔ mmɔ bákyaku Yesu basiakune unyeƒi banii, “Bi ɔsu na bɛɛdi na bɛɛní ku kuyi baƒɔne ku alaekpidi bablane babambadi bamɛni?”

Luka 7:39

Ka Ƒarisini ɔni nálɔ Yesu bɔdi ɔ́nu ɔmɛni ni, ɔ́bla kasusu ɔnii, “Si ukyuli ɔmɛni ɔdi Katɔti kenye udiene geen ni, nka ɔlɛka ɔnu ɔti uleku ɔni udu nébo uutuku-nwu mɛni, na ɔti lɛyalɛ ngba bɔni lɛnɔ na ulie!”

Batalane Kabla 13:45

Na uwi ɔni na Yudaƒuɔ benengu bánu bekyuli lisu lɛni nébo kasalakɔ mmɔ ni, anumi égyie-ma, na bákyaku Paulo unyeƒi na bédumi-nwu.

Batalane Kabla 13:50

Amu na Yudaƒuɔ batɔnkune bénwini bekyuli badi kasusu na Paulo ku Barnaba lɛlɔ. Na beleku bani lɛlɔ mbo ɔbu ku ɔma benengu ƒui bétiku otogyi na báta békpoku-ma na bágya-ma bálɛku ɔma ɔmmɔ kemmo.

Batalane Kabla 14:19

Na Yudaƒuɔ badi bási Antiokia na Pisidia ɔmii lɛlɔ ku Ikonion bébo bábavumana bekyuli bamɛni kasusu, na báya bébo Paulo atabi na bákpɛ-nwu kalɔ bálɛku ɔma ɔmmɔ kemmo, na bákali banii úkpi.

Batalane Kabla 14:2

Amu na Yudaƒuɔ bani nátaƒɔ Blɔti litemi lɛmɛni bátadi ni, béti unyeƒi ɔdi bákya bani naaadi Yudaƒuɔ ku Paulo ku Barnaba ntɛ.

Romaƒuɔ 10:19

Na nsɔ muuye nnii na bunu na bétenu-ni kalɔ? Mose ɔlati ndi ukyuli udeedi ɔni náka kenye budie na ɔ́su ka Katɔti ɔ́su ɔnini, “Ndubɔya na anumi egyie-mii na bekyuli bani naaadi Yudaƒuɔ lɛlɔ. Na ndubuti bekyuli bani anumi nétebimi lɛkya-mii kɔnyi.”

Korintoƒuɔ 2 5:20

Na abu nnye Kristo kenye. Na Katɔti ɔlati nkɛ-bu lɛlɔ na ɔɔsu-mii lɛla lɛni geen na ɔɔwia taasiku-mii kudɔ. Ɔmɛni ɔsu bunye Kristo kenyekɔ buuvele-mii bɔnii bɛya na Katɔti ɔklibi amii ku-nwu ntɛ.

Tesalonikaƒuɔ 1 2:16

Béti básia lɛlɔ banii butasu bani naaadi Yudaƒuɔ litemi buni lɛmɛni kalɛ na bakɛ ngba ƒui. Na baatɛ ekpidi etila taasia ekpidi kama teete lɛlɔ ani nédu kesii kani na Katɔti kɔtu bɔni bubo-ma lɛlɔ.

Samuel 1 17:28

Ka Dawid ɔnwani unengudi Eliab únu ka Dawid ku bekpone bammɔ benye baatɛmi ni, ɔ́kɛ kɔnyi ɔ́kya-nwu geen na úye-nwu ɔnini, “Bi na ébo aawia mɛni? Ɔma na áda baƒonu ɛlɛɛ bammɔ ése na ɔɔnu lɛlɔ? Ngyi-ɔ kalɛ na aakun ala lɛmɛnɛ ku kayi kekpidi kani nkya-a. Ɔɔɔdi kekpo kamɛni ɔsu na ébo mɛni abanu lɛla lɛni mɔɔlɛ́?”

Samuel 1 18:8

Ɔnu ɔmɛni ɔ́ya na Saul kayi kékpoku-nwu na ɔ́kɛ kɔnyi geen. Ɔsika únu-nwu kalɔ na nwuna kasusu kenye na ɔ́su ɔnini, “Bɔsu na beleku bammɔ bada-nwu banii Dawid ɔ́du bekisine mpim leevu leevu, na ami Saul anwu ni, bana apim apim kani na lɛ́kana bɔdu. Na ulu bamba ɔni lɛlɔ na badubɔsia na babu Dawid betulo kalɛ na badaku bɔbla mɛni ndi ka batu-mi lɛga na beti Dawid bese.”