Luka 15:27 - Katɔti Ɔku Kedee

²⁷ Mmɔ na kabla ɔblane ɔmmɔ údie kenye ɔnini, ‘Ƒ'ɔnwani násɔ únwini úbo ɔma na ƒ'ɔti ɔ́ya na bádu ebuo ɔni nélie lɛmwi, ɔsika ɔ́sɔ únwini úbo úbeduo ɔni na lɛla lɛdi lɛɛɛda-nwu.’

Luka 15:27 ပူးပေါင်းရင်းမြစ်များ

Mateo 22:4

“Anwuɔsu ɔ́tala kabla bablane babambadi ɔnii batásu bekyuli bammɔ banii, ‘Limeyi lɛni bɔdubo bɔdi lídu! Bɔ́ɔdu bebuo bani ƒui na bɔdubuti bútaanu-mii kama. Na báaklibi lɛla biala bése. Anwuɔsu biteebo uleku ketikɔ!’

Luka 15:26

Amu na ɔ́kpali kabla bablane bammɔ akɔ unwi na úye-nwu ɔnini, ‘Bi mɔɔlɛ́ kaduli?’

Luka 15:28

“Ɔmɛni ɔ́ya na livo líƒi ɔnwani unengudi ɔmmɔ kaduɛ ɔni na úni ɔnii ɔsɔ uleduo kaduli muedi. Ɔmɛni ɔsu ɔti ɔ́vi ɔlɛ úbo-nwu kudɔ mmɔ, na úbevele-nwu ɔnii ubo ubeduo kaduli.

Luka 15:30

Nsu ka ƒ'ubidi ɔni nébile ƒula lɛkɛ na ɔkɛ ɔsiaku bayalɛ mɛni ɔ́sɔ únwini úbo ɔma ni, ádu ebuo ɔni nélie lɛmwi éte-nwu!’

Batalane Kabla 22:13

Ukyuli ɔmɛni úbo úbenye-mi kudɔ na ɔ́su-mi ɔnini, ‘Ɔnwa Saulo, bimi anumi!’ Na uwi ɔmmɔ kemmo kani ni, mina anumi ábla nwaa na lɛ́nu-nwu!

Batalane Kabla 9:17

Anwuɔsu Anania úsie na útánu Saulo na úti enu ɔ́sia-nwu lɛlɔ, na ɔ́su-nwu ɔnini, “Ɔnwa Saulo, Blɔti Yesu ɔni nédie lɛlɔ ɔ́tina-a na ulu lɛlɔ ni, anwu nátala-mi ɔ́kya-a kalɛ na asɔ ataanu na Katɔti Kɔyu kɔƒɔ-ɔ lɛlɔ kemmo ƒui.”

Ƒilemon 1:16

Na ɔƒɛni ni, ɔɔɔdubo-ɔ kudɔ aani ukyuli bamba kabla ɔblane kani. Mmomu ɔdi bula ɔnwa ɔyɔne na Kristo kemmo. Ɔ́ƒɔ-mi kuye geen! Nsu awɔ ni, ɔdubɔƒɔ-ɔ kuye utulo-mi. Ɔsika ɔdubo aani ƒula kabla ɔblane ku ƒula ɔnwani na Blɔti kemmo lɛnɔ.

Samuel 1 28:24

Ɔmmɔ kama uleku ɔmmɔ úƒie koƒonu kɔkɔdi kɔdi na kúlie lɛmwi kaduɛ na ɔ́du-ku. Na ɔ́ma ɔlaaƒɔ ɔdi lɛnɔ na ɔ́nwu na úƒi bodobodo ɔni kemmo na bɔnyii buuubo.