Luka 15:22 - Katɔti Ɔku Kedee

²² “Nsu ni, ɔti ɔ́kpali nwuna kabla bablane ɔnii, ‘Bɛbabla na biti adala abuni bibakya-nwu. Na biti asɛɛ ku lɛgbanvuo lɛbuni lɛnɔ bɛkya-nwu enu ku lɛgba.

Luka 15:22 ပူးပေါင်းရင်းမြစ်များ

Ala Kalɔ Buse 41:42

Amu na Ƒarao údie nwuna lɛgadi kakwɛnimi na kɔnu ɔ́kya Yoseƒ kɔnu. Na ɔ́ya na béti awu gyɔlɔɔ kpɛtɛ kpɛtɛ ɔbuni ɔdi bákya-nwu. Na béti sika ugyiedi adala bákya-nwu ɔkwɛ.

Ester 3:10

Mmɔ ni, Ahasweros úti nwuna ɔyikun kakwɛnimi kani mɔɔtina ka ɔ́sia lɛla lɛdi kɔnu ka babla-ni úte Haman ɔni ndi Hamedata ubidi ɔni nási Ɔga Agag kaba kemmo, ɔni muukisi Yudaƒuɔ mmɔ.

Ester 8:2

Na ɔga ɔmmɔ údie nwuna kakwɛnimi kani na ɔ́ƒɔ ɔ́siku Haman kudɔ úte Mordekai. Ɔmmɔ kama ni, Ester úti Mordekai únyene Haman ala ƒui kenye.

Kɔgya 132:16

Na ndubɔya nwuna bakpane bataabla ala ani nse siin uwi biala, na lɛya nwuna bekyuli kedee bebo kudu ku lɛlɔyɔ.

Kɔgya 132:9

Ya na ƒula bakpane bataabla ala ani nse siin uwi biala. Na aya na ƒula bekyuli kedee bebo kudu ku lɛlɔyɔ.

Kɔgya 18:33

Ɔ́ya na mina lɛgba lɛ́yu ɔkplu aani akwa. Na ɔɔtɔnku-mi taavinku ulu siin lɛlɔ.

Kɔgya 45:13

Bula kadi, bɛnu kalɛ na ɔga ule ɔni nkya nwuna ɔtɔ kemmo mmɔ ɔɔdia bɔnu! Awu ɔni na ɔkya ni, sika ugyiedi kabuli na béti báka-nwu.

Lɛnu Ƒui Ɔnu 7:1

Uleku ɔga ubi na adi, na ƒula lɛgba lɛɛdia bɔnu na ƒula lɛgbanvuo kemmo. Na ƒula ebuli aadia bɔnu aani si ɔvɔne ɔdi néti sika ugyiedi na ɔ́nwi-nya ɔ́lɛku-nwu kemmo.

Yesaia 61:10

Lɛlɔ lɛɛyɔ́-mi na Unwoti lɛlɔ na ebiti aada mina kɔyu na lɛla lɛni na mina Katɔti ɔ́bla úte-mi ɔsu. Kalɛ na ɔ́ƒɔ-mi ngba use aani kalɛ na baaklibi uleku teesienku kawɛɛkɔ. Na lɛduni lɛni mɔɔtina ka ɔ́bla-mi siin lɛma-mi lili aani ɔkpane lɛduni lɛni na uubi lili.

Luka 15:21

“Mmɔ na ubidi ɔ́su-nwu ɔnini, ‘Ati, lɛ́bla likpidi lɛ́ƒiɔ Katɔti, na lɛ́ƒiɔ awɔ lɛnɔ. Na ńsɔ ńtamanku ka alɔ-mi anii ubi lɛnɔ!’

Luka 15:23

Ɔmɛni kama ni, bisie na bitéƒie ebuo ɔni nélie lɛmwi kaduɛ na bɛdu-nwu. Na bɛya na bɔdi limeyi.

Romaƒuɔ 13:14

Mmomu biti Blɔti Yesu Kristo bɛkya aani awu, na bɛda kasusu bidie ɔlɔna ala keeke ani mɔɔda-mii ɔkwɛ lɛlɔ.

Romaƒuɔ 3:22

Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 8:15

Katɔti útete-mii kɔyu kɔni náya na binwini liƒu ala kabla bablane. Mmomu úte-mii Kɔyu kɔni náya na binwini nwuna bebi. Na ɔkɛnku Kɔyu kɔmmɔ lɛlɔ ɔsu na bɔɔkpali Katɔti bɔnii, “Abba” ɔni kalɔ ndi mina Ati.

Galatiƒuɔ 3:27

Ɔsika amii bani ƒui náƒɔ ntu bɔkpila ɔdi ɔmmɔ na Kristo kemmo ni, bíti Kristo bɛ́kya aani awu kalɛ.

Eƒesoƒuɔ 6:15

Na binye kagyumana na biti keyi buɛɛ litemi buni lɛmmɔ bɔsu binwini aani agbanvuo bɛkya lɛgba.

Lɛkpa Ulu 33:25

Na beti abuala ani mbo ɔkplu geen bagyumana bina lɛma kɔyakun. Na ɔyikun ɔkya bina bekyuli akɔ.

Budie Taatina 19:8

Blɔti úte-ma kɔdi kɔbuni kɔni muukeye sɛɛn ka beti benyimi.” Na kɔdi kɔbuni kɔmmɔ ndi ala siin ani na Katɔti bekyuli bammɔ bábla.

Budie Taatina 2:17

“Si bibo atu ni, na binu lɛla lɛni na Katɔti Kɔyu kɔɔsu baƒɔtaadine akpa ammɔ. Anwu ɔni madi ekpidi lɛlɔ ni, ndubo-nwu adila ani na Katɔti ɔ́bala úse adi bute. Na ndubute-nwu lɛtabi lɛƒualadi lɛdi lɛnɔ lɛni lɛlɔ na bénweni lɛnyi lɛwɔdi básia lɛni na ukyuli ɔmmɔ kani ndubɔti-ni.”

Budie Taatina 3:18

Anwuɔsu mɔɔlɛ-mii kpakplaa nnii bibo na bibeye sika ugyiedi ɔni bábla kede kede na ogya kemmo na mina kudɔ na binwini balakɛne. Na bibeye adiƒuala ani na binyimi na bekyuli basɔ balanu bina kasɔngya ku kɔƒa. Na biye kuvo bɛkya anumi na bitaanu kaduɛ.

Budie Taatina 6:11

Mmɔ na úte bekyuli bamɛni ɔdi biala awu ɔƒualadi, na ɔ́su-ma ɔnii bakɛ kayi betédu uwi ɔni na kayawi bekyuli bádu bana kabla bablane bakpana bammɔ aani kalɛ na bádu ama lɛnɔ. Ɔsika bana bumomo bútedu bútawɔlɔ tɔ.

Budie Taatina 7:9

Na ɔmɛni kama ni, lɛ́nu ka bekyuli pii badi benye mmɔ bani na ukyuli ɔdi ulakana bɔka! Bekyuli bamɛni bási kalɔ biala kemmo ku kadi biala akɔ ku bekyuli lidu lidu ƒui akɔ ku adi lidu biala kemmo ka bénye lɛgaboku lɛmmɔ ku Koƒonu Ubi ɔmmɔ anumi, na bákya lɛwu lɛƒualadi na bada like.