Luka 15:16 - Katɔti Ɔku Kedee

¹⁶ Kɔka ɔsu ni, ɔ́yɔ ka nka ɔkɛ baplakuo adila ani na beete-ma mmɔ adi ɔdi, ɔsika ɔ́nu aani bekyuli lɛnɔ bakana-nya bɔdi, nsu ukyuli ɔdi útete-nwu adi.

Luka 15:16 ပူးပေါင်းရင်းမြစ်များ

Hiob 30:4

Alakpi ani na ukyuli ulati-nya emini na beekpeli taakun na ana ligyiitu na baasala ogya taakɛ liwulu na kɔyɔ uwi.

Kɔgya 142:4

Si lɛ́nu lɛ́mana ni, mɔɔnu ka ukyuli ɔdi uuubo na ute-mi kebunku kadi. Ɔmmɔ ɔsu ńtakɛ katamikukɔ kadi. Na ukyuli ɔdi lɛnɔ ɔɔɔdaku mina ngba lɛda.

Kɔgya 73:22

Nsu kɔdɔlɔ ku lɛla tati ala na lɛ́bla. Na lílieku ebuo na ƒula anumi.

Yesaia 44:20

Bi ɔsu na ɔlɛka ukyuli ɔdɔlɔ laa lɛni utédu ka unye utaabu lɛla lɛni na bakana bakyula benwini ntɔ na ulanu taati ka ɔkɔ ala bɔbla na adi mmɔ, na ɔmmɔ uláƒɔ-ma ngba ka baaadi baƒiɔ bayikune ɔsu?

Yesaia 55:2

Bi ɔsu na biibile egulabi na lɛla lɛni naaadi adila geen lɛlɔ na binye biitú lɛlɔ na lɛla lɛni neeemo ukyuli lɛlɔ? Bise atu na binu-mi litemi kaduɛ, na bɛdubɔdi emini biala na bɛɛyɔ́, na bɛkɛ adila abuni ƒui bɛdi bimo.

Yesaia 57:3

“Nsu amii ni, bilenu litemi munu munu. Bɛkɛ bekebone ku baƒiɔkpane lɛlɔ bɛɛkɔ́ taayu. Na ɔƒaani ni, bise atu na binu!

Kɔnyana Buwulo 4:5

Na bani mɔɔdi balakɛne adila ku lɛmwi ku lɛmwi muedi ni, batɛ beekpi ku kɔka na lɛblɔnu lɛlɔ. Na bani nási bákɔ na kɔduli kɔbuni kemmo na baaagyi ayaki adi ni, ɔƒɛni amu beli kɔwaba kemmo.

Hosea 12:1

Ɔƒɛƒɛɛ kama kani na Israelƒuɔ basia uwi ndi uwi. Na ɔkɔ bɔnyi ku ala bubile ku bekyuli lɛlɔ bɔta teenye kani náƒɔ-ma keliela kemmo na kesi kesii. Ama ku Asiriaƒuɔ muunyimi ala, na ama ku Egyipteƒuɔ baadi nnɔ kuye.

Mateo 7:6

“Bitebo ala ani nse kedee bitewi beƒiebuo. Si bíti bíte-ma ni, badubɔta bebeƒie-mii. Bitebo bina asɛɛ ebi ani náƒɔ kuye bitewi baplakuo, ɔsika badubɔnya-nya bakya aba. Katɔti muuti ala abuni teete bekyuli bani muuvele-nwu ala ammɔ.

Luka 15:15

Ɔmɛni ɔsu úti lɛlɔ útése ɔkpa úte ɔnana ɔdi ɔnii utaabla kabla udu biala na wakɛ ute-nwu. Na ɔnana ɔmmɔ lɛnɔ úti-nwu útákya nwuna baplakuo kanyuɛkɔ na nwuna lɛkpaklɔ lɛdi.

Luka 15:17

“Kawɔlɔkɔ ni, ɔ́sɔ únwini úbo lɛlɔ kemmo na ɔ́su lɛlɔ ɔnii, ‘Bekyuli bani nése lɛlɔ ɔkpa béte mina ɔti na baabla nwuna kabla ni, baakɛ́ adila taadi na eebú muedi. Na ami nlie mɛni na kɔka kɔdubo-mi bɔdu!