Luka 15:13 - Katɔti Ɔku Kedee

¹³ “Na emeyi alɛɛ adi kama ni, ɔnamudi ɔmmɔ úti nwuna ala ammɔ ƒui úye na úti egulabi ammɔ na ɔ́tɔlɔ úsie ɔlɔgyu kakaaka kesii kani na útélie ngba basa basa na úbile egulabi ammɔ ƒui.

Luka 15:13 ပူးပေါင်းရင်းမြစ်များ

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Agba 18:9

Ɔkɔsɔne ɔdi ukyuli ukpidi aani ukyuli ɔni muubile bekyuli ala.

Agba 21:17

Bekyuli bani na ebiti keeke kama bɔsiaku bɔdia-ma ni, bawabane na beenwíni. Ntɛ ku adikpi lɛlɔyɔ alaya na ukyuli ɔɔkɛ́ lɛkɛ.

Agba 21:20

Banundane bebo lɛkɛ ku ala ani mɔɔdia bɔnu. Nsu badɔlɔdi baadi lɛla ndi lɛla teedie ku udu.

Agba 27:8

Ukyuli ɔni náyii ɔtɔ ulu ni, use aani aasɛ ɔni náyii nwuna lɛyu ulu.

Agba 28:7

Ukyuli ɔni mɔɔdi ɔda bubo lɛlɔ ɔdi ubi ɔni mɔɔdá anu. Nsu ubi ɔni mɔɔdiku bakpana bekpidi ku badivone kɔkpana ni, ɔɔkya ɔti kɔƒa.

Agba 29:3

Ukyuli ɔni mɔɔyɔ́ lɛnunda ni, lɛlɔ lɛɛyɔ́ ɔti. Nsu si anwu ku beleku bayalɛ mɔɔví ni, nwuna lɛlakɛ lilélie.

Agba 6:26

Ɔsika ɔyalɛ ɔdubɔyila-a udu butédu ƒula limeyi bodobodo muedi. Na ngba bumodi bɔmmɔ geen na uleku ɔsɔnɔdine ɔɔtú-ɔ uƒie aani eƒiebuo.

Yesaia 1:4

O kadi bekyuli bekpidi, bana ekpidi énwini etila na aayu-ma unu. Badi alaekpidi bablane kasala, bebi bekpidi bani muusé lɛlɔ! Béni na bédie Unwoti atu, na béni Israel Ɔlatidi Kedee ɔmmɔ, na bénwini kama bákya-nwu.

Yesaia 22:13

Nsu bɛɛnu ka lɛlɔ mmomu mɔɔyɔ́-mii, na bɛɛtɔ́ taaƒia taadi limeyi, na bɛɛdú bebuo taakun na bɛɛdi na bɛɛní ntɛ! Na bɛɛsu bɛnini, “Bɛya bɔdi na bɔni, ɔsika kɔnaadi bɔdubo bukpi.”

Yesaia 30:11

Na bɛda-bu bɛnyonu na bɛwia kasiakɔ. Ɔsika bɔsɔ buláwia ka bunu lɛla lɛdi bɔsiku Israel Katɔti Kedee ɔmmɔ lɛlɔ lɛnɔ!”

Yesaia 56:12

Na bɔsu kani na bɛɛsu lɛlɔ bɛnini, “Bɛya na bɔni-mu na bukpi-mu! Na kɔnaadi lɛnɔ ɔsia-nwu lɛlɔ lɛni kani, na bɔkya lɛlɔ ebiti.”

Yeremia 2:13

“Mina bekyuli, bɛ́ƒiɔ-mi na lilu inyɔ lɛlɔ. Bíni ami ɔni ndi libiɔ lɛni mɔɔyu ntu buni, na biidú ntu teewi abiɔ ani na bíku na bɛ́tu bɛ́kya kalɔ kemmo na ásia kɔka na ntu bulakana-nya kemmo buwi.

Yeremia 2:31

“Bise atu na binu lɛla lɛni na mɔɔsu. Budie na lídie-mii atu na kalɔ kakwiidi kammɔ kemmo na bɛ́sɔ bɛkya lɛdisa kemmo? Mina bekyuli na bɛdi, nsu bɛ́kana na bɛ́su-mi bɛnini, ‘Lɛla lɛni na abu bɔɔyɔ́ na bɔdubo bɔbla, na bɔɔɔdubo-ɔ lili kalɔ bɔkya.’

Yeremia 2:5

Lɛni na ami Unwoti muuye-mii nnini, “Bi likpidi na bina bati kuuku bánu-mi lɛlɔ ɔsu na bénwini-mi kama na bésie basiaku ala bamba ani neeebo kɔsia ɔsu na ama alati lɛnɔ básɔ beeebo-mi kɔsia kɔdi?

Mika 6:3

“Mina kadi bekyuli, bɛsu na linu si lɛ́ƒiɔ-mii na ulu ɔdi lɛlɔ?

Luka 15:12

Amu na ɔnamudi ɔ́su ɔti ɔnini, ‘Ati, ti mina kadikɔ kani na adubo-mi bute te-mi gyɔnkɔ.’ Ɔmɛni ɔsu ɔnana ɔmmɔ úti ala ammɔ úle akpa anyɔ úte nwuna bebi inyɔ bammɔ.

Luka 15:14

Ɔ́di lɛla biala lɛni na ɔda ɔ́wɔlɔ. Na ɔmmɔ kama ni, kɔka kubendi kɔdi kúbo na kalɔ kammɔ lɛlɔ ƒui ɔsu kɔka kúbo kɔɔda-nwu na ɔsɔ uuubo lɛla lɛdi na ɔdi.

Luka 15:30

Nsu ka ƒ'ubidi ɔni nébile ƒula lɛkɛ na ɔkɛ ɔsiaku bayalɛ mɛni ɔ́sɔ únwini úbo ɔma ni, ádu ebuo ɔni nélie lɛmwi éte-nwu!’

Luka 16:1

Yesu ɔ́su nwuna batɛyane ɔnini, “Dii ni, ɔlakɛne ɔdi ɔ́kya ɔni mbo kabla ɔblane ɔni mɔɔnu-nwu ala lɛlɔ. Amu na bábasu ɔlakɛne ɔmmɔ ka nwuna ala lɛlɔ ɔnune ɔmɛni uubile-nwu egulabi.

Luka 16:19

“Dii ni, ɔnana ɔlakɛne ɔdi ɔkya ɔni mɔɔda adala ani náƒɔ kuye, na ebiti kemmo sɔɔn na ɔ́kya nwuna ngba emeyi kemmo ƒui.

Eƒesoƒuɔ 2:13

Nsu ɔƒɛni ni, amii bani na nka bɛ́gyunku Kristo Yesu ni, ɔkɛnku nwuna ubugya ɔni na úti úwi kalɔ na bina lili ɔsu ni, bɛ́kpɛ bíde-nwu.

Eƒesoƒuɔ 2:17

Anwuɔsu Kristo úbo úbakɔ keyi buɛɛ litemi buni lɛmmɔ lɛsa úte bekyuli bani nágyunku-nwu ku bani nákpɛ béde-nwu ƒui.

Petro 2 2:13

Katɔti ɔdubɔya na bebo abi aani kalɛ na ama báya na bekyuli bébo abi kalɛ. Bana ebiti ndi ka badi lɛla biala ɔdivo ku ɔƒiiwi nwaa muedi. Ɔdi kɔƒa litemi ka basalaku-mii si bɛɛdi. Na bana ɔkɔ ala kani mɔɔda-ma kubiti.