Luka 15:10 - Katɔti Ɔku Kedee

¹⁰ Na mɔɔsu-mii geen ka ni, lɛni kani na Katɔti batu lɛnɔ baakɛ́ ebiti na alaekpidi ɔblane unwi ɔni nénwini kayi ɔsu.”

Luka 15:10 ပူးပေါင်းရင်းမြစ်များ

Esekiel 18:23

Ami Unwoti Katɔti naaayɔ ka lɛnu ka ukyuli ukpidi ukpi. Mmomu ɔɔda-mi kubiti ka lɛnu ka únwini kama ɔ́kya nwuna ekpidi bɔbla na ulie ngba.

Esekiel 18:32

Ami Unwoti Katɔti naaayɔ ka lɛmmɔ udu lɛlɛku bina akɔ ɔdi. Anwuɔsu bɛda ekpidi bɔbla bɛya na bilie ngba!”

Esekiel 33:11

Su-ma anii kede kede nwaa ni, ami Unwoti Katɔti ɔni na nli ngba uwi ƒui mɛni ni, naaawia ukyuli ukpidi kukpi. Mmomu lɛlɔ mɔɔyɔ́-mi ka lɛnu ka ɔvumana udu na ɔ́da likpidi bɔbla ɔ́ya. Anwuɔsu si Israelƒuɔ baayɔ́ ka belie ngba bɔdi ni, ɔlɛka bada ekpidi bɔbla baya na benwini bebo-mi kudɔ.

Mateo 10:32

“Si ukyuli ɔdi udie lɛlɔ kenye na kadi anumi ka ɔdi mina ɔdi ni, ami lɛnɔ ndubudie-nwu kenye na mina Ɔti anumi na katɔ.

Mateo 18:10

“Bɛnu kaduɛ kalɛ na bilanu banamu wɛlɛ wɛlɛ bamɛni ɔdi bɛnii ɔɔɔdi lɛla lɛdi na bina akɔ. Ɔsika mɔɔsu-mii nwaa nnii bebo Katɔti batu bani nnye mina Ɔti anumi na katɔ uwi biala.

Mateo 18:14

Lɛni kani na bina ɔti ɔni nkya katɔ ulawia ka banamu wɛlɛ wɛlɛ bamɛni ɔdi ɔyii.

Luka 12:8

“Mɔɔsu-mii nwaa ka ni, ukyuli ɔni masu na kadi anumi ka ɔdi mina ɔdi ni, Ukyuli Ɔyawine Ubi lɛnɔ ɔdubɔsu lɛni kani na Katɔti batu anumi na nwuna lɛlɔ.

Luka 12:9

Nsu ukyuli ɔni meni-mi na kadi anumi ni, Ukyuli Ɔyawine Ubi lɛnɔ weni-nwu na Katɔti batu ƒui anumi.

Luka 13:5

Oowo, ɔɔɔdi lɛni kudii! Mɔɔsu-mii ka si bítavumana udu ni, lɛni kani na bina ƒui bɛdubo bukpi aani ama kalɛ.”

Luka 15:11

Yesu úsie anumi na ɔ́su-ma ɔnini, “Ɔnana ɔdi ɔ́kya ɔni mbo bebi bananabi inyɔ.

Luka 15:7

Na mɔɔsu-mii ka ni, lɛni na ebiti enengudi adubɔda Katɔ Ɔga Ɔma badi ƒui na alaekpidi ɔblane unwi pɛ ɔni nénwini kayi ɔsu utulo ebiti ani bebo na nkyuli liti ku aavlene-yaalenwi babuni bani naaawia kayi bunwini.

Luka 15:9

Na si ɔ́nu-nwu ni, ɔdubɔlɔ nwuna bakpana ku liku bekyuli ɔsala, na ɔsu-ma ɔnii, ‘Ebiti aada-mi geen, ɔsika lɛ́nu mina sika ubi ɔni náyii ɔsu bɛkɛku-mi ebiti.’

Luka 7:47

Anwuɔsu mɔɔsu-ɔ ka ni, na bɔyɔ bɔni na údie ɔ́tina-mi ɔsu ni, ɔ́kɛ nwuna ekpidi pii ani na ɔ́bla ƒui buti taakyiɛ. Na ukyuli ɔni na blii na béti bákyiɛ-nwu ni, nwuna bɔyɔ lɛnɔ buse blii.”

Batalane Kabla 11:18

Uwi ɔni na bénu etemila amɛni ni, báda bana unyeƒi báya na bése kalɔ beemwi Unwoti. Na básu banini, “Sɔsɔ ni, Katɔti úte bekyuli bamba lɛnɔ kuƒi ka benwini bebo-nwu kudɔ na bakɛ ngba.”

Batalane Kabla 5:19

Nsu usientɛ ni, Katɔti ɔtu ɔdi úbalɛmi ɔtɔ ɔmmɔ kayakun na ɔ́da-ma údie.

Korintoƒuɔ 2 7:10

Na si Katɔti ala lɛlɔ ɔsu na ukyuli alaekpidi ani na ɔ́bla éduo-nwu ni, uunwíni kama taakya ekpidi bɔbla na ɔɔkɛ́ bɔƒɔ ɔni na ɔsɔ ulenu ɔlɛ ɔdi. Nsu si kayawi ala lɛlɔ ɔsu na lɛla lɛdi liiduo-ɔ ni, ɔɔyá na aayila ngba geen bɔmmɔ.

Ƒilemon 1:15

Ɔƒaalɛ Katɔti ɔ́ya na Onesimo ɔ́tɔlɔ-ɔ kudɔ uwi klukui ɔmɛni kemmo kalɛ na ɔsɔ unwini ubo ubakya-a kudɔ uwi ƒui.

Hebriƒuɔ 1:14

Na nwuna batu ƒui ama ni, ɔɔɔdi ayu ani muusié-nwu bɔtala ka beteebunku bekyuli bani na Katɔti ɔdubɔya na bakɛ bɔƒɔ na badi yoo?