6 Nsu bátakana-nwu kenye budie.
Bana akɔ ɔdi útakana na udie Yesu litemi lɛmmɔ kenye. Na ɔ́si limeyi lɛmmɔ lɛlɔ ni, ɔdi ɔ́sɔ útakana na use kayi uye Yesu litemi lɛbambadi lɛdi.
Kenye kani na Yesu údie mɛni ɔ́ya na kɔƒa kúkpo nwuna bekisine, na bekyuli bakladi bákɛ ebiti na akɔla budie taatina ani ƒui na ɔ́bla ɔsu.
Na bekyuli anumi mmɔ ni, bátakana na beƒie-nwu na lɛla lɛdi lɛlɔ. Bana kenye kékpi-ma na bábla yaa na kenye kani na Yesu údie ɔsu.
Ɔmmɔ kama ni, ɔdi ɔ́sɔ útese kayi na uye lɛla bamba lɛdi lɛnɔ.
Ɔsika ndubuti kenye ogya etemila ku lɛnunda lite-mii kalɛ na bina bekisine badi balakana bunye bɔsiaku-mii iye batɛmi bedie-mii kudii.
Nsu bana akɔ ɔdi biala útakana-nwu kenye bunye ɔ́si nwuna lɛnunda ku litela lɛni na Katɔti Kɔyu kúte-nwu ɔsu.
