Luka 14:27 - Katɔti Ɔku Kedee

²⁷ Si ukyuli ɔni naaadubo bɔkana na ubo abi aani ami kalɛ na ɔsiaku-mi kama ni, ulakana-mi bɔtɛya.

Luka 14:27 ပူးပေါင်းရင်းမြစ်များ

Mateo 10:38

Ukyuli biala na ulayɔ ka ɔsiaku-mi kama na ubo abi aani ami kalɛ ni, útamanku ka ɔbla mina ɔtɛyane.

Mateo 13:21

Nsu ka litemi lɛmmɔ lítaƒɔ-ma lɛlɔ kemmo ɔsu ni, lilélie-ma kemmo teetu uwi ɔdi. Anwuɔsu si lɛbibo iye bukpoku bɔdi búbo-ma lɛlɔ na litemi lɛmmɔ ɔsu ni, enu aaƒɛ-ma kɔnakunwi.

Marko 10:21

Yesu ɔ́nu-nwu ku bɔyɔ na ɔ́su-nwu ɔnini, “Lɛlakpa linwi kani nébu-ɔ bɔbla. Teesie na etéti ala ani na ebo ƒui eye na eti egulabi ammɔ ete bawabane, na adubunwini ɔlakɛne na katɔ. Ɔmɛni kama ni, na ebo abasiaku-mi kama ƒui!”

Marko 15:21

Uwi ɔni na bakɛ bésela ni, básiaku ɔnana ɔni baalɔ Simon ka ɔ́si lɛkpaklɔ ɔdubo Yerusalem. Amu na bekpone bammɔ básu-nwu banii ɔlɛka ubunku Yesu ugyii ɔmmɔ buti. Na Simon ɔmɛni ɔ́si Sireni, na nwuna bebi ndi Aleksandra ku Ruƒo.

Luka 14:28

“Si ukyuli ɔdi ɔɔwia ka ɔtu ɔtɔ bonwu ɔdi ni, ɔɔka kalɔ bulie na ɔɔbu atula ammɔ ƒui kuye taanu si ubo egulabi ammɔ udu ɔyikun kalɛ na wakana ɔtɔ ɔmmɔ bɔwɔlɔ asa na use kalɔ.

Yohane 19:17

Anwuɔsu bekpone bammɔ bákpanku Yesu bátɔlɔku. Na báya na anwu ɔlati uti ugyii ɔni lɛlɔ na badubo-nwu bɔkana bɔmana mmɔ. Na báyu ulu bésie kesii kani baalɔ banii Opokuo kalɔ. Na Hebri lɛdi kemmo ndi Golgota.

Batalane Kabla 14:22

Mmɔ na bákya baƒɔtaadine bani nkya mmɔ ɔkplu banii benye kpakplaa na bana bɔƒɔtaadi kemmo. Na básu-ma lɛnɔ banini, “Ɔlɛka bubo abi pii asa na bɔkɛ lɛlɔyɔ na Blɔti lɛga bɔdi kemmo.”

Timoteo 2 1:12

Na ɔkɛ ɔmɛni lɛlɔ ɔsu muubó abi na kɔƒa kulekpo-mi. Ɔsika lɛ́ƒɔ lɛ́di geen, na ngyi ukyuli ɔni lɛlɔ na mina anu asia. Na ngyi lɛnɔ ka ɔdubɔgyumana-mi na lɛda lɛla lɛni na úti ɔ́kya-mii enu kemmo kaduɛ wetédu limeyi lɛkladi lɛmmɔ lɛlɔ.

Timoteo 2 3:12

Sɔsɔ na ɔdi ka ni, bekyuli bani ƒui melie ngba buni na Kristo kemmo ni, badububo abi na bekpoku-ma.