Luka 14:13 - Katɔti Ɔku Kedee

¹³ Mmomu si aadi limeyi lɛmɛni udu ni, lɔ bawabane ku bekyuli bani naaakana busie kaduɛ ku bani náƒɛ bewi kalɔ ku bani na anumi ábwɛ-ma.

Luka 14:13 ပူးပေါင်းရင်းမြစ်များ

Samuel 2 6:19

Na ɔmmɔ kama ni, úte Israelni biala na úbo mmɔ bodobodo kakɛ ku egyiibi akangyiɛ lɛna lɛni bákɔ básɔku béƒi asa na bátɔlɔ bésie kɔduli.

Ala Alɛdi 2 30:24

Ɔmmɔ ɔsu ni, Hesekia úte bekyuli bammɔ ɔmantɛ bakɔ apim unwi ku baƒonu mpim maatɛ ka beti bakpa na badi-nya lɛnɔ aani adila kedee. Na nwuna benengu ama béte ɔmantɛ bakɔ apim unwi ku baƒonu mpim leevu. Bakpane pii lɛnɔ bénu kalɔ ka babla lɛlɔ bɔbla sɛɛn ɔdi ɔmmɔ.

Nehemia 8:10

Na Nehemia ɔ́sɔ ɔ́su ɔnini, “Ɔlɛka biteesie kaduli, na bitánwa adila kaduɛ na bite ɔkpanadi ɔni neeebo ɔdi. Ɔsika ɔmwi limeyi lɛmɛni lɛdi limeyi kedee lite Unwoti. Bitadu kɔnyana, ɔsika Unwoti lɛlɔyɔ lɛdubute-mii lɛlɔkplu!”

Nehemia 8:12

Anwuɔsu bekyuli bammɔ ƒui bátɔlɔ bésie kɔduli bátánwa, na bádi na báni na béte bakpanadi lɛnɔ. Ɔsika ɔda bubo etemila ani báka bátina-ma mmɔ ni, bénu-nya kalɔ.

Hiob 29:13

Na bekyuli bani na ala étulo na nka bukpi na bada muedi ni, lídie-ma na beete-mi kusɛ kusɛ. Na bekpinele kayi káyɔ-ma ƒaa na bédie lɛlɔyɔ lɛnu.

Agba 14:31

Bekyuli bani muukpóku bawabane ni, beedumi Unwoti. Nsu bani muubunku-ma ni, baabu Unwoti.

Agba 22:9

Bekyuli bani mbo lɛƒɔndia na beete bawabane ala ni, kusɛ kusɛ ɔdubɔsiaku-ma.

Yesaia 58:10

Bile bina adila bite bani na kɔka kɔɔda na bɛƒɔ bani neeebo kuduokɔ na bakɛ kuduokɔ na bina kudɔ na bɛnu-ma lɛlɔ. Na ɔmmɔ ɔdubɔya na bina ablala ekeye na kesii kani na kese suu. Na si amii lɛnɔ bíduo ɔgbankpi ɔdi kemmo na use aani kalɛ na beeduo lɛdisa kemmo ni, na unwini aani ɔƒiiwi kadi nwaa ute-mii.

Yesaia 58:7

Na bile bina adila bite ukyuli biala na kɔka kɔɔda. Na bɛya na bawabane ku bani neeebo kuduokɔ bakɛ kuduokɔ bina kudɔ na bakɛ kɔtɛnkɔ. Na bani mɔɔyaki adala lɛnɔ na bite-ma adala na babɛ kɔyɔ. Na bilénwini kama bilakya bina lɛlɔ bekyuli.

Mateo 15:30

Bekyuli pii bébo-nwu kudɔ na badanku balɛne bani ndi bekyuli bani náƒɛ béwi kalɔ ku bani na lɛlɔ ekpo átasa-ma ku banumbwɛne ku bamumu ku bani muuƒi lɛlɛ bamba ƒui bébewi Yesu anumi na ɔ́bwi-ma.

Mateo 22:10

Amu na kabla bablane bammɔ bésie kuye ekpo ekpo ƒui bátálɔ ukyuli biala na bánu béboku. Bekyuli bekpidi ku babuni ƒui béyi ɔtɔ ɔmmɔ.

Luka 11:41

Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Luka 14:12

Amu na Yesu ɔ́su ukyuli ɔni nálɔ-nwu ɔnii ubo kadikɔ mmɔ ɔnini, “Si álɔ bekyuli anii bebo na babadi na ƒula kesii ni, talɔ bakpana iye ƒula banwani iye lɛlɔ bekyuli iye ƒula liku bekyuli bani ndi balakɛne. Ɔsika ama lɛnɔ badubɔlɔ-ɔ lɛni kani banii bo na abadi. Na si úbo lɛni ni, agyi anii lɛla lɛni na ábla éte-ma lɛyuƒɔla na básɔku beete-ɔ mmɔ.

Luka 14:14

Ɔmɛni ɔdubɔya na Katɔti ute-ɔ kusɛ kusɛ. Ɔsika bekyuli bammɔ baaadubo-ɔ kayu kadi bɔkana bɔƒɔ. Katɔti ndubɔƒɔ-ɔ kayu na limeyi lɛni lɛlɔ na bekyuli babuni badubɔsɔ bata bási bekpine akɔ.”

Luka 14:21

“Kabla ɔblane ɔmmɔ ɔ́sɔ únwini úsie útásu nwuna Unwoti ala amɛni ƒui. Mmɔ ni, Unwoti ɔmmɔ úti kɔnyi geen na ɔ́su nwuna kabla ɔblane ɔmmɔ ɔnini, ‘Babla na esie lilu lɛlɔ ku ekpo ani ƒui na akpanku bawabane ku bekyuli bani naaakana busie kaduɛ ku bani na anumi ábwɛ-ma ku bani ƒui náƒɛ bewi kalɔ eboku.’

Batalane Kabla 9:39

Amu na anwu lɛnɔ ɔ́ta ɔ́siaku-ma, na ka ɔ́nya úbeduo ni, bétiku-nwu bésienku kesii kani na Dorka ɔtɛ. Na bekpinele bani nkya mmɔ ƒui bábaka bámana-nwu na beewulo. Na bada lɛwu lɛni na Dorka ɔ́ka úte-ma baatina Petro.

Lɛkpa Ulu 14:29

Na edula ammɔ adi Lewiƒuɔ ku baƒɔ ku bekpinebi ku bekpinele bani nkya bina lɛma ɔdi. Na badubuteebo taabaƒɔ ala ani na baawia na badi bemo. Na si bɛɛbla ɔmɛni ni, bina Unwoti Katɔti ɔdubuteete-mi kusɛ kusɛ na bina kabla biala kemmo.

Lɛkpa Ulu 16:11

Na si bísela ni, biti bina bebi ku bina kabla bablane banana ku beleku ku baƒɔ bani nkya-mii akɔ ku Lewiƒuɔ ku bekpinebi ku bekpinele bani nkya bina lɛma kemmo ƒui bɛda. Na biti kubiti bɛdi limeyi lɛmmɔ na Katɔti anumi.

Lɛkpa Ulu 16:14

Na si bísela bitádi limeyi lɛmmɔ ni, biti bina bebi ku bani mɔɔbla-mii kabla ku Lewiƒuɔ ku baƒɔ bani nkya-mii kudɔ ku bekpinebi ku bekpinele bani ƒui nkya bina lɛma kemmo bɛda na bitádi limeyi lɛmmɔ ku kubiti.

Timoteo 1 3:2

Na baƒɔtaadine ɔtɔnkune ni, ɔlɛka ɔbla ukyuli ɔni na litemi lɛdi lɛɛɛda-nwu, na úti uleku unwi, na ɔ́da anu, na ɔda lɛlɔ, na bekyuli baabu-nwu. Ɔɔbla lɛƒɔ na ɔdi ala ɔtinane buni.

Timoteo 1 5:10

Ɔlɛka bekyuli bataalɔ-nwu lɛnyi lɛbuni na nwuna ala abuni bɔbla ɔsu. Na ɔdi uleku ɔni nányuɛ nwuna bebi kaduɛ na ɔɔƒɔ́ baƒɔ. Ɔlɛka ɔbla uleku ɔni na ubo kɔnu ute nwuna baƒɔtaadine bakpana. Na uute bekyuli ƒui kebunku na bana lɛbibo kemmo. Na sɔsɔ ni, úti nwuna ngba bulie ƒui úte lɛbuni bɔbla.

Tito 1:8

Ɔlɛka utaaƒɔ baƒɔ na utaayɔ lɛbuni na ɔda lɛlɔ kaduɛ. Na ɔbla ukyuli ɔni na ubo udu, na use kedee, na ɔɔkana anwu ɔlati lɛlɔ lɛnɔ bɔdi.

Ƒilemon 1:7

Ɔnwa, lɛlɔ lɛ́yɔ-mi geen na ákya-mi ogya na ƒula bekyuli bɔyɔ ɔsu. Ɔsika ánu Katɔti bekyuli lɛlɔ.

Hebriƒuɔ 13:2

Na bitayiƒala baƒɔ bɔƒɔ, ɔsika badi báƒɔ Katɔti batu na béduo-ma kudɔ ɔni na baaagyi.