Luka 14:11 - Katɔti Ɔku Kedee

¹¹ Ɔsika ukyuli biala ɔni makɔli lɛlɔ katɔ ni, Katɔti ɔdububoku-nwu kalɔ. Na ukyuli biala ɔni meboku lɛlɔ kalɔ ni, Katɔti ɔdubɔkɔliku-nwu katɔ.”

Luka 14:11 ပူးပေါင်းရင်းမြစ်များ

Samuel 2 22:28

Aaƒɔ́ bekyuli bani muuboku lɛlɔ kalɔ, nsu bani mɔɔtalaku lɛlɔ katɔ na balábu ni, eeboku-ma kalɔ.

Ester 6:10

Mmɔ kani na ɔga ɔmmɔ údie kenye ɔnini, “Babla na atábla lɛla lɛni na ásu mɛni na tayiƒala lɛdi tese. Sie na atáƒɔ awu ɔmmɔ ku ɔpɔnkɔ ɔmmɔ na eti atákya Yudani Mordekai na ɔban kenye na abla-nwu ala ani ƒui na ásu mɛni!”

Hiob 22:29

Lɛlɔ katɔ bɔkɔliku ɔsu na Katɔti uuboku ukyuli kalɔ. Na anwu Katɔti ɔmmɔ kani mɔɔkɔliku ukyuli katɔ si úboku lɛlɔ kalɔ na ɔ́kpali-nwu.

Kɔgya 138:6

Unwoti, ina ka eli katɔ katɔ mmɔ muedi ni, aanu bani muuboku lɛlɔ kalɔ kɔnyana. Na bani mɔɔkɔliku lɛlɔ katɔ ni, bana ablala lɛnɔ átabɛ-ɔ.

Kɔgya 18:27

Aaƒɔ́ bekyuli bani muuboku lɛlɔ kalɔ. Na eeboku bekyuli bani mɔɔtalaku lɛlɔ katɔ kalɔ.

Agba 15:33

Si aayia Unwoti ni, ɔɔtina kalɛ na áda anu. Na lɛlɔ kalɔ buboku mɔɔtɔ asa na ɔbu ɔɔsia.

Agba 18:12

Lɛlɔ bɔtina ku ukyuli tabu mɔɔgyú taatɔ asa na ukyuli ɔɔyii udu. Na lɛlɔ kalɔ buboku mɔɔtɔ asa na ɔbu ɔɔsia.

Agba 25:27

Si uwɔ ɔɔɔdia bɔdi bɔvili ina ka ubo emini ni, lɛni kani na ɔɔɔdia ka ukyuli elie ataakali lɛla lɛni na ɔlɛka bete-ɔ na ƒula kenyekɔ kenye.

Agba 29:23

Ukyuli lɛlɔ katɔ bɔkɔliku muuboku nwuna kalɔ bubo. Na si éboku lɛlɔ kalɔ ni, bekyuli badubɔbu-ɔ na aƒɔ lɛnyi.

Yesaia 2:11

Limeyi lɛmmɔ ni, bekyuli bekpidi bani mɔɔnu bekyuli ɔnusɛ bɔdubɔkya lili kalɔ, na lɛlɔ katɔ bɔkɔliku biala bɔdububo kalɔ.

Yesaia 2:17

Na bekyuli atuɔkplu ku lɛlɔ katɔ bɔkɔliku ƒui ɔdububoku-mu kalɔ. Na Unwoti lɛnyi kani ndubɔkɔ katɔ limeyi lɛmmɔ.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Mateo 23:12

Na ukyuli ɔni na ɔɔtalaku lɛlɔ katɔ ni, Katɔti ɔdubɔyula-nwu kalɔ. Na ukyuli ɔni muuboku lɛlɔ kalɔ ni, Katɔti ɔdubɔtalaku-nwu katɔ.

Luka 1:51

Údie nwuna ɔyikun keyi, na úgyingya bekyuli bani mɔɔtalaku lɛlɔ katɔ.

Luka 1:52

Úboku baga benengudi ƒui kalɔ, na ɔ́kɔliku bani néboku lɛlɔ kalɔ katɔ.

Luka 14:12

Amu na Yesu ɔ́su ukyuli ɔni nálɔ-nwu ɔnii ubo kadikɔ mmɔ ɔnini, “Si álɔ bekyuli anii bebo na babadi na ƒula kesii ni, talɔ bakpana iye ƒula banwani iye lɛlɔ bekyuli iye ƒula liku bekyuli bani ndi balakɛne. Ɔsika ama lɛnɔ badubɔlɔ-ɔ lɛni kani banii bo na abadi. Na si úbo lɛni ni, agyi anii lɛla lɛni na ábla éte-ma lɛyuƒɔla na básɔku beete-ɔ mmɔ.

Luka 18:14

Mmɔ na Yesu ɔ́su-ma ɔnini, “Mɔɔsu-mii nnii ka básɔ bénwini bésie kaduli ni, kuyi ɔƒɔne ɔmmɔ ɔ́bla sɛɛn na Katɔti anumi na ɔɔɔdi Ƒarisini ɔmmɔ. Ɔsika ukyuli biala ɔni na ɔ́bla nwuna lɛlɔ ukyuli ubendi ni, Katɔti ɔdububoku-nwu kalɔ. Na ukyuli biala ɔni na weboku lɛlɔ kalɔ ni, Katɔti ɔdubɔkɔliku-nwu katɔ.”

Yakobo 1:9

Si Katɔti ɔ́talaku ɔƒɔtaadine ɔni ndi ɔwabane katɔ ni, ɔya na lɛlɔ litaayɔ-nwu.

Yakobo 4:10

Biboku lɛlɔ kalɔ bite Blɔti, na ɔdubɔtalaku-mii katɔ.

Yakobo 4:6

Nsu ka Katɔti ɔɔyɔ́-bu ɔsu ni, ɔɔkya-bu ɔkplu kalɛ na bɔkana bunye kpakplaa. Ɔmɛni ɔsu Bunweni Kedee Ɔku ɔɔsu ɔnini, “Katɔti ulátunaku bekyuli bani mɔɔtalaku lɛlɔ katɔ, mmomu uubunku bani muuboku lɛlɔ kalɔ.”

Petro 1 5:5

Lɛni kani na ɔlɛka amii bani ndi baƒɔtaadine bawɔdi lɛnɔ biboku lɛlɔ kalɔ bite baƒɔtaadine benengu bammɔ. Na bina ƒui bɛda lɛlɔ na biboku lɛlɔ kalɔ na biteebunku lɛlɔ. Ɔsika Bunweni Kedee Ɔku ɔɔsu ɔnini, “Katɔti uléte bekyuli bani mɔɔtalaku lɛlɔ katɔ kuƒi. Mmomu uubunku bani muuboku lɛlɔ kalɔ.”

Petro 1 5:6

Anwuɔsu bɛya na Katɔti ɔyikun utaadi-mii lɛlɔ. Na watalaku-mii katɔ na uwi ɔni lɛlɔ na ɔɔyɔ́.

Samuel 1 15:17

Mmɔ na Samuel úsie anumi ɔnini, “Uwi ɔni na awɔ ɔlati muedi átanu tɔ lɛlɔ átati ka adi lɛla lɛdi ni, Unwoti úse-ɔ likpo na énwini ɔga na Israel kadi bekyuli adua pii ammɔ ƒui lɛlɔ.