Luka 13:35 - Katɔti Ɔku Kedee

³⁵ Ɔmɛni ɔsu ni, Katɔti ɔdubudie ɔma ɔmɛni atu. Na mɔɔsu-mii geen ka ni, bɛsɔ bɛɛɛdubo-mi bɔnu wetédu uwi ɔni na bɛdubɔsu bɛnii, ‘Bimwi anwu ɔni ndubo na Blɔti lɛnyi kemmo!’ ”

Luka 13:35 ပူးပေါင်းရင်းမြစ်များ

Kɔgya 118:26

Bimwi anwu ɔni ndubo na Unwoti lɛnyi kemmo. Kusɛ kusɛ ɔsiaku-ɔ ɔsiku Unwoti kakpakɔ mɛni.

Kɔgya 69:25

Bɛsia bana liku kɔnu bise, na ɔdi biala utelie mmɔ.

Yesaia 52:7

Bi mɔɔdia bɔnu lɛni! Bɛnu abi lɛlɔ na binu bekyuli bani ndubo babakɔ litemi buni lɛmmɔ lɛsa kalɛ na bana bubo kɔku kɔɔda kubiti. Baakɔ́ keyi buɛɛ ku ngba bɔƒɔ lɛsa banini, “O Sion, ɔƒɛni amu ƒula Katɔti ndi bina ɔga.”

Yeremia 22:5

Nsu si bíni na bɛnii bilénu-mi litemi bɔdi ni, na muusé-mii kenye ɔkɛnku mina lɛnyi lɛlɔ ka ndubɔya na babwɛ ɔma ɔmɛni kpɛtɛ kpɛtɛ bewi kalɔ.

Yeremia 35:17

Ami ndi bina Unwoti Katɔti Ɔyikune Ƒui, na mɔɔsu-mii kpakplaa ka si bítenu-mi litemi na binwini kayi ni, ɔgbankpi bonwu ɔdi ɔdubo-mii lɛlɔ. Na ka bíni-mi ɔsu ni, ɔgbankpi ɔmmɔ ɔdubo-mii buyu bɔtu. Ami Unwoti násu.”

Mika 3:12

Anwuɔsu na amii ɔsu ni, bekisine badubo Yerusalem bɔtu bunwini bubi aani kalɛ na beeti anwami teegulu kalɔ na ɔma ɔmmɔ ubie ɔyii udu. Na liyu alakpi kani ndubo bɔkwɛ bɔƒɔ abi ammɔ lɛlɔ kesii kani na kakpakɔ kammɔ kenye ɔƒɛni.

Sakaria 12:10

“Ami Unwoti ndubɔya na Yerusalem bebi ku bawɔ ƒui beduo kɔnyana bonwu kɔdi kemmo na bakpali-mi bevele uwi ɔni na bánu ukyuli ɔni na bátu lɛtula lɛdi. Na badubo-nwu buwulo aani kalɛ na bawɔne badi beewulo bana ubi unwi pɛ ɔni na báwɔ na úkpi iye ubi udeedi ɔni na báyila.

Sakaria 14:2

Nsu ɔdubo bɔya na baka Yerusalem bubekpoku na beyu bekyuli kɔduli ala na beƒie beleku batɛ-ma kudɔ ku ɔkplu, na betiku ɔma ɔmmɔ bekyuli kakɛ kenwi ƒui batɔlɔku ina ka badubɔya na badi bebu bakya kama.

Mateo 21:9

Amu na bekyuli bani ntɔ ku bani nkpɛ ƒui bése kalɔ baava taasu banii, “Yiidu! Ɔga Dawid Uwɔ ɔmmɔ ɔ́si ɔdubo o-o! Bimwi anwu ɔni ndubo na Blɔti lɛnyi kemmo! Hosiana!”

Mateo 23:37

“Yerusalem, Yerusalem! Awɔ muubó Katɔti kenye bediene ku bekyuli bani na Katɔti ɔ́tala ɔ́kya-mii atabi taadu. Kɔlɛ kɔlɛ sɔɔn mɛni na líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ!

Luka 19:41

Ɔni na Yesu ɔ́ni úde Yerusalem úbu na ɔ́nu ɔma ɔmmɔ ni, úwulo na nwuna lili.

Luka 21:24

Badubo badi bɔdu ku kewii. Na badubo badi buƒie bɔtɔlɔku busienku kɔlɔ bamba lɛlɔ ƒui. Na bekyuli bani naaadi Yudaƒuɔ badubɔdi Yerusalem lɛlɔ úti útédu uwi ɔni na Katɔti ɔ́tunaku-ma.

Yohane 12:13

Anwuɔsu béti kuke na bálɛ bésie bátásiaku-nwu. Na baava taasu banini, “Hosiana! Bimwi anwu ɔni ndubo na Blɔti lɛnyi kemmo! Bimwi Israelƒuɔ Ɔga!”