Luka 13:34 - Katɔti Ɔku Kedee

³⁴ “Yerusalem, Yerusalem! Awɔ mɔɔdú Katɔti kenye bediene, na awɔ muubó Katɔti batalane bani na ɔ́tala ɔ́kya-a atabi. Kɔlɛ kɔlɛ sɔɔn mɛni ka líbimi mina enu nnii mɔɔsála-mii aani kalɛ na akɔkɔ uledi uuti nwuna avwi teebi nwuna bebi lɛlɔ, nsu étenu kalɔ.

Luka 13:34 ပူးပေါင်းရင်းမြစ်များ

Nehemia 9:26

“Nsu báyu atuɔkplu na báta bénye-ɔ lɛlɔ. Na béti ƒula ɔda bubo bábala bana kama. Na bádu ƒula kenye bediene bani bákya-ma ɔkplu ka nka benwini bebo-ɔ kudɔ. Na bétemi enyekpi ani mɔɔda lɛƒu béwi-ɔ.

Nehemia 9:30

Na ákɛku-ma kayi akwa pii. Na átala ƒula kɔyu ákya ƒula kenye bediene ka basu-ma ɔkplu bɔkya etemila. Nsu ɔmɛni kama ƒui ni, bétenu ƒula litemi. Anwuɔsu ányonu-ma éte bana liku bekyuli.

Kɔgya 149:2

Israel, lɛlɔ lɛyɔ-mii, amii bani na Unwoti Katɔti údie. Na amii Sion bebi ku bawɔ ni, lɛlɔ lɛyɔ-mii na bina ɔga lɛlɔ.

Kɔgya 17:8

Da-mi kɔkɔɔkɔ aani ƒula lɛnumi kalɛ, na abɛla-mi aani kalɛ na akɔkɔ ɔɔbɛla nwuna bebi na avwi akɔ.

Kɔgya 36:7

Ƒula bɔyɔ bɔni naaavumana kudii bɔ́ƒɔ kuye butulo lɛla biala. Na ƒula avwi akɔ na bekyuli ƒui baakɛ́ kabɛkɔ.

Kɔgya 57:1

Nu-mi kɔnyana, O Katɔti, nu-mi kɔnyana, ɔsika awɔ na líkeli lɛ́tamiku. Na ƒula avwi ɔyuli kalɔ na ndubɔkɛ kabɛkɔ úti útédu uwi ɔni na ɔgbankpi kpakplaa ɔni mɔɔlɛ́ mmɔ kenye kadubɔvi.

Kɔgya 81:13

“Na si bunu na amii Israel bekyuli bínu-mi litemi na bɛbla bɛsiaku-ni lɛlɔ ni, nka ɔdia.

Kɔgya 91:4

Ɔdububi-ɔ ala aani kalɛ na akɔkɔ uubi nwuna bebi avwi na akɛ kabɛkɔ. Na kalɛ na ɔɔsia nwuna litemi kama siin ɔsu ni, ɔdubo-ɔ bɔgyumana na ukpo ute-ɔ.

Yesaia 30:15

Israel Unwoti Kedee Ɔyikune Ƒui ɔnini, “Ndubudie-mii na bina ɔgbankpi biala kemmo si bíti bina anu ku kayi ƒui bɛ́sia-mii lɛlɔ na bínwini bíbo-mi kudɔ na bíboku lɛlɔ kalɔ kpoo.

Yesaia 50:2

Líbo ḿbawia-mii na ńtanu ɔdi, na lɛ́kpali-mii, nsu ńtenu bina ɔdi kɔku lɛnɔ. Bɛɛbu bɛnii mina ɔyikun ɔni na liti lɛƒɔ-mii ɔ́sa iye ɔ́yii udu na naaakana na maƒɔ-mii ngba? Ami muudie lɛdi na ɛpu ku ntukpa ƒui bɔɔkwii teenwini kalɔ kakwiidi na kɔkpaku kuukpi na kuubun teenwenyi ka básɔ bátakɛ ntu ɔsu.

Yeremia 2:30

Lɛ́du bina bebi líti lɛ́ni-mii kɔtu nsu bíni na bítenwini bítebo-mii kudɔ. Bina kuwii na amii alati bíti bɛ́du bina kenye bediene aani bagyata bani néti kɔnyi.

Yeremia 35:14

bɛsiku Rekabiƒuɔ kɔdua bekyuli lɛlɔ. Bana ɔti kuuku Yonadab ɔ́su nwuna bawɔ ɔnii batani ntɛ bɔdi kudii. Na úti úbalɛ ɔmwi limeyi lɛmɛni lɛlɔ ni, baadi ɔda bubo bɔmmɔ lɛlɔ. Nsu amii amu ni, lɛ́ɛtɛmiku-mii kɔlɛ kɔlɛ, nsu bíni bɛnii bilenu na bɛdi mina etemila lɛlɔ!

Yeremia 35:17

Ami ndi bina Unwoti Katɔti Ɔyikune Ƒui, na mɔɔsu-mii kpakplaa ka si bítenu-mi litemi na binwini kayi ni, ɔgbankpi bonwu ɔdi ɔdubo-mii lɛlɔ. Na ka bíni-mi ɔsu ni, ɔgbankpi ɔmmɔ ɔdubo-mii buyu bɔtu. Ami Unwoti násu.”

Yeremia 6:16

Unwoti ɔ́su ɔnini, “Uwi ɔni na bísie bítédu elukpo ni, lɛ́su-mii nnii, ‘Bɛsia ulu ɔni lɛlɔ na bina bati kuuku básia na bɛdubulie ku keyi buɛɛ.’ Nsu bíni.

Kɔnyana Buwulo 1:16

“Ɔmɛni ɔsu kɔnyana kani na muuwulo, na imii bɔ́ƒɔ-mi anumi uwi ƒui. Na ukyuli ɔdi uuubo na ɔsia-mi kɔnu iye ɔkya-mi ogya lɛnɔ. Kekpo kádi-mi lɛlɔ na mina bekyuli beebó abi.”

Kɔnyana Buwulo 4:13

Yerusalem Katɔti kenye bediene ku bakpane bábla ekpidi bonwu bonwu geen ɔni náya na bekyuli bani nátabla lɛla lɛdi muedi békpi, anwuɔsu na Unwoti ɔ́ni ɔma ɔmmɔ kɔtu lɛni.

Hosea 11:2

Nsu kɔlɛ kɔlɛ kɔni na mɔɔlɔ-nwu teeboku lɛlɔ aani ubi kalɛ ni, kɔlɛ kɔmmɔ na uusié kama na mina kudɔ. Na baabla akpala teete Baal baƒiɔ na baakyula oloƒui teete ala ani na bávɔ mmɔ.

Hosea 11:7

Mɔɔnu ka mina bekyuli bálɛ ugyii ka bada lɛlɔ bamami-mi lɛlɔ. Na baawia ka beti lɛlɔ bete baƒiɔ bani na baakali ka bebo ɔyikun bétulo-mi, nsu balakana-ma kebunku kadi bute.

Yoel 2:23

Amii bani nkya Sion ƒui lɛlɔ lɛyɔ-mii na ebiti ada-mii na Unwoti bina Katɔti lɛlɔ, ɔsika ɔ́ya na ɔƒɔwi ɔnantu ku ketudi ɔnantu ɔ́na úte-mii kaduɛɛ aani kuuku kalɛ.

Sakaria 1:4

Amii bitabla atu ɔkplu aani bina bati kuuku kalɛ. Kenye bediene bedeedi bani nélie bábavi bálɛ-ma kpakplaa geen ka bada bana ɔbladu buɛ baya na benwini bebo-mi kudɔ, nsu béni.

Mateo 22:3

Ɔ́tala nwuna kabla bablane ɔnii batásu bekyuli bani na ɔ́lɔ ɔnii bebo limeyi kadikɔ mmɔ na bebo. Nsu béni na banii belebo.

Mateo 22:6

Na babambadi lɛnɔ béƒie kabla bablane bammɔ na bébo-ma na bádu-ma.

Luka 15:28

“Ɔmɛni ɔ́ya na livo líƒi ɔnwani unengudi ɔmmɔ kaduɛ ɔni na úni ɔnii ɔsɔ uleduo kaduli muedi. Ɔmɛni ɔsu ɔti ɔ́vi ɔlɛ úbo-nwu kudɔ mmɔ, na úbevele-nwu ɔnii ubo ubeduo kaduli.

Luka 19:44

Bekyuli badubo ɔma ɔmɛni bɔyila ku udu na badu bekyuli bani nkya-nwu kemmo ƒui. Na lɛtabi lɛdi muedi lɛsɔ lilése nina keliekɔ. Ɔsika bíni na bítanu bítati uwi ɔni na Katɔti úbo ɔnii ubedie-mii!”

Luka 23:28

Amu na Yesu únwini na ɔ́su-ma ɔnini, “Yerusalem beleku, bitewulo bitete-mi. Mmomu biteewulo na amii ku bina bebi lili.

Batalane Kabla 7:52

Katɔti kenye udiene ɔmani na bina bati kuuku bátawia ka badu? Bádu Katɔti kenye bediene bani muedi násu ka Ukyuli Ɔƒunadi ɔni nse siin webo. Na Ukyuli Ɔƒunadi ɔmmɔ lɛnɔ bídie-nwu bíte na bádu.

Batalane Kabla 7:59

Na uwi ɔni na bakya beebó-nwu atabi ni, Steƒano ɔ́kpali katɔ ɔ́su ɔnini, “Blɔti Yesu, ƒɔ mina kɔyu.”

Batalane Kabla 8:1

Na uwi ɔni na bakya baadú Steƒano ni, Saulo ɔ́kya-ma ogya. Na ɔ́si limeyi lɛmmɔ lɛlɔ ni, bése kalɔ beekpóku baƒɔtaadine bamɛni na Yerusalem. Amu na bana ƒui békeli bésie Yudea ku Samaria. Nsu batalane ama bébu bakya mmɔ.

Lɛkpa Ulu 32:29

Ɔsika bátawia-nwu kemmo na banu lɛla lɛni ɔsu na bádi-ma lɛlɔ. Na belenu kalɔ lɛla lɛni ɔsu na ɔ́lɛ lɛni.

Lɛkpa Ulu 5:29

Si lɛni na bekyuli bamɛni badubutaabla na beteeti ɔbu teete-mi na bataadi mina ɔda bubo ƒui lɛlɔ ni, lɛla biala lɛdubuteesie kaduɛ teete-ma, ama ku bana kaba bekyuli ƒui, ɔ́si ɔƒɛni úsela uwi ƒui.”

Budie Taatina 11:8

Bana ɔlɔna ɔdubɔtɛ lɛblɔnu lɛlɔ na ɔma unengudi ɔni baalɔ na lɛsugba kemmo banii Egyipte iye Sodom. Mmɔ na bákana Blɔti bámana ugyii lɛlɔ.

Rut Keliela Ɔku 2:12

Muuvele Blɔti nnii ɔƒɔ-ɔ kayu na lɛla lɛni na ábla mɛni ɔsu. Na nsɔ muuvele Unwoti Israel Katɔti ɔni kudɔ na ébo mɛni ka ɔgyumana-a na ɔƒɔ-ɔ kayu ƒui.”