Luka 13:24 - Katɔti Ɔku Kedee

²⁴ “Kya ɔkplu na asia kayakun kani nse blii suɛ kemmo eduo. Ɔsika bekyuli pii badubɔwia geen banii baasia mmɔ beduo, nsu balakana.

Luka 13:24 ပူးပေါင်းရင်းမြစ်များ

Agba 14:6

Ukyuli ɔni na uuti lɛla biala taakya bɔƒia ni, si ina ɔɔwia lɛnunda muedi ulákɛ-ni. Nsu bekyuli bani muunú ala kalɔ ni, baatí lɛla.

Agba 21:25

Lɛla lɛni kani na bakɔsɔne badubɔsia anu ndi ka badubɔyii ku udu, ɔsika béni banii balabla kabla kadi.

Etemila 10:15

Ɔdɔlɔdi kabla ni, lɛlɔ butu bukpludi na bɔdi, ɔsika ɔɔɔgyi ulu ɔni na ɔsia uduo ɔma.

Yesaia 1:15

Na ɔ́si ɔƒɛni úsela ni, si bɛ́kɔliku bina enu katɔ bɛɛkpali-mi muedi ni, lɛɛɛdubo-mii bunwini bɔnu. Na si ina binye bɛɛkpali-mi na uwi útu muedi ni, lɛɛɛdubo-mii bɔkpete. Ɔsika bekyuli bani nátabla-mii lɛla lɛdi asa na bɛ́du-ma ubugya ɔ́ƒɔ-mii enu ƒui.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Mateo 11:12

Na ɔ́si Ntu Ɔkpilane Yohane uwi úbalɛ ɔmwi ni, bekyuli pii báta ku lɛnungyie batáwia Katɔ Ɔga Ɔma ɔmmɔ beduo. Nsu bekyuli bani anumi egyie-ma geen lɛti na baanwanɛ lɛlɔ ni, ama ndubuduo mmɔ.

Luka 13:23

Mmɔ na ukyuli ɔdi úye-nwu ɔnini, “Ati, bekyuli bani ndubɔkɛ bɔƒɔ ni, baaadubo bumomo yoo?” Amu na Yesu údie kenye ɔnini,

Luka 21:36

Anwuɔsu binye kagyumana na bitaakpali katɔ uwi biala kalɛ na bɛkɛ ɔyikun na bɛlɛ sɛɛn na ala ani ƒui ndubɔlɛ mɛni kemmo ku kalɛ na bɛkana ami, Ukyuli Ɔyawine Ubi, litemi bɔtɛ kenye bunye.”

Yohane 13:33

“Mina bebi, uwi blii ɔdi kani nébu na lɛkya-mii kudɔ. Bɛdubo-mi bɔwia, nsu mɔɔsu-mii lɛla lɛni na lɛ́su Yudaƒuɔ benengu nnii, ‘Kesii kani na lísela ni, bilakana mmɔ bubo.’

Yohane 5:4

Ɔsika Katɔti ɔtu ɔdi uubo uwi uwi teebebwiile ntu bɔmmɔ. Na ɔlɛne udeedi ɔni néduo ntu bɔmmɔ kemmo na muna bubwiile kama ni, ɔlɛ ɔni na uuƒi mmɔ ɔɔba-nwu.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Yohane 7:34

Bɛdubo-mi bɔwia na bilanu-mi. Ɔsika kesii kani na ndubɔkya ni, bilakana mmɔ bubo.”

Yohane 8:21

Yesu ɔ́sɔ ɔ́su-ma ɔnini, “Ndubo bɔtɔlɔ na bɛdubo-mi bɔwia na bikpi bɛkya bina ekpidi kemmo. Na kesii kani lísela ni, bilakana mmɔ bubo.”

Romaƒuɔ 10:3

Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Hebriƒuɔ 4:11

Anwuɔsu bɛya bɔkya ɔkplu biala na buduo bɔnwuna bɔmmɔ kemmo. Na ɔdi biala uláwɔ ulu ka ɔsiaku bana atuɔkplu bɔbla kama ɔsu.

Yosua 7:3

Na bási bébo bábasu Yosua banini, “Ɔsɔ utalɛka bekpone bammɔ ƒui bakɔ besie betékpoku Aiƒuɔ. Mmomu tala bekpone aani mpim inyɔ iye ɛtɛ na betékpoku-ma. Ɔsika ɔma ɔmmɔ útebomo na bekyuli bammɔ lɛnɔ beeemomo.”

Petro 2 1:10

Banwa, ɔmɛni ɔsu ni, binye kpakplaa bibu. Na lɛla lɛni na Katɔti ɔ́lɔ-mii na ɔ́ƒuna-mii ɔnii bɛbla ni, bɛkya-ni ɔyikun uwi biala kalɛ na bina bɔƒɔtaadi bulayuɛ.