Luka 13:13 - Katɔti Ɔku Kedee

¹³ Na Yesu úti nwuna enu ɔ́sia uleku ɔmmɔ lɛlɔ. Na kɔnakunwi ni, uleku ɔmmɔ ɔ́ta únye ligeen na úmwi Katɔti.

Luka 13:13 ပူးပေါင်းရင်းမြစ်များ

Mateo 9:8

Uwi ɔni na bekyuli bammɔ bánu ɔmɛni ni, liƒu lɛ́da-ma na bémwi Katɔti ka úti ɔyikun ɔmɛni udu úte ukyuli.

Marko 16:18

Na si béƒie kɔlakpi báda iye báni ugyulo ukpidi ɔdi biala ni, ulabla-ma lɛla lɛdi. Si béti bana enu básia balɛne lɛlɔ ni, badubɔkɛ lɛlɔ ɔkplu.”

Marko 5:23

Na úvele-nwu kpakplaa ɔnini, “Buvele nda-a! Mina ubi ulekubi blii ɔdi uuƒi geen. Anwuɔsu bo na ebeti ƒula enu asia-nwu lɛlɔ kalɛ na wakɛ ɔlɔkplu na welie ngba.”

Marko 6:5

Ka nwuna ɔma bekyuli bátaƒɔ-nwu bátadi ɔsu ni, litemi lɛmmɔ líkpoku Yesu. Ɔ́kɛnku ɔmmɔ ɔsu ni, útakana akɔla pii adi bɔbla na mmɔ, ntu ɔni na úti nwuna enu ɔ́sia balɛne badi lɛlɔ na ɔlɛ ɔ́ba-ma. Nwuna kama lɛnɔ ni, Yesu útávi akpaklɔ ani nkya amadɔ mmɔ, na ɔkɛ ɔɔtina-ma litemi buni.

Marko 8:25

Amu na Yesu ɔ́sɔ útuku-nwu anumi. Uwi unyɔdi ɔmɛni kemmo ni, ukyuli ɔmmɔ úbimi anumi kaduɛ na nwuna anumi ábla-nwu nwaa na ɔɔnu lɛla biala kaduɛ!

Luka 13:12

Uwi ɔni na Yesu ɔ́nu-nwu ni, ɔ́kpali-nwu na ɔ́su-nwu ɔnini, “Uleku, ƒula ɔlɛ ɔ́ba-a!”

Luka 18:43

Kɔnakunwi ni, ɔ́sɔ ɔ́kana na ɔɔnu na ɔ́siaku Yesu na ɔkɛ uumwi Katɔti. Na ka bekyuli pii bammɔ bánu ɔmɛni ni, bana ƒui bémwi Katɔti.

Luka 4:40

Na ka kadi kábla buɛɛ ni, bekyuli bani ƒui na lɛlɛ lidu lidu lɛda bana bakpana ni, béti-ma béboku Yesu kudɔ. Na úti enu ɔ́sia-ma lɛlɔ unwi unwi na ɔ́bwi-ma ƒui.

Batalane Kabla 9:17

Anwuɔsu Anania úsie na útánu Saulo na úti enu ɔ́sia-nwu lɛlɔ, na ɔ́su-nwu ɔnini, “Ɔnwa Saulo, Blɔti Yesu ɔni nédie lɛlɔ ɔ́tina-a na ulu lɛlɔ ni, anwu nátala-mi ɔ́kya-a kalɛ na asɔ ataanu na Katɔti Kɔyu kɔƒɔ-ɔ lɛlɔ kemmo ƒui.”