Luka 13:12 - Katɔti Ɔku Kedee

¹² Uwi ɔni na Yesu ɔ́nu-nwu ni, ɔ́kpali-nwu na ɔ́su-nwu ɔnini, “Uleku, ƒula ɔlɛ ɔ́ba-a!”

Luka 13:12 ပူးပေါင်းရင်းမြစ်များ

Kɔgya 107:20

Ɔ́bɔku ɔlɛ ɔmmɔ na ɔ́ba-ma na básɔ bétekpi.

Yesaia 65:1

“Lídie lɛlɔ lɛ́tina bekyuli bani na béteye-mi lili. Na bekyuli bani na bátawia-mi kama ulu bánu-mi. Na kadi bani bekyuli nátakpali-mi lɛnyi kudii ni, lɛ́su-ma nnini, ‘Bɛɛnu-mi mɛni, nnye mɛni.’

Yoel 3:10

Bɛla bina anwami ku asaaka bɛkywɛɛ kuwii ku atula. Na bani na beeebo ɔlɔkplu ƒui bata ku kayi na basu banii, “Bananabi ku bekpone na bɔdi.”

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Mateo 8:16

Na useyi uwi ni, béti bekyuli pii bani na ayu ekpidi eekpóku-ma béboku Yesu. Na ɔ́su lɛlakpa linwi na ɔ́bɔku-nya ɔ́lɛku-ma lɛlɔ kemmo. Na ɔ́bwi bani muuƒi mmɔ ƒui.

Luka 13:11

Na uleku ɔdi lɛnɔ ɔ́kya mmɔ ɔni na kɔyu kukpidi kɔdi kuukpóku akwa leevu-maane sɔɔn. Kɔyu kɔmmɔ kɔ́ya na kalɔ kani na uleku ɔmmɔ úbo ɔkɛ uwi biala ɔni na ulakana na unye ligeen.

Luka 13:13

Na Yesu úti nwuna enu ɔ́sia uleku ɔmmɔ lɛlɔ. Na kɔnakunwi ni, uleku ɔmmɔ ɔ́ta únye ligeen na úmwi Katɔti.

Luka 13:16

Na ɔƒɛni ni, bɛɛnu Abraham kaba kemmo ubi nnye mɛni ɔni na Satan úbo lɛkpu akwa leevu-maane sɔɔn mɛni. Ɔɔɔdia ka baƒɛnimi-nwu abuli ammɔ na lɛnwunameyi lɛlɔ?”