Luka 13:11 - Katɔti Ɔku Kedee

¹¹ Na uleku ɔdi lɛnɔ ɔ́kya mmɔ ɔni na kɔyu kukpidi kɔdi kuukpóku akwa leevu-maane sɔɔn. Kɔyu kɔmmɔ kɔ́ya na kalɔ kani na uleku ɔmmɔ úbo ɔkɛ uwi biala ɔni na ulakana na unye ligeen.

Luka 13:11 ပူးပေါင်းရင်းမြစ်များ

Hiob 2:7

Anwuɔsu Satan ɔ́gyu lɛgba na ɔ́tɔlɔ Unwoti kudɔ mmɔ na útáya na ɔlɛ kpakplaa úbo Hiob ɔni na nwuna lɛlɔ ƒui línwini alɛbi sɔɔn ɔ́si lɛgba kalɔ útédu lili.

Kɔgya 145:14

Na bekyuli bani ƒui mɔɔbla kpɛtɛ kpɛtɛ ni, Unwoti ɔɔda-ma na ɔɔkya-ma ɔyikun. Na bani na bakya lɛbibo kemmo ni, uukpó teete-ma.

Kɔgya 146:8

Unwoti Katɔti uubimi banumbwɛne anumi. Na bani na bekyuli béboku-ma kalɔ ni, ɔɔkɔliku-ma katɔ, na ɔɔyɔ́ bekyuli bani na bese siin.

Kɔgya 38:6

Lɛ́goglo nkɛ na muunú ɔlɛ geen na muuwulo kɔnyana limeyi limodi ƒui.

Kɔgya 42:5

Bi ɔsu na naaakɛ́ bɔnwuna na mina lɛlɔ ƒui kemmo na enu áƒɛ-mi lɛni? Líti mina anu lɛ́sia-a lɛlɔ. Na ngyi ka nsɔ ndubo awɔ mina Ɔƒɔne ku mina Katɔti bumwi lɛnɔ, ɔsika awɔ muubunku-mi.

Kɔgya 6:2

Unwoti, nu-mi kɔnyana! Kya-mi ɔkplu, ɔsika ɔyikun ina blii suɛ ɔdi ɔsɔ uuubo-mi.

Mateo 4:23

Yesu ɔ́vi Galilea kalɔ lɛlɔ ƒui na ɔ́tina ala na Yudaƒuɔ kasalakɔ. Na ɔ́kɔ lɛsa na Katɔti lɛgadi litemi buni lɛlɔ. Na ɔ́bwi bekyuli bani muuƒi lɛlɛ lidu lidu ƒui.

Marko 9:21

Amu na Yesu úye ɔti ɔmmɔ ɔnini, “Ka úse kalɔ ɔɔbla-nwu lɛni ni, uwi úutu?” Ɔnana ɔmmɔ ɔ́su-nwu ɔnini, “Úse kalɔ úti ɔ́si uwi ɔni na ɔdi ɔnamu.

Luka 13:12

Uwi ɔni na Yesu ɔ́nu-nwu ni, ɔ́kpali-nwu na ɔ́su-nwu ɔnini, “Uleku, ƒula ɔlɛ ɔ́ba-a!”

Luka 13:16

Na ɔƒɛni ni, bɛɛnu Abraham kaba kemmo ubi nnye mɛni ɔni na Satan úbo lɛkpu akwa leevu-maane sɔɔn mɛni. Ɔɔɔdia ka baƒɛnimi-nwu abuli ammɔ na lɛnwunameyi lɛlɔ?”

Luka 21:28

Si uwi ɔni na ala amɛni ése kalɔ aalɛ́ ni, bɛklibi lɛlɔ na bitaasia anu, ɔsika bina bɔƒɔ uwi úude.”

Luka 8:2

Beleku bani na Yesu ɔ́bwi na bana lɛlɛ lidu ku bani na ɔ́gya ayu ekpidi ɔ́lɛku-ma lɛlɔ kemmo badi lɛnɔ basiaku-nwu. Na bana akɔ ɔdi ndi Maria ɔni bátaalɔ banii Magdalene ɔni lɛlɔ kemmo na Yesu ɔ́gya ayu ekpidi maatɛ ɔ́lɛku.

Luka 8:27

Ka Yesu ɔ́si ɔɔlɛ́ ɔkɔlɔ kemmo kani na ukyuli ɔdi na ayu ekpidi eli-nwu lɛlɔ úsie úbasiaku-nwu. Na ɔdi ukyuli ɔni na ɔ́si ɔma ɔmmɔ kemmo. Ɔbla uwi pii ɔdi mɛni ni, kasɔngya kani na ukyuli ɔmɛni ɔɔkɛ. Na ulátuna ɔnii uulie nwuna kaduli amu ntu bekyuli kɔƒiɔtɔ akɔ.

Luka 8:43

Na bekyuli bamɛni akɔ ni, uleku ɔni na ubugya uuwi na ɔbla akwa leevu-anyɔ sɔɔn lɛnɔ ɔ́kya-ma akɔ. Uleku ɔmɛni úubile nwuna egulabi ƒui ɔnii ɔɔbwi ɔlɛ ɔmmɔ, nsu úutuku ɔ́nɔ.

Batalane Kabla 3:2

Ka bédu kakpakɔ mmɔ na kayakun kani baalɔ banii Kayakun Buni kenye ni, mmɔ na bánu ɔnana ɔdi, ɔni náƒɛ uwi kalɔ ɔ́si nwuna bɔwɔ. Na nwuna bekyuli beeti-nwu taabava mmɔ limeyi ndi limeyi kalɛ na uteevele bekyuli bani muusié mmɔ egulabi.

Batalane Kabla 4:22

Na ukyuli ɔni na bábwi mmɔ ɔdubɔƒɔ utulo akwa aavlene.