Luka 12:42 - Katɔti Ɔku Kedee

⁴² Mmɔ na Yesu údie kenye ɔnini, “Kabla ɔblane ɔni náda anu na ɔɔbla ala ulu lɛlɔ ni, anwu na nwuna Unwoti uuti teenyene kabla bablane bakladi kenye. Na anwu ndubute kabla bablane bakladi bana lɛdila kalɛ na ɔ́manku na uwi ɔbuni kemmo.

Luka 12:42 ပူးပေါင်းရင်းမြစ်များ

Israelƒuɔ Bɔlɛ 36:4

Mmɔ na bekyuli bani ƒui nkya mɔɔtú Kevo kammɔ báda bana abuala béwi.

Agba 12:8

Ukyuli ɔni na ubo kasusu kabuni lɛlɔ lɛɛda bekyuli ƒui ebiti, na beení bani nsiaku kalala ulu.

Agba 15:23

Lɛlɔ lɛɛyɔ́ ukyuli ɔni muudie lɛla lɛdi kenye teete ɔnwani ulu lɛlɔ nwaa. Ɔdi lɛla lɛni mɔɔyu kayi si ásu lɛla lɛdi na uwi ɔni na basu-ni lɛlɔ.

Agba 27:18

Kabla bablane bani mɔɔnu kɔdingyii kɔdi lɛlɔ bebo kuƒi ka badi-ku ebi. Lɛni kani na kabla bablane bani mɔɔgyumana kabla ɔlati ɔdi kabla ka katɛ ni, badubo lɛyuƒɔla bɔƒɔ.

Agba 31:15

Ɔɔta ɔtanta tutuutu uwi ɔni na kadi kátada tɔ na ɔɔbla lɛdila teete nwuna kaduli bekyuli, na uute nwuna kaduli kabla bablane belekubi bana limeyi kabla.

Yesaia 50:4

Unwoti Ɔyikune Ƒui ɔ́tina-mi lɛla lɛni na libimi kenye lɛsu na lɛkya ukyuli ɔni na lɛlɔ lɛ́bla-nwu kpɛtɛ kpɛtɛ ogya. Ɔɔgyila-mi ɔtanta biala na ɔɔlɛmi-mi atu na muunú ala ani na ɔɔtina-mi.

Yeremia 23:4

Na muusé kenye ka ndubɔƒuna batɔnkune bani manu-ma lɛlɔ kaduɛ aani baƒonu badane babuni lite-ma. Na mina bekyuli bammɔ badubɔsa belie mmɔ na basɔ balayia lɛla lɛdi.

Esekiel 34:3

Bɛɛní bana anyi ntu na biiti bana linwini teedi adi teete lɛlɔ. Na bɛɛdú babuni bani nélie lɛmwi taakun, nsu bíni na bilanu baƒonu lisu lɛmmɔ lɛlɔ!

Mateo 13:52

Na Yesu ɔ́su-ma ɔnii, “Amu ni, ala ɔtinane biala ɔni mɔɔtɛya Katɔti lɛga bɔdi lɛlɔ ala ni, use aani ɔtɔlati ɔni mbo ala awɔdi ku ala akukudi lɛnɔ. Na uudie-nya keyi.”

Mateo 20:8

“Amu uwi ɔni na lɛdɔ ɛku líbo ni, kemo ɔlati ɔmmɔ ɔ́su batumane bammɔ lɛlɔ ɔnune ɔnini, ‘Lɔ batumane bammɔ ƒui na aƒɔ-ma kayu. Na ese kalɔ asi bekyuli bekplodi lɛlɔ atálɛ bedeedi lɛlɔ.’

Luka 12:43

Nu, si kabla ɔblane ɔmmɔ ɔ́kana na ɔɔbla ɔmɛni kaduɛ asa na nwuna Unwoti úbo ni, ɔdubɔbla ebiti bonwu geen ute kabla ɔblane ɔmmɔ!

Luka 7:13

Ka Yesu ɔ́nu uleku ɔmɛni ni, nwuna lɛlɔ lɛ́bla-nwu kɔnyana. Amu na ɔ́su-nwu ɔnini, “Da buwulo ya.”

Luka 7:19

na ɔ́tala-ma ɔ́kya Blɔti ɔnii betéye-nwu banini, “Awɔ ndi ukyuli ɔni mebo munuu butaasia ukyuli bamba anu?”

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Timoteo 1 5:17

Na baƒɔtaadine batɔnkune bani mɔɔtɔnku bekyuli kaduɛ ni, ɔlɛka bakɛ lɛyuƒɔla lɛni nésie anumi. Na ɔni ntulo ƒui ndi bani mɔɔtina ala na baasu litemi buni lɛnɔ.

Timoteo 2 4:2

si bebo kɔnu o-o, iye beeebo kɔnu o-o ni, die litemi buni lɛmmɔ kenye. Klibi-ma, na adɔnku-ma, na akya-ma ogya. Na si eedie ala kalɔ taatina-ma ni, na ewi lɛlɔ na akɛku-ma kayi geen.

Tito 1:7

Na ɔƒɔtaadine ɔtɔnkune ɔni mɔɔnu Katɔti kabla lɛlɔ ni, utalɛka litemi lɛdi lɛda-nwu iye utaakɔliku lɛlɔ katɔ iye uteeti kɔnyi buti buti. Na ɔɔɔdi ka utaani ntɛ teekpi, na ulekpo udi, iye anumi lɛnɔ elégyie-nwu na egulabi lɛlɔ.

Hebriƒuɔ 13:17

Binu bina batɔnkune litemi na biboku lɛlɔ kalɔ bite-ma na badi-mii lɛlɔ. Ama mɔɔnu-mii lɛlɔ aani bekyuli bani na ɔlɛka babu akunta bete Katɔti. Bɛbu-ma kalɛ na bana kabla kenwini lɛlɔyɔ na ulabla-ma etila. Ɔsika ɔmmɔ ulete-mii kenyekɔ kabuni kadi.

Hebriƒuɔ 13:7

Binyimo bina batɔnkune bani násu-mii Katɔti litemi. Na bɛbu bɛnu kɔsia kɔni na bákɛ na ulu ɔni na béti bélie ngba kemmo. Na bɛnu bana bɔƒɔtaadi bɛtɛya.

Hebriƒuɔ 3:5

Mose ɔ́bla lɛla biala ulu lɛlɔ na Katɔti kaduli aani kabla ɔblane. Na údie ala ani na Katɔti ɔdubo ubasu ɔ́tina.

Petro 1 4:10

Katɔti úte-ma etela lidu lidu na ukyuli biala ɔda nwuna lɛdi kaduɛ na uti ubunku nwuna bakpana ƒui.