Luka 12:4 - Katɔti Ɔku Kedee

⁴ “Bakpana, mɔɔsu-mii ka ni, bitayia bekyuli bani na ɔlɔna kani na badubɔkana bɔdu na ɔmmɔ kama na basɔ balakana lɛla lɛdi bɔbla.

Luka 12:4 ပူးပေါင်းရင်းမြစ်များ

Agba 29:25

Si ada lɛlɔ na bekyuli lɛlɔ liƒu ɔsu ni, akya ɔgbankpi bonwu ɔdi kemmo. Nsu ukyuli ɔni néti anu ásia Unwoti lɛlɔ ni, lɛla biala lilékpoku-nwu

Lɛnu Ƒui Ɔnu 5:1

Ami ɔlati mina uleku uveledi, líbo-ɔ kudɔ aani ami ɔlati mina kemo na mbadi ala mini mini ammɔ. Ndubɔƒiɔ mina uwɔ kɔtakɛ na lɛni uwɔ ɔmmɔ. Ndubɔni mina ntɛ ku mina bebuo anyii ntu bɔmmɔ. Mina bakpana, bɛdi na bɛni utédu uwi ɔni na bɔyɔ bɔmmɔ búmo-mii.

Lɛnu Ƒui Ɔnu 5:16

Kalɛ na ɔɔkya-mi kɔgbu ɔɔyu-mi kayi geen, na mɔɔwia-nwu lɛni uwi biala kemmo!

Yesaia 41:8

“Nsu awɔ Israel, Yakob kaba, adi mina kabla ɔblane. Lɛ́ƒuna-mii na bɛdi mina ɔkpana Abraham kaba kemmo bebi.

Yeremia 1:17

“Yeremia, klibi lɛlɔ se! Sie na atásu bekyuli bammɔ lɛla lɛni na líti mɔɔkya-a kɔnu mɛni. Taya na bana lɛlɔ lɛbla-a liƒu si ɔɔɔdi lɛni ni, ndubɔya na liƒu ala adi abla-a na lɛya na ama benye bataanu-ɔ.

Yeremia 1:8

Tayia-ma, ɔsika ndubulieku-ɔ na lɛgyumana-a kpakplaa.”

Esekiel 2:6

Tayia-ma iye lɛla lɛni na badubo-ɔ bɔsu. Ɔdubo-ɔ bɔbla aani si lɛnyɛ livongu kemmo na báyula-a bákya iye batamlukpa akɔ na atɛ. Nsu se kayi ina ka batuɔkplune na badi.

Mateo 10:28

Bitayia bekyuli bani na ɔlɔna kani na badubɔkana bɔdu na balakana ukyuli kɔyu aku bɔdu. Mmomu bɛyia Katɔti ɔni ndubɔkana na ɔdu ukyuli kɔyu ku ɔlɔna na lɛgyavonku kemmo.

Yohane 15:13

Na bɔyɔ bunengudi bɔni kani na ukyuli ɔdubɔkana na ɔyɔ nwuna bakpana ndi ka uti nwuna ngba ute na bana lili.

Batalane Kabla 20:24

Nsu ɔmmɔ ɔɔɔdi-mi lɛla lɛdi. Ɔsika si ńtakana na lɛbla lɛla lɛni na Blɔti Yesu ɔ́tala-mi ɔnii mbabla ni, mina ngba buuubo-mi kɔsia kɔdi. Lɛla lɛni na Yesu ɔ́tala-mi ɔnii mbabla ndi ka lɛsu bekyuli Blɔti litemi buni ku kalɛ na Katɔti ɔɔnu-bu kɔnyana.

Batalane Kabla 4:13

Ka lɛlɔ badine ku benengu bammɔ bánu kalɛ na Petro ku Yohane bábla kayi ku ɔtɔtɔ ku kalɛ na lɛkpaklɔ bekyuli badi na beeebo kenyekɔ kadi lɛnɔ na kadi akɔ ɔsu ni, ɔ́bla-ma kalɛ kadi. Na bánu báti ka ama ku Yesu ni, bavinkpana na badi.

Ƒilipiƒuɔ 1:28

Bitayia bina bekisine. Mmomu binye kpakplaa uwi biala kemmo. Na ɔmɛni ndubɔtina-ma ka Katɔti ɔdubɔƒɔ-mii na ɔyila-ma udu. Ɔsika Katɔti muukpó bina kekpo teete-mii na anwu mɔɔyá na bɛɛdi kekpo kammɔ lɛlɔ.

Yakobo 2:23

Na Bunweni Kedee Ɔku kemmo etemila ébo éte lɛni anini, “Abraham ɔ́ƒɔ Katɔti ɔ́di. Na ɔkɛnku nwuna bɔƒɔtaadi ɔsu ni, Katɔti ɔ́bu-nwu aani ukyuli ɔni nse siin.” Na anwuɔsu Katɔti ɔ́lɔ-nwu ɔnii mina ɔkpana.

Petro 1 3:14

Nsu si eebó abi adi na lɛbuni lɛni na aabla ɔsu ni, ya na lɛlɔ litaayɔ-ɔ. Tayia bekyuli bammɔ, na kayi lɛnɔ ketekpoku-ɔ.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.