Luka 12:31 - Katɔti Ɔku Kedee

³¹ Mmomu ni, biteeti kasusu na Katɔti lɛga kadikɔ lɛlɔ na ɔdubuti ala amɛni ƒui ute-mii.

Luka 12:31 ပူးပေါင်းရင်းမြစ်များ

Kɔgya 34:9

Bɛyia Unwoti amii bekyuli bani mɔɔdi nwuna litemi lɛlɔ. Ɔsika bani ƒui mɔɔyia-nwu ni, baláyaki lɛla lɛbuni lɛdi.

Kɔgya 37:19

Si uwi ɔni na ɔgbankpi ɔdi úbo ni, ɔtɔtɔ ɔɔɔdubo-ma bɔgyu. Lɛni kani na si kɔka lɛnɔ kúbo ni, ama badubɔkɛ badi na bemo.

Kɔgya 37:25

Ɔ́si mina lɛnamu uwi úti úbedu ɔni na lɛ́ɛbi lɛlɔ mɛni ni, ńtanu ka Unwoti Katɔti údie ukyuli ɔni nse siin ɔdi atu kudii. Na ńtanu ka nwuna bebi bakɛ beteevele asa na badi.

Kɔgya 37:3

Ti ƒula anu sia Unwoti lɛlɔ na ataabla lɛbuni na adubulie ngba ku kubiti na kalɔ lɛlɔ na lɛla lɛdi lilékpoku-ɔ.

Kɔgya 84:11

Ɔsika Unwoti Katɔti uukeye aani ɔƒɛ na anwu mɔɔgyumana-bu. Anwuɔsu na uute-bu kusɛ kusɛ na ɔɔbla-bu lɛƒɔndia na ɔɔyá na bɔɔƒɔ́ lɛnyi na ulaya na bekyuli bani nse siin baayaki lɛla lɛbuni lɛdi uwi ɔdi.

Yesaia 33:16

badubulie bekpone kagyumakɔ kpakplaa kemmo na lɛtakpɛ lili na bakɛ adila badi kaduɛ na bani lɛnɔ kaduɛ.

Mateo 6:33

Mmomu anumi egyie-mii na Katɔ Ɔga ala lɛlɔ na kalɛ na bɛbla lɛlɔ siin utulo. Na Katɔti wabla ala abambadi ƒui lɛnɔ wete-mii.

Luka 10:42

Nsu lɛlakpa linwi kani námanku ka bawia. Na lɛbuni lɛmmɔ na Maria ɔ́ƒuna. Na basɔ baláƒɔ-ni na nwuna kudɔ.”

Luka 12:30

Ɔsika bekyuli bani nátaƒɔ Katɔti bátadi ni, ama mɔɔsia ala amɛni anu uwi ndi uwi. Bina Ɔti ɔgyi ka ala amɛni ƒui adi ala ani na bɛɛwia.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Romaƒuɔ 8:31

Ɔmɛni ɔsu ni, bi na ɔdi ka bɔsu? Si Katɔti unye-bu kama ni, ɔma ndubɔkana na ukpoku-bu?

Timoteo 1 4:8

Ɔlɔna lɛlɔ ɔkplu ɔdia bɔdi, nsu kalɛ na baatɛya Katɔti etemila kama bɔsiaku bubo kɔsia butulo ƒui. Ɔsika uute-ɔ kɔsia na ngba bɔmɛni ku kekpima ngba lɛnɔ kemmo.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”