Luka 12:15 - Katɔti Ɔku Kedee

¹⁵ Amu na ɔ́su bana ƒui ɔnini, “Bɛsia lɛlɔ anu na binye lɛlɔ kagyumana na ɔdivo udu biala bɔdi lɛlɔ, ɔsika ukyuli ngba geen bɔɔɔkɛnku ala ani nse-nwu lɛlɔ ina dɛ na ɔdi ɔlakɛne.”

Luka 12:15 ပူးပေါင်းရင်းမြစ်များ

Baga 1 2:40

Mmɔ na Simei ɔ́ta na úti nwuna ɔpɔnkɔ na úsie Akis kudɔ na Gat ɔnii útáwia nwuna kabla bablane. Na útánu-ma na ɔ́kpanku-ma úboku.

Hiob 2:4

Amu na Satan ɔ́su ɔnini, “Lɛla lɛdi lileƒi ukyuli ɔlɛ teetulo si anwu ɔlati nwuna ɔlɔna uunú ɔlɛ. Anwuɔsu na ɔkana na uni lɛla biala na uti lɛla lɛni na lɛ́ƒɔ-nwu kuye geen muedi ɔvumana na ɔkɛ nwuna ngba.

Kɔgya 10:3

Ukyuli ukpidi ɔɔkun lɛmɛnɛ na ala ani na ɔɔwia lɛlɔ. Na ukyuli ɔni muugyele anumi taasia lilu likpidi lɛlɔ taaƒɔ bekyuli ala ni, uuwida Unwoti na uuní-nwu.

Kɔgya 37:16

Lɛla blii suɛ lɛni na ukyuli ɔni nse siin ubo ni, ɔdia utulo balalane akɛla pii ani na bebo.

Kɔgya 62:10

Bitatɛya ɔdikplu iye bekyuli buyu taakɛ lɛkɛ. Si lɛkɛ lɛɛkɔ́-mii katɔ ni, biteti bina kayi bitasia ɔmmɔ lɛlɔ.

Agba 15:16

Ɔdia si aayia Unwoti ina eeebo ala pii utulo si ebo lɛlakɛ na bɔnwuna buuubo-ɔ kaduli.

Agba 16:16

Ɔdia geen si ukyuli ebo lɛnunda utulo ka akɛ sika ugyiedi. Na si ebo lɛlati lɛni mɔɔyá na ukyuli uunú ala kalɔ ni, ɔdia utulo sika ɔƒualadi.

Agba 28:16

Ɔgadine ɔni na ɔ́dɔlɔ kani mɔɔnya nwuna bekyuli taakya. Nsu ɔga ɔni na ukisi si ukyuli uládi litemi geen lɛlɔ iye ɔɔbɛ́ taaƒɔ ala bekyuli kudɔ ni, uulie ngba gyɔlɔɔ.

Yeremia 6:13

“Bawabane ku balakɛne ƒui ɔdivo bɔdi ku litemi geen tasu kani náƒɔ bana ƒui lɛlɔ kemmo. Na kenye bediene ku bakpane muedi baaadi bekyuli bani na basɔ beti kayi basia.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Mika 2:2

Biiƒie mmo ku lɛtɔ lɛni na bɛɛwia taaƒɔ. Bɛɛnya bekyuli taakya na bɛɛƒɔ́ bana kɔduli ku kalɔ.

Habakuk 2:9

“Bɔbuɛ ute-mii! Ɔsika amii nénye bekyuli lɛlɔ na bíƒie-ma ala bɛ́ƒɔ bɛ́bla lɛkɛ bíse bina bebi. Na bɛ́su ku bɔsu muedi bɛnini, ‘Ɔda bubo bɔdi buladi-bu lɛlɔ.’

Marko 7:22

ɔdivo ku kasusu kekpidi buti ku ɔkɔ bɔnyi ku ɔlɔna ala ɔkwɛ bɔda bɔni muukpó kɔƒa ku lɛnungyie na bekyuli bamba ala lɛlɔ ku linyeda ku lɛlɔ bɔtina ku kɔdɔlɔ.

Luka 12:16

Amu na Yesu úbo-ma lɛgba lɛmɛni ɔnini, “Ɔlakɛne ɔdi ɔ́kya dii ɔni na ubo kalɔ buni kani náya na nwuna edula ádia geen.

Luka 16:14

Uwi ɔni na Ƒarisiƒuɔ bénu ala ani na Yesu ɔ́su ni, báma-nwu ɔsika baayɔ́ egulabi geen.

Luka 21:34

“Bɛnu kaduɛ na bileti bina uwi bilete bɔdi ku bɔni ebiti sɔɔn. Na ɔdi uléteekpoku nwuna lɛlɔ na kayawi kamɛni ala lɛlɔ. Si ɔɔɔdi lɛni ni, limeyi lɛmmɔ lɛdubo-mii buyu bɔtu.

Luka 8:14

Edula ani nálɛ ébo liyu livo akɔ ni, ese aani bekyuli bani muunú litemi lɛmmɔ, nsu kayawi lɛƒɛda ku lɛlakɛ ku kayawi kamɛni ebiti aatú taabali-ma, na alaya na ebi ammɔ egyie na baƒɛ-nya.

Koloseƒuɔ 3:5

Anwuɔsu ni, bɛdu ɔlɔna kemmo ɔkwɛ adala biala nkya-mii lɛlɔ kemmo. Na bitasiaku-nya kama aani lɛsɔnɔdi ku ala ani muusé lɛlɔ ku ɔlɔna ɔkwɛ adala ani muuti ukyuli teesienku likpidi bɔbla kemmo na aayá na ukyuli uuti kasusu kekpidi ku ɔdivo udu biala ɔni ndi lɛƒiɔkpa.

Timoteo 2 3:2

Bekyuli badubɔyɔ bana lɛlɔ lɛti bɔdia na bayɔ egulabi. Badubo lɛmɛnɛ butaakun na bataatalaku lɛlɔ katɔ. Ama ndi bekyuli bani muudumi bekyuli, ku bani naaabu bana bawɔne. Na belese kɔdɛ, ku bekyuli bani naaasiaku bɔƒɔtaadi bɔmmɔ kama.

Hebriƒuɔ 13:5

Anumi asɔ etegyie-mii na egulabi lɛlɔ. Mmomu bɛya na lɛla lɛni bibo limo-mii. Ɔsika Katɔti ɔ́su ɔnini, “Lɛɛɛdubo-mii bɔnyonu kudii, na neeedie-mii atu lɛnɔ kudii.”

Yosua 7:21

Uwi ɔni bunye kekpo kemmo ni, mmɔ na lɛ́nu Babilon awu buni gyɔlɔɔ ɔdi ku sika ɔƒualadi ebi aƒɔ alɔ ku sika ugyiedi ugyii unwi ɔni unu metulo sika ɔƒualadi ebi koƒo kunwi. Ka lɛ́nu ala ammɔ ni, anumi egyie-mi na líti-nya. Na adubɔnu-nya na mina kevo kemmo ka líku-nya lɛkya mina ɔtɔ kalɔ. Na sika ɔƒualadi ebi ammɔ akya-nwu kalɔ.”

Petro 2 2:14

Lɛsɔnɔdi lɛ́ƒɔ-ma anu ƒui, na likpidi ala ɔkwɛ uláda-ma bɔda taaya kudii. Baatɔ́lɔ bekyuli bani bɔƒɔtaadi nátayu tɔ ɔkplu. Na baabla ekpidi. Na ama alati bébimi bana kaƒɔ bése ka beteemu ala taadi. Katɔti úwida bekyuli bamɛni geen.

Petro 2 2:3

Ɔkɔ ala batinane bamɛni bɔdubɔkɛ egulabi kɔsia na bina lɛlɔ na ɔkɔ ala ani na badubɔnwi basu-mii ɔsu, ɔsika baayɔ́ ama lɛti lɛkɛ geen. Ukyuli ɔni ndubɔtɛku-ma litemi ɔ́ɔklibi lɛlɔ úse-ma kuuku. Na ukyuli ɔmɛni ɔni ndubo-ma bɔkyula ni, ɔɔnu-ma nwaa.