Luka 12:13 - Katɔti Ɔku Kedee

¹³ Ukyuli ɔdi ɔkya bekyuli akɔ mmɔ na ɔ́su Yesu ɔnini, “Ala ɔtinane, su mina ɔnwani na ule bula ɔti kadikɔ kani na ɔ́da úse-bu ute-mi.”

Luka 12:13 ပူးပေါင်းရင်းမြစ်များ

Kɔgya 17:14

O Unwoti, ƒɔ-mi na bekyuli bekpidi bani kasusu ndi ka basala kayawi ala bese bete lɛlɔ mɛni enu kemmo. Awɔ muute bekyuli bani na aayɔ́ adila na baadi. Na bana bebi baakɛ́ taadi teemo. Bana bawɔ baakɛ́ ala teetulo kalɛ na baawia.

Esekiel 33:31

Anwuɔsu bana ƒui beebo teebenu lɛla lɛni na adubɔsu, nsu béni na balabla taasiaku kalɛ na ásu-ma. Ama baasu ka basiaku-mi kama siin, nsu baanya bana bakpana taakya na beeyu bana egulabi.

Luka 12:12

Ɔsika Katɔti Kɔyu kɔdubɔtina-mii na uwi ɔmmɔ kani lɛlɔ lɛla lɛni na bɛdubo bɔsu.”

Luka 12:14

Amu na Yesu údie kenye ɔnini, “Ɔnana, ɔma néte-mi kuƒi ɔnii nle ala iye ntɛ litemi na bina inyɔ ntɛ?”

Luka 6:45

Ukyuli ɔbuni ni, ala abuni na uudie taalɛku nwuna akɛla abuni ani nkya nwuna kayi kemmo. Na ukyuli ukpidi lɛnɔ uuboku akɛla ekpidi ani nkya-nwu kayi kemmo. Ɔsika ala ani néyi ukyuli kayi kemmo ni, anya na nwuna kenye kaasu.

Timoteo 1 6:5

Na baaní ala teenene uwi biala. Bekyuli bamɛni kasusu kékpi-ma na báyila litemi geen lɛmmɔ. Baakali banii badubɔsia bɔƒɔtaadi ulu lɛlɔ na beyile bana aƒo.