Luka 11:46 - Katɔti Ɔku Kedee

⁴⁶ Mmɔ na Yesu údie kenye ɔ́su-nwu ɔnini, “Bɔbuɛ muute amii ɔda bubo ala batinane lɛnɔ. Etila ani na bekyuli balakana buti ni, anya bɛɛtɛ taasia bekyuli kama. Na bilábla kasusu bɛnii biibunku-ma na bakana etila ammɔ buti.

Luka 11:46 ပူးပေါင်းရင်းမြစ်များ

Yesaia 10:1

Bɔbuɛ beete bekyuli, ama bani muunyimi ɔda bubo bukpidi kalɛ na bataanya bekyuli taakya.

Yesaia 58:6

“Kudii, mmomu lɛla lɛni mɔɔyɔ́ Unwoti kaƒɔ ndi kalɛ na bɛya na bekyuli bani na baanya taakya bakɛ bɔnwuna na belie bete lɛlɔ. Na kalɛ na bekyuli baládi litemi lɛlɔ siin teete bekyuli na únwini aani kɔgba na kɔda bekyuli ɔkwɛ ni, bidie-ku bana ɔkwɛ na bikulo kɔbuli kɔmmɔ ƒui bana lɛlɔ.

Mateo 22:35

Na bana kemmo unwi ɔni ndi ɔda bubo ala ɔtinane ɔ́wia ɔnii uuye Yesu litemi lɛdi na uti ɔkywɛ-nwu kakpagyuɛ. Ɔ́su ɔnini,

Luka 11:45

Amu na ɔda bubo ala batinane akɔ unwi ɔ́su-nwu ɔnini, “Ala ɔtinane, si ásu ɔmɛni ni, eedumi abu lɛnɔ.”

Luka 11:52

“Bɔbuɛ muute amii ɔda bubo ala batinane! Ɔsika ɔtɔ ɔni kemmo na lɛnunda lɛkya ni, bɛ́kalɛ kayakun kammɔ bíse. Nsu amii alati bini bɛnii bileduo. Na biitile bekyuli bamba bani mɔɔwia beduo lɛnɔ kuƒi.”

Galatiƒuɔ 6:13

Bani muedi nékulo ago mmɔ ni, baládi ɔda bubo bɔmmɔ lɛlɔ. Nsu baayɔ́ ka amii lɛnɔ bikulo ago na bataakun lɛmɛnɛ na bina ɔlɔna bukulo bɔmmɔ lɛlɔ.