Luka 11:41 - Katɔti Ɔku Kedee

⁴¹ Biti ala ani ƒui nkya bina akyami ku lɛɛƒɛɛ kemmo mmɔ bite bawabane kalɛ na bina lɛla biala lɛbla sɛɛn.

Luka 11:41 ပူးပေါင်းရင်းမြစ်များ

Kɔgya 112:9

Uute bekyuli bani mɔɔyaki ala ku kaƒɔ ƒaa, na uláda lɛbuni bɔbla taaya kudii. Na bekyuli badububo-nwu kudu ka ubo ɔyikun sɔsɔ.

Kɔgya 41:1

Lɛlɔ lɛdubɔyɔ ukyuli ɔni muulie taabla kasusu na bekyuli bani nse kpɛtɛ kpɛtɛ lɛlɔ ka ubunku-ma. Unwoti Katɔti ɔdubudie-nwu si úduo lɛbibo lɛdi kemmo.

Agba 14:31

Bekyuli bani muukpóku bawabane ni, beedumi Unwoti. Nsu bani muubunku-ma ni, baabu Unwoti.

Agba 16:6

Bɔyɔ bɔni neeebo kawɔkɔ ku litemi lɛlɔ bɔdi uwi ndi uwi uuti ala teebi likpidi. Na si aayia Unwoti ni, eekeli likpidi.

Agba 19:17

Si ébunku bawabane ni, Unwoti na eevó ala teete, na ɔdubɔƒɔ kayu kammɔ ɔsɔku ute-ɔ.

Daniel 4:27

Anwuɔsu, Ɔga Ɔbune, buvele, nu kalɔ na abla lɛla lɛni na ndubo-ɔ bɔsu mɛni. Da ƒula ekpidi ani na aabla ya na enwini kama akya-nya na ataabla lɛbuni. Na ataanu bekyuli bani na ala eekpóku kɔnyana, na ɔƒaalɛ lɛla biala lɛdubɔtɛ lite-ɔ.”

Mateo 26:11

Bawabane bakya-mii akɔ uwi biala. Nsu ami ni, ɔɔɔdi uwi biala na ndubɔkya-mii kudɔ.

Mateo 5:42

Si ukyuli ɔdi úye-ɔ lɛla lɛdi ni, te-nwu. Na si kevokɔ na ɔdi lɛnɔ uye-ɔ ni, na ete-nwu.

Marko 7:19

Mmomu nwuna kaƒɔ kemmo na líduo, na lɛɛsɔ taalɛ-nwu ɔlɔna kemmo aani lɛla lɛni nébie.” Na lɛla lɛni na Yesu ɔ́su mɛni ni, ɔ́tina ka adila biala adia éte bɔdi.

Luka 12:33

Biti bina lɛlɔ ala biye na bile egulabi ammɔ bite bawabane. Na bɛwia egulabi kɔvumi kɔni na bɛgyi ka kulatɔ bise katɔ bite lɛlɔ. Mmɔ na bina akɛla adubuse kpoo na alaƒana kudii. Ɔsika uyune ɔdi ulakana mmɔ buduo, na kubweyi kɔni muubile ala lɛnɔ kulakana-nya bubile.

Luka 16:9

Mmɔ na Yesu úsie anumi na ɔ́su-ma ɔnini, “Biti bina kayawi lɛlakɛ bibunku bekyuli. Na si lɛkɛ lɛmmɔ lɛ́sa ni, na Katɔti waƒɔ-mii wakya nwuna ɔma kemmo.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Luka 19:8

Amu na Sakeo ɔ́ta únye na ɔ́su Blɔti ɔnini, “Ati! Buvele, nu! Ndubuti mina lɛkɛ kakɛ kenwi ƒui lite bawabane. Na bekyuli bani ƒui na líti lɛnungyie kemmo lɛ́ƒɔ-ma ala litulo kalɛ na ɔdi ka lɛƒɔ ni, ndubɔƒɔ-ma kayu kammɔ akpa ene.”

Batalane Kabla 10:15

Lɛdi lɛmɛni lɛ́sɔ lɛ́su-nwu lɛnini, “Lɛla lɛni lɛlɔ na Katɔti úveli ɔ́bla kede kede ni, tasu anii liisé lɛlɔ!”

Batalane Kabla 11:29

Anwuɔsu baƒɔtaadine bamɛni bábla kasusu ka beyi ala bemene banwa bani nkya Yudea. Na bana akɔ ɔdi biala úte kalɛ na wakana.

Batalane Kabla 24:17

“Akwa pii mɛni ni, liiibo Yerusalem. Na ɔƒɛni lísie nnii muuti bawabane etela lite mina badi na lɛbla akpala lɛnɔ lite Katɔti.

Korintoƒuɔ 2 8:12

Si ɔdi bina bɔyɔ ka bíte bekyuli ala ni, ɔdubɔƒɔ Katɔti anu ɔkɛnku lɛla lɛni nse-mii kenye. Na ɔɔɔdi lɛla lɛni na biiibo.

Eƒesoƒuɔ 4:28

Ukyuli ɔni muuyú ni, ɔda buyu ɔya na uti nwuna enu ɔbla kabla kabuni na ɔkɛ ala na anwu lɛnɔ ubunku bawabane.

Tito 1:15

Lɛla biala lise kedee lite bekyuli bani alati nse kedee. Nsu bekyuli bani ndi bekyuli bekpidi na balaƒɔ taadi ni, lɛla biala liiise kedee, ɔsika bana kasusu kemmo kéyi ku ala ekpidi, na basɔ balanu lɛbuni ku likpidi taati.

Hebriƒuɔ 13:16

Na bitayiƒala ka bɛbla lɛbuni bite lɛlɔ, na bite lɛlɔ ala. Ɔsika akpala ammɔ udu mɔɔda Katɔti kubiti.

Hebriƒuɔ 6:10

Katɔti ɔɔbla lɛla biala ulu lɛlɔ. Na uláyiƒala bina ala ani na bɛ́bla. Ɔgyi ka bɛɛyɔ́-nwu ɔkɛnku kalɛ na bíbunku nwuna bekyuli. Na bɛmu biibunku-ma úbedu ɔƒɛni.

Yakobo 1:27

Bɔƒɔtaadi ulu ɔni na Katɔti ɔɔnu ka use sɛɛn na bɔƒiɔ bɔdi buuubo-nwu kemmo ndi ɔmɛni. Ɔlɛka ukyuli ubunku bekyuli bani muubó abi aani bekpinebi ku bekpinele kalɛ. Na ɔda lɛlɔ udie kayawi ekpidi biala kemmo.