Luka 11:4 - Katɔti Ɔku Kedee

⁴ Na eti bula alaekpidi akyiɛ-bu, ɔsika abu lɛnɔ buuti taakyiɛ ukyuli biala ɔni mɔɔƒiɔ́-bu. Na taya na buduo bukpoku taanu kemmo. Na edie-bu alɛku alaekpidi akɔ.’ ”

Luka 11:4 ပူးပေါင်းရင်းမြစ်များ

Ala Kalɔ Buse 48:16

Na ɔ́ya na nwuna ɔtu údie-mi na ɔdi útabla-mi kalala kadi. Muuvele nnii ute bebi bananabi bamɛni kusɛ kusɛ. Mina lɛnyi ku mina bati bani ndi Abraham ku Isak lɛnyi na badubo bɔdi. Na muuvele nnii bawɔ na bemomo na baƒɔ lɛnyi na kayawi.”

Baga 1 8:34

buvele nda-a, nu-ma bɔkpali asiku katɔ mmɔ. Na eti bana ekpidi akyiɛ-ma. Na asɔku-ma ebese kalɔ kani na éti éte bana bati kuuku mmɔ lɛlɔ.

Baga 1 8:36

na enu-ma bɔkpali asiku katɔ kani na akya mmɔ. Na eti ƒula kabla bablane Israelƒuɔ ekpidi akyiɛ-ma, na atina-ma kalɛ na babla ala ulu siin lɛlɔ. Na aya na ɔnantu ɔsɔ use kalɔ utaana teewi kalɔ kani na éti éte ƒula kadi bekyuli ka beti benwini bana kadikɔ mɛni lɛlɔ.

Kɔgya 121:7

Unwoti Katɔti ɔdubɔgyumana-a na udie-ɔ kɔyu na ɔgbankpi biala kemmo.

Kɔgya 25:11

Unwoti, ɔkɛnku ƒula lɛnyi ɔsu ni, ti mina bɔƒiɔ ƒui kyiɛ-mi ina ka bumomo na babu-ɔ.

Kɔgya 25:18

Nu ala ani muukpóku-mi ku kalɛ na muunú ɔlɛ na mina lɛlɔ kemmo, na eti mina alaekpidi akyiɛ-mi.

Daniel 9:19

Ti bula bɔƒiɔ kyiɛ-bu! Yile bubo na ababla lɛla lɛdi na ɔɔɔdi ƒula ɔma ɔmmɔ kani iye abu ƒula bekyuli baƒunadi lɛti ɔsu, mmomu kalɛ na aya na ƒula lɛnyi likeye ɔsu.”

Hosea 14:2

Nwini sie ƒula Unwoti Katɔti kudɔ na etévele-nwu na asu anini, “Ti bula ekpidi kyiɛ-bu, na aƒɔ bula linugya bumwi bɔni ndi akpala ani na búti buute-ɔ.

Mateo 18:35

Amu na Yesu ɔ́wɔlɔ kɔtɛ kɔmmɔ ɔnini, “Lɛni kani na mina Ɔti ɔni nkya katɔ ɔdubɔbla bina akɔ ɔdi biala si biléti taakyiɛ bina baƒɔtaadine bakpana ɔ́si bina kayi kemmo ƒui.”

Mateo 26:41

Bɛsɔ bilie kagyumana na bɛkpali katɔ kalɛ na bileduo bukpoku taanu kpakplaa kemmo. Kɔyu kɔɔyɔ́ ka kɔbla, nsu ɔlɔna use kpɛtɛ kpɛtɛ.”

Luka 11:5

Amu na Yesu ɔ́su nwuna batɛyane ɔnini, “Si banii bina akɔ ɔdi úsie nwuna ɔkpana ɔdi kudɔ usien ntɛ útásu-nwu ɔnii, ‘Ɔkpana, vo-mi bodobodo ɛtɛ ɔdi,

Luka 13:4

Na nkyuli leevu-maane bani na Siloa ɔtɔ ubendi ɔmmɔ ɔ́ƒɛ úbo na békpi nɔɔ? Bɛɛkali ka ɔmɛni ɔsu ama ndi bekyuli bekpidi ntulo ama bani nli Yerusalem mmɔ ƒui?

Luka 22:46

Amu na ɔ́su-ma ɔnini, “Bi ɔsu na bɛtɛ bɛɛlɛɛ? Bɛta na bitaakpali katɔ kalɛ na bileduo bukpoku taanu kemmo.”

Luka 8:13

Na ani nálɛ ébo atakpɛ lɛlɔ ni, ese aani bekyuli bani na bénu litemi lɛmmɔ na báƒɔ-ni ku ebiti mmɔ kani, nsu líteduo-ma lɛlɔ kemmo geen. Anwuɔsu baaƒɔ́ taadi uwi klukui kemmo kani. Na si uwi ɔni na bukpoku taanu bɔdi búbo ni, baayuɛ.

Yohane 17:15

“Na ɔɔɔdi buvele na nda-a nnii da-ma die kayawi kamɛni kemmo. Mmomu buvele na nda-a ka agyumana-ma alɛku ukisine ɔmmɔ enu kemmo.

Korintoƒuɔ 1 10:13

Lɛla biala lɛni nékpoku-ɔ lɛ́nu ni, nina udu lɛɛkana na liibo ukyuli biala lɛlɔ. Nsu ni, Katɔti ɔɔdi nwuna linyese lɛlɔ. Na ɔdubute-ɔ ɔyikun ɔni na eti enye lɛla lɛni mekpoku-ɔ manu kenye, na liletulo ƒula ɔyikun kalɛ na enye kpakplaa ete-nwu. Uwi ɔni kemmo na lɛla lɛdi liikpóku-ɔ taanu ni, Katɔti ɔdubute-ɔ ɔyikun ɔni na eti enye ala ammɔ ƒui kenye, na ɔtina-a ulu ɔni lɛlɔ na asia na alɛ-nwu kemmo.

Koloseƒuɔ 3:13

Na biteebunku lɛlɔ. Na si ɔdi ɔ́ƒiɔ ɔdi ni, uti ɔkyiɛ-nwu aani kalɛ na Blɔti úti ɔ́kyiɛ-mii.

Tesalonikaƒuɔ 2 3:3

Nsu Blɔti unye-mii kama, na ɔdubɔkya-mii ɔkplu na wanu-mii lɛlɔ kalɛ na ukisine ɔmmɔ uladi-mii lɛlɔ.

Timoteo 2 4:18

Blɔti ɔdubudie-mi na ɔgbankpi biala kemmo, na ɔdubo-mi bɔkpanku buɛɛ buɛɛ na liduo Katɔ Ɔga Ɔma. Bumwi na buute Katɔti ɔ́si ɔƒɛni úsela ƒui. Ɔsia lɛni.

Yakobo 2:13

Ɔsika si Katɔti ɔɔtɛku ɔdi litemi ni, ɔɔɔdubo-nwu kɔnyana bɔnu si ukyuli ɔmmɔ ulánu kɔnyana. Nsu si ɔdi ɔɔnu kɔnyana ni, Katɔti uládu-nwu kɔtɔ.

Budie Taatina 2:10

Bitayia lɛbibo biala lɛni mebo-mii lɛlɔ. Bise atu na binu! Ukisine ɔmmɔ ɔdubo bina akɔ badi bukpoku bɔnu na ɔya na bakya-mii ɔtɔ na bekpoku-mii emeyi leevu. Ɔlɛka bɛbla ala ulu lɛlɔ bite-mi si ina úbo úte ka bikpi muedi. Na ami ndubuti ngba bɔni nsɔ naaadubo bɔsa kudii lɛƒɔ-mii kayu.

Budie Taatina 3:10

Na ka bɛ́di mina ɔda ɔni na líbo-mii lɛlɔ, na bínye kpakplaa na bɛ́siaku ala ani ƒui muukpóku-mii ɔsu ni, ndubɔda-mii lidie lɛbibo lɛni mebo kayawi ƒui lɛlɔ libakɔku bekyuli bani nlie kalɔ lɛlɔ lɛnu kemmo.