Luka 11:39 - Katɔti Ɔku Kedee

³⁹ Anwuɔsu Blɔti ɔ́su-nwu ɔnini, “Ɔƒaani ni, amii Ƒarisiƒuɔ bɛɛƒɔ bina akyami ku lɛɛƒɛɛ kama, nsu bina lɛlɔ kemmo geen anwu ni, likyulikpi ku kalala bɔbla bɔ́ƒɔ-ni ƒui.

Luka 11:39 ပူးပေါင်းရင်းမြစ်များ

Ala Kalɔ Buse 6:5

Unwoti ɔ́nu kalɛ na ukyuli likyulikpi lɛ́ƒɔ kalɔ lɛlɔ. Na likpidi kasusu kani na ukyuli uuti uwi biala.

Ala Alɛdi 2 25:2

Ina ka Amasia ɔ́bla lɛbuni na Katɔti anumi ni, útadi nwuna etemila ƒui lɛlɔ ku nwuna kayi ƒui kede kede.

Kɔgya 22:13

Mina bekisine bébimi bana inye voo aani gyata ɔni muubó lɛdi ka babaduli-mi kɔkɛ kɔkɛ aani kalɛ na gyata ɔɔduli ebuo ɔni na úƒie.

Agba 26:23

Kɔtɛ kɔni baakya emini aabɛla kasusu kekpidi kani nkya ukyuli ɔdi kayi kemmo aani kalɛ baanwamana sika ugyiedi ntu taakwaa libui.

Agba 26:25

Ina ka bekyuli bamɛni baabla lɛlɔ aani bebo lɛƒɔndia ni, likpidi lɛ́ƒɔ-ma kayi kemmo tɛɛ.

Agba 30:12

Baanu lɛlɔ ka badia bagya nsu geen ni, beesé lɛlɔ geen na bátalɛ bɔkpi.

Yeremia 4:14

Nsu ni, Yerusalem, uwi ɔmu ɔkya-mii ka bɛkɛ bɔƒɔ. Bɛƒɔ bina ekpidi ƒui bidie lɛlɔ ku kayi kemmo na bɛda likpidi kakwɛ biala bɔkya bɛya,

Esekiel 22:25

Bana batɔnkune bese aani bagyata bani mɔɔkwanyi na baaduli ebuo ɔni béƒie teegyingya kɔkɛ kɔkɛ. Baadú bekyuli. Na beeyú ala ani na bánu ka áƒɔ kuye na bekyuli kudɔ. Na baadu beleku bagya na bana beleku baaƒɔ́ lɛlɔ teelie aani bekpinele.

Esekiel 22:27

“Israel kadi benengu bese aani beƒukutu bani anumi négyie na ebuo ɔni na beƒie lɛlɔ na baaduli-nwu teegyingya si báda-nwu. Na beelie ngba ngba bukpidi taakya bekyuli ɔlɛ na baadú-ma.

Seƒania 3:3

Nwuna bakutine ƒui bénwini bagyata bani mɔɔkwanyi, na nwuna litemi batɛne lɛnɔ bénwini bebuo bani muuƒie bana bakpana taakun usien na asɔ alanu lɛla lɛdi si kadi kégye.

Mateo 15:19

Na kasusu kekpidi kani mɔɔyá na bekyuli baadú bekyuli, na baadi kɔsɔnɔ, na baabla lɛyalɛ ala, na beeyú, na baadá bekyuli kenye, na baalɔ bekyuli anyikpi ni, ana ƒui aasí kayi kemmo.

Mateo 7:15

“Bɛnu kaduɛ na ɔkɔ banyine bani nábla lɛlɔ aani Katɔti kenye bediene. Beebo-mii kudɔ aani baƒonu bani nse buɛɛ. Nsu na bana lɛlɔ kemmo geen ni, badi begiti.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Luka 7:13

Ka Yesu ɔ́nu uleku ɔmɛni ni, nwuna lɛlɔ lɛ́bla-nwu kɔnyana. Amu na ɔ́su-nwu ɔnini, “Da buwulo ya.”

Luka 7:19

na ɔ́tala-ma ɔ́kya Blɔti ɔnii betéye-nwu banini, “Awɔ ndi ukyuli ɔni mebo munuu butaasia ukyuli bamba anu?”

Yohane 12:6

Nsu ɔɔɔdi ɔni na bawabane baakywí-nwu kaƒɔ ɔsu na úye ɔmɛni. Mmomu ka ɔdi uyune na anwu kani mɔɔda bana kavumi, na ɔɔyɔ́ ka nka utaaƒana egulabi ammɔ adi teedie taabla nwuna lɛlɔ ala ɔsu.

Yohane 13:2

Na useyi ɔmmɔ ka Yesu ku nwuna batɛyane bésie belie kadikɔ badaku bɔdi ni, ukisine ɔmmɔ ɔ́ɔya na kasusu kekpidi kéduo Yuda ɔni ndi Simon Iskariot ubidi lili kemmo kalɛ na ɔkya Yesu kakya.

Batalane Kabla 5:3

Amu na Petro ɔ́su-nwu ɔnini, “Anania, bi ɔsu na áya na Satan ɔdi-ɔ lɛlɔ, na ɔ́ya-a na aanyi ɔkɔ taatɔlɔ Katɔti Kɔyu? Na ébu ƒula kalɔ kani na éti éye mmɔ egulabi adi ése éte lɛlɔ?

Galatiƒuɔ 1:14

Na anumi égyie-mi étulo mina ligyekpa na ntɔ-ma na Yudaƒuɔ bɔkpa ulu ɔmmɔ kemmo. Na mina bati kuuku ɔdi kama kani na mina kasusu kasia kpakplaa ka lɛbla.

Timoteo 2 3:5

Bekyuli bamɛni udu mɔɔtina ku kenyekplu ka badi bekyuli babuni, nsu beení Katɔti ɔyikun ka ɔdi-ma lɛlɔ na bana keliela kemmo. Da lɛlɔ mamiku bekyuli bamɛni lɛlɔ.

Tito 1:15

Lɛla biala lise kedee lite bekyuli bani alati nse kedee. Nsu bekyuli bani ndi bekyuli bekpidi na balaƒɔ taadi ni, lɛla biala liiise kedee, ɔsika bana kasusu kemmo kéyi ku ala ekpidi, na basɔ balanu lɛbuni ku likpidi taati.

Yakobo 4:8

Bɛni bide Katɔti, na anwu lɛnɔ ɔdubɔni ude-mii. Amii alaekpidi bablane, bɛƒɔ bina enu! Na amii bani bina kasusu kese inyɔ inyɔ ni, bɛvumana bɛsia Blɔti lɛti kama!