Luka 11:15 - Katɔti Ɔku Kedee

¹⁵ Nsu bana akɔ badi básu banini, “Ayu ekpidi ƒui unengu ɔni baalɔ banii Beelsebul muute-nwu ɔyikun ɔmmɔ ɔnii utaagya-ma taalɛku.”

Luka 11:15 ပူးပေါင်းရင်းမြစ်များ

Mateo 10:25

Anwuɔsu ni, ɔtɛyane biala ɔbla kalɛ na ɔlɛ nwuna ala ɔtinane. Na ukyuli ɔni na baadi lɛlɔ lɛnɔ ni, ɔbla kalɛ na ɔlɛ nwuna Unwoti. Na si bekyuli beedumi ɔtɔlati ɔdi banii ayu ekpidi ɔtɔnkune na ɔdi ni, na badubɔlɔ kaduli kammɔ bekyuli ƒui anyikpi betulo ɔtɔlati ɔmmɔ.

Mateo 12:22

Amu na bekyuli badi béti ɔnana ɔdi ɔni na kɔyu kukpidi kuukpóku-nwu na ulákana bɔnu iye ulétemi béboku Yesu kudɔ. Na Yesu ɔ́bɔku kɔyu kɔmmɔ na ɔlɛne ɔmmɔ ɔ́kana na uutemi na ɔɔnu lɛnɔ.

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Mateo 9:34

Nsu Ƒarisiƒuɔ badi básu banii, “Ayu ekpidi ɔga néte-nwu ɔyikun ɔni na ɔda ɔɔgyá ayu ekpidi ammɔ.”

Yohane 10:20

Na bana akɔ pii básu banini, “Kɔyu kukpidi kɔsiaku ukyuli ɔmɛni, na uukpi libuo! Bi ɔsu na ɔlɛka binye biteenu ala ani na ɔɔsu?”

Yohane 7:20

Mmɔ na bekyuli bammɔ bédie kenye básu-nwu banini, “Kɔyu kukpidi kɔsiaku-ɔ! Ɔma mɔɔwia ka ɔdu-ɔ?”

Yohane 8:48

Mmɔ na Yudaƒuɔ básu Yesu banini, “Ɔdi litemi geen ka bɔ́su-ɔ ka Samariani ukpidi na adi, na kɔyu kukpidi kɔsiaku-ɔ!”

Yohane 8:52

Mmɔ na Yudaƒuɔ bammɔ básu-nwu banini, “Ɔƒɛni na bɔti nwaa ka kɔyu kukpidi kɔsiaku-ɔ! Abraham úkpi, na Katɔti kenye bediene lɛnɔ békpi, nsu awɔ aasu ka ukyuli biala ɔni madi ƒula ala ani na aatina lɛlɔ ulekpi kudi kudii!