Luka 10:42 - Katɔti Ɔku Kedee

⁴² Nsu lɛlakpa linwi kani námanku ka bawia. Na lɛbuni lɛmmɔ na Maria ɔ́ƒuna. Na basɔ baláƒɔ-ni na nwuna kudɔ.”

Luka 10:42 ပူးပေါင်းရင်းမြစ်များ

Kɔgya 119:111

Ƒula ɔda bubo bɔɔyɔ́-mi kaƒɔ na bɔdi mina kese uwi ƒui.

Kɔgya 119:173

Tani tesie kama, mmomu die ƒula kɔnu na ebunku-mi, ɔsika ƒula ɔda bubo na lɛ́ƒuna.

Kɔgya 119:30

Lɛ́ƒuna ka lɛdi ƒula ɔda bubo lɛlɔ. Na ɔmmɔ ntɔ-mi anumi na mɔɔnu.

Kɔgya 142:5

Lɛ́kpali awɔ, mina Unwoti Katɔti, na lɛ́su-ɔ nnini, “Awɔ ndi mina katamikukɔ. Na awɔ kani mɔɔwia na mina ngba ƒui kemmo.

Kɔgya 17:15

Nsu ami ndubɔnu-ɔ anumi, ɔsika ntabla lɛla likpidi lɛdi. Na si lɛ́ta mina kalɛɛkɔ ni, ndubɔnu kalɛ na ese na lɛlɔ lɛyɔ-mi.

Kɔgya 27:4

Mmomu lɛla linwi pɛ kani na muuvele mina Unwoti kpakplaa nnii ɔya na lɛkɛ keliekɔ na nwuna ɔtɔ kemmo. Na lɛsɔ lilie mmɔ mina ngba emeyi ƒui kemmo na ntaanu Unwoti bɔdia na nteevele-nwu kasusu taasiku nwuna kakpakɔ mmɔ.

Kɔgya 73:25

Liiibo ukyuli bamba ɔdi na katɔ liiitulo awɔ. Na lɛla lɛdi lɛnɔ liiibo kalɔ kamɛni lɛlɔ na mɔɔwia teetulo awɔ.

Etemila 12:13

Ala ani ƒui na bátina-a ni, akana na asala-nya akya etemila klo klo amɛni kemmo anini, “Di Katɔti litemi lɛlɔ na abu-nwu. Lɛla lɛni ƒui na ngba bumodi bɔmmɔ bɔdanku kani na lɛdi mmɔ.”

Marko 8:36

Bi kɔsia na ukyuli ɔdubɔkɛ si ɔ́kɛ kayawi ala ƒui na ɔ́yila ngba geen bɔmmɔ?

Luka 10:39

Marta ɔmɛni ubo ɔnwani ulekubi ɔni baalɔ Maria. Anwu ɔ́yu úlie Yesu kudɔ na uunú-nwu ala ani na ɔɔtina.

Luka 11:1

Limeyi lɛdi ni, Yesu ɔkya likpo lɛdi ɔɔkpali katɔ. Ka ɔ́wɔlɔ ni, nwuna batɛyane akɔ unwi ɔdi úbo-nwu kudɔ, na ɔ́su-nwu ɔnini, “Ati, tina-bu kalɛ na butaakpali katɔ aani kalɛ na Yohane ɔ́tina nwuna batɛyane.”

Luka 12:20

“Nsu Katɔti anwu ɔ́su-nwu ɔnini, ‘Awɔ ɔdɔlɔdi! Usien ɔmɛni kani na adubo ƒula ngba bɔda buse. Na ɔma ndubɔdi ala ani na áwia ése éte lɛlɔ mɛni?’ ”

Luka 12:33

Biti bina lɛlɔ ala biye na bile egulabi ammɔ bite bawabane. Na bɛwia egulabi kɔvumi kɔni na bɛgyi ka kulatɔ bise katɔ bite lɛlɔ. Mmɔ na bina akɛla adubuse kpoo na alaƒana kudii. Ɔsika uyune ɔdi ulakana mmɔ buduo, na kubweyi kɔni muubile ala lɛnɔ kulakana-nya bubile.

Luka 16:2

Ɔmɛni ɔsu ɔlakɛne ɔmmɔ ɔ́lɔ nwuna ala lɛlɔ ɔnune ɔmɛni na ɔ́su-nwu ɔnini, ‘Bi ndi lɛla lɛni udu na línu lɛ́siku-ɔ lɛlɔ mɛni? Bu akunta na kalɛ na éti aanu mina ala lɛlɔ ƒui boku-mi, ɔsika asɔ alakana mina ala lɛlɔ bɔsɔ bɔnu lɛnɔ.’

Luka 16:25

“Nsu Abraham ɔ́su-nwu ɔnini, ‘Ubi, nyimo ka na ƒula ngba bɔni na élie kemmo ni, ala abuni sɔɔn na áƒɔ. Na Lasaro anwu ni, ala ekpidi sɔɔn na ɔ́ƒɔ. Nsu ɔƒɛni ni, ɔɔkɛ́ ebiti na awɔ eebó abi.

Luka 18:22

Ka Yesu únu-nwu litemi lɛmmɔ ni, ɔ́su-nwu ɔnini, “Lɛla linwi lɛ́sɔ líbu-ɔ na abla. Ti ala ani nse-ɔ ƒui ye, na eti egulabi ammɔ ete bawabane. Ɔmɛni ndubɔya-a na akɛ akɛla ese ete lɛlɔ na katɔ. Ɔmmɔ kama na ebo abasiaku-mi.”

Luka 8:18

“Bɛnu lɛlɔ kemmo kaduɛ na kalɛ na biinú etemila lɛlɔ. Na ukyuli ɔni muunú na únu kalɔ ni, ɔdubunu kalɔ ubu. Na ukyuli ɔni neeese atu ni, libliidi lɛni na ɔɔbu ɔnii únu muedi ni, badubɔƒɔ-ni na nwuna kudɔ.”

Yohane 11:1

Na ɔma ɔni baalɔ Betania kemmo ni, ɔnana ɔdi ɔ́kya na baalɔ-nwu Lasaro. Ɔnana ɔmɛni úbo uuƒi. Na banwani belekubi inyɔ bani ndi Maria ku Marta lɛnɔ bákya ɔma ɔmmɔ.

Yohane 11:19

Na Yudaƒuɔ pii bésie mmɔ bátásia Maria ku Marta kɔnu ka bana ɔnwani úkpi ɔsu.

Yohane 12:3

Amu na Maria úti nnɔmii ƒɛƒɛɛ bɔdi bɔni náƒɔ kuye geen na baalɔ-mu nard úwi Yesu lɛgba, na ɔ́da nwuna lili linwini úni-nwu lɛgba. Na ɔnyi ƒɛƒɛɛ ɔ́ƒɔ ɔtɔ ɔmmɔ ƒui kemmo.

Yohane 17:3

Na ngba bɔni nsɔ naaadubo bɔsa kudii mɛni kalɔ ndi ka bekyuli bamɛni bati awɔ, na bati ka awɔ lɛti pɛ ndi Katɔti geen ɔmmɔ, na bati ami Yesu Kristo ɔni na átala.

Yohane 4:14

Nsu ntu bɔni na ndubute ni, utukwɛ ɔsɔ ulada ukyuli ɔni mani-mu. Mmomu bɔdubunwini libiɔ lɛni mɔɔyu na bana lɛlɔ kemmo, na ɔdubute-ma ngba bɔni nsɔ naaadubo bɔsa kudii.”

Yohane 5:24

“Na mɔɔsu-mii geen ka ni, ukyuli ɔni muunú-mi litemi na ɔɔƒɔ́ Katɔti ɔni nátala-mi taadi ni, uli ngba bɔni nsɔ naaadubo bɔsa kudii. Na Katɔti uládu-nwu kɔtɔ na nwuna ekpidi ɔsu. Mmomu ɔ́ɔvia kukpi ntu úduo ngba bɔwɔdi kemmo.

Yohane 6:27

Bitekpoku lɛlɔ bitawia adila ani muubie kama ulu. Mmomu bɛwia adila ani neeebie na ese ésela uwi ƒui. Adila ammɔ udu na ami Ukyuli Ɔyawine Ubi ndubo-mii bute. Ɔsika ami na Katɔti ɔ́sia kɔnu úse.”

Korintoƒuɔ 1 13:3

Na si ina líti mina ala ani nse-mi ƒui líte bawabane na lɛ́ya na bekyuli muedi bakyula-mi nsu naaayɔ bekyuli ni, lɛɛɛdi lɛla lɛdi.

Galatiƒuɔ 5:6

Na si bɔ́bla unwi ku Kristo ni, lego bukulo ku tekulo ɔsɔ uuubo kɔsia kɔdi. Lɛla lɛni bɔɔwia ndi bɔƒɔtaadi bɔni mɔɔtina kalɛ na bɔɔyɔ́ lɛlɔ.

Lɛkpa Ulu 30:19

Na ɔmwi limeyi lɛmɛni líti ala amɛni líte-mii nnii bidie. Na anya ndi kukpi ku ngba! Ewida ku kusɛ kusɛ! Na mɔɔsu katɔ ku kalɔ ka benye ala ani mɔɔsu-mii mɛni kama. Nsu mɔɔsu-mii nnii bidie ngba kalɛ amii ku bina bebi beele ngba gyɔlɔɔ.

Yosua 24:15

Nsu si Unwoti kama bɔsiaku buláda-mii kubiti ni, amii bidie ɔmwi limeyi lɛmɛni anwu ɔni geen na bɛɛyɔ́ ka bɛsiaku. Si baƒiɔ bani na bina bati kuuku bákpa na Euƒrate Ketu ɔvi ngye iye Amoriƒuɔ kalɔ kani bilie mɛni baƒiɔ na bɛɛyɔ́ ni, bidie. Nsu ami ku mina kaduli bekyuli abu ni, Unwoti lɛti na bɔdubɔsiaku.”

Yosua 24:22

Ɔmmɔ kama Yosua ɔ́sɔ ɔ́su-ma ɔnini, “Amii alati bɛdi kenye bediene bite lɛlɔ ka amii náƒuna ka bɛdubɔsiaku Unwoti.” Amu na Israelƒuɔ básu banini, “Ɛɛn, bɔdi kenye bediene bute ɔmɛni.”