Luka 10:29 - Katɔti Ɔku Kedee

²⁹ Nsu ka ɔda bubo ala ɔtinane ɔmɛni ɔɔwia ka ute lɛlɔ ubo ɔsu ni, ɔ́sɔ úye Yesu ɔnini, “Ɔma ndi mina ukyulikpana?”

Luka 10:29 ပူးပေါင်းရင်းမြစ်များ

Hiob 32:2

Nsu Barakel ubidi Elihu ɔni ndi Busini na ɔ́si Ram ɔtɔ kemmo mɛni úti kɔnyi ɔ́kya Hiob geen na ɔni na uni ɔnii ulaƒɔ enu ka ɔ́ƒiɔ, na Katɔti mmomu na ɔɔdú kɔtɔ ɔsu.

Lewiƒuɔ Ɔda Bubo 19:34

“ ‘Ɔƒɔ ɔni nkya-a kudɔ ni, nu-nwu aani ƒula lɛlɔ ukyuli kani na ayɔ-nwu aani ƒula lɛlɔ kalɛ, ɔsika amii lɛnɔ bɛ́bla baƒɔ na Egyipte kalɔ dii. Ami ndi Unwoti bina Katɔti.

Marko 8:34

Amu ka Yesu ɔ́lɔ bekyuli lisu lɛmmɔ ku nwuna batɛyane úboku nwuna kudɔ ni, ɔ́su-ma ɔnini, “Si ukyuli ɔdi ɔɔyɔ́ ka ɔsiaku-mi kama sɔsɔ ni, ɔlɛka udie nwuna lɛlɔ atu, na ubo abi na ɔsiaku-mi kama.

Luka 10:36

Amu na Yesu úye ɔda bubo ala ɔtinane ɔmmɔ ɔnini, “Na ƒula kasusu kenye ni, nkyuli ɛtɛ bamɛni akɔ ɔmani nátina lɛlɔ aani ukyulikpana na ukyuli ɔni néduo beyune enu kemmo mɛni lɛlɔ?”

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Romaƒuɔ 10:3

Ɔsika baaagyi ulu ɔni lɛlɔ na Katɔti ɔɔyɔ́ ka ukyuli ɔsia na ɔbla siin na nwuna anumi. Mmomu ama alati báwia ulu bamba béte lɛlɔ. Ɔmɛni ɔsu béteboku lɛlɔ kalɔ bétete Katɔti kalɛ na ɔtina-ma ulu ɔni lɛlɔ na basia na ɔbla-ma siin.

Romaƒuɔ 4:2

Si ɔkɛnku kabla lɛlɔ na Katɔti ɔ́nu ka Abraham use siin ni, na ubo kenyekɔ ka ɔkun lɛmɛnɛ. Nsu uuubo kenyekɔ kammɔ na Katɔti anumi, ɔsika ɔɔɔdi Abraham kabla na ɔ́nu.

Galatiƒuɔ 3:11

Sɔsɔ na ɔdi ka Katɔti uláklibi anwu ku ɔdi ntɛ ɔkɛnku ɔda bubo lɛlɔ. Ɔsika bénweni banii, “bani mɔɔsiaku-mi kama siin ni, badubulie ngba na bana bɔƒɔtaadi kemmo.”

Yakobo 2:24

Bɛnu bɛti ka asa na Katɔti ku ukyuli ntɛ bɔdubɔdia ni, ɔkɛnku kabla kani na ɔɔbla ɔsu. Na ɔɔɔdi kalɛ na ɔ́ƒɔ ɔ́di lɛti pɛ ɔsu.