Luka 10:28 - Katɔti Ɔku Kedee

²⁸ Amu na Yesu ɔ́su-nwu ɔnini, “Ásu na ɔ́tɛ. Bla lɛni na adubɔkɛ ngba ƒui.”

Luka 10:28 ပူးပေါင်းရင်းမြစ်များ

Nehemia 9:29

“Na ébo-ma ɔda ka benwini bebo na babataadi ƒula ɔda bubo lɛlɔ. Nsu bátakpete-ɔ, na béni ƒula ɔda bubo na bábla likpidi básiaku ƒula ɔda bubo bɔni na si nka ukyuli ɔ́di-nwu lɛlɔ ni, ɔdubulie ngba. Nsu na bana kɔdɔlɔ kemmo ni, kama mmomu bénwini bákya-a, na báyu atuɔkplu na béni ka bénu-ɔ litemi.

Agba 19:16

Si ádi Unwoti ɔda bubo lɛlɔ ni, adubɔkɛ ngba. Nsu si éni-mu ni, adubo bukpi.

Esekiel 20:11

Lɛ́tina-ma mina ɔda bubo kalɛ na bati kalɛ na belie ngba ulu lɛlɔ siin.

Esekiel 20:13

Nsu Israelƒuɔ báta bénye-mi lɛlɔ na ketele kalɔ kakwiidi kemmo mmɔ. Na béni banii baaadubo-mi litemi bunu na badi mina ɔda bubo ku ala ani mɔɔtina-ma mmɔ lɛlɔ. Na baabla Lɛnwunameyi lɛmmɔ kalɛ kalɛ aani limeyi keeke bamba biala kalɛ. “Mmɔ na lɛ́lɛ ugyii ka nka mɔɔyila Israelƒuɔ bammɔ ƒui udu na kalɔ kakwiidi kemmo mmɔ kɔnakunwi kani na ɔsa.

Esekiel 20:21

Nsu bana bebi lɛnɔ báta bénye-mi lɛlɔ. Na béni banii belenu mina ala bɔtina ku ɔda bubo lɛlɔ na badi-mu lɛlɔ. Na baabla mina Lɛnwunameyi kalɛ kalɛ aani limeyi keeke biala kalɛ. “Amu na ḿbeti kɔnyi geen na lɛ́su kpakplaa nnii ndubo-ma kɔtu bɔni na kalɔ kakwiidi kammɔ kemmo mmɔ.

Lewiƒuɔ Ɔda Bubo 18:5

Bɛsia mina bunyimi ƒui anu kaduɛ na bɛdi mina ɔda bubo lɛlɔ, ɔsika ukyuli biala ɔni mɔɔdi ɔda bubo bɔmmɔ lɛlɔ ni, ɔda bubo ulu ɔmmɔ ɔdubute-nwu ngba. Ami ndi Unwoti.

Mateo 19:17

Amu na Yesu údie kenye ɔnini, “Lɛla lɛni ndia na ɔlɛka babla lɛlɔ litemi na eeye-mi? Katɔti lɛti pɛ ndia. Na si aayɔ́ anii Katɔti ute-ɔ ngba bɔni nsɔ naaadubo bɔsa kudii ni, di nwuna ɔda bubo bɔmmɔ lɛlɔ.”

Marko 12:34

Ka Yesu únu lɛnunda ala ani kalɔ na ɔnana ɔmɛni údie ni, ɔ́su-nwu ɔnini, “Awɔ ni, kébu blii asa na eduo Katɔti lɛga bɔdi kemmo.” Ɔmɛni kama ni, ukyuli ɔdi ɔ́sɔ útese kayi ɔnii uuye Yesu lɛla lɛdi lɛnɔ.

Luka 7:43

Amu na Simon ɔnini, “Mɔɔbu nnii ukyuli ɔni na úti kayu kenengudi ɔ́kyiɛ.” Amu na Yesu ɔ́su-nwu ɔnini, “Ásu na ɔ́tɛ.”

Romaƒuɔ 10:4

Ɔsika Kristo ndi Mose ɔda bubo bɔmmɔ ƒui kawɔlɔkɔ. Na ukyuli biala ɔni maƒɔ Kristo madi ni, ɔ́bla siin na Katɔti anumi.

Romaƒuɔ 3:19

Ɔƒɛni ni, bɔgyi ka ala ani ƒui básu na Mose ɔda bubo ɔku kemmo adanku bekyuli bani nkya ɔda bubo bɔmɛni kalɔ. Na ɔyawine ɔdi ulakana kenye kadi budie na Katɔti litemi bɔtɛ kemmo. Ɔsika Katɔti ɔdubɔtɛku kayawi ƒui litemi.

Romaƒuɔ 7:10

Na ɔda bubo bɔni na nka bɔya na lɛkɛ ngba ni, amu néboku-mi kukpi mmomu.

Galatiƒuɔ 3:12

Nsu ɔda bubo bɔɔɔdanku bɔƒɔtaadi. Mmomu bénweni banii, “Ukyuli biala ɔni mɔɔdi ɔda bubo bɔmmɔ lɛlɔ ni, ɔda bubo ulu ɔmmɔ ɔdubute-nwu ngba.”

Lɛkpa Ulu 6:24

Ɔmɛni ɔsu na bula Unwoti Katɔti úbo-bu ɔda ka bɔdi nwuna ɔda bubo ƒui lɛlɔ na buti ɔbu bute-nwu lɛnɔ. Na si bɔɔbla ɔmɛni ni, uwi biala ɔdubo-bu lɛlɔ butaanu na bɔlɛ lili aani kalɛ bɔɔnu ɔƒɛni.