Luka 10:21 - Katɔti Ɔku Kedee

²¹ Uwi ɔmmɔ lɛlɔ ni, Katɔti Kɔyu ebiti áƒɔ Yesu lɛlɔ kemmo ƒui na ɔ́su ɔnini, “Ati, katɔ ku kalɔ Unwoti, mɔɔgyá-a enu ɔsika lɛla lɛni na éti ábɛla bakutine ku banundane ni, ani na éti átina bekyuli bani na baaagyi lɛku ku badɔlɔdi. Sɔsɔ na ɔdi, Ati, lɛni geen na aayɔ́ anii ɔlɛ.”

Luka 10:21 ပူးပေါင်းရင်းမြစ်များ

Kɔgya 24:1

Kalɔ ku kana ala ani nkya-nya kemmo ƒui ni, adi Unwoti adi. Na kalɔ lɛlɔ bekyuli ƒui badi anwu badi.

Kɔgya 25:14

Katɔti ɔɔdiku bekyuli bani mɔɔbu-nwu kɔkpana na uunyimene-ma bunyimi bɔni nkya anwu ku-ma ntɛ.

Kɔgya 8:2

Ábla banamu ku bebiwɔ anii beti bumwi bɔni náƒɔ kuye geen bete-ɔ. Elie kalɔ kpi ɔni na ƒula ukisine ɔdi ulakana-a bɔni bude kudii. Na bekyuli bani mɔɔta teenye-ɔ lɛlɔ ƒui aayila-ma udu.

Yesaia 29:14

Anwuɔsu nsɔ ndubo-ma buyu bɔtu ku liƒu ala ani ndubɔbla-ma kalɛ kadi. Ndubo banundane lɛnunda udu bɔyila. Na lídie lɛ́tina ka bakutine lɛnunda lɛɛɛdi lɛla lɛdi.”

Yesaia 35:8

Ulu unengudi ɔdubɔsia kalɔ kammɔ kemmo, na badubɔlɔ-nwu banii Ulu Kedee. Na bekyuli bani neeese sɛɛn baaadubo ulu ɔmmɔ lɛlɔ basia. Na badɔlɔdi ku belikplune balasia-nwu lɛlɔ.

Yesaia 53:11

Ɔdubɔnu lɛla lɛni ndubɔlɛ lɛsi kɔyu kemmo abi ani na úbo, na kaƒɔ kaba-nwu. Ka mina kabla ɔblane ɔni nse siin ɔgyi mina lɛyɔla ɔsu ni, ɔdubɔya na bekyuli pii ku Unwoti ntɛ bɔdia. Na anwu ɔlati ɔdubɔƒɔ-ma ekpidi uti.

Yesaia 62:5

Kalɛ na ebiti aada okloƒu ɔni néti adagyaa na lɛlɔ lɛɛyɔ́-nwu na ɔɔda-nwu ni, lɛni na ƒula bebi badubɔda-kalɔ kammɔ. Na kalɛ na uleku ɔgya ku ulekudi beelie ku ebiti ni, lɛni na ebiti adubɔda Unwoti na ƒula lɛlɔ.

Yesaia 66:1

Unwoti ɔnini, “Katɔ na líse mina lɛgaboku. Na kalɔ lɛlɔ mina lɛgba lɛnya. Na ɔtɔ ɔmani udu na bɛdubɔtu bite-mi? Na wɛ na ndubulie lɛnwuna?

Seƒania 3:17

Unwoti Katɔti unye-mii kudɔ uwi ndi uwi. Ubo ɔyikun ka udie-mii. Na kalɛ na ɔɔyɔ́-mii ɔsu ni, ɔdubɔya na bɛkɛ bɔnwuna. Na amii ɔsu ni, uudie nwuna lɛlɔyɔ keyi ku lɛnu bɔtu.”

Mateo 16:17

Amu na Yesu údie kenye ɔnini, “Lɛlɔ litaayɔ awɔ, Simon, Yona ubidi. Ɔsika ɔɔɔdi ɔyawine nédie litemi geen lɛmɛni ɔ́tina-a. Mmomu mina Ɔti ɔni nkya katɔ nédie ɔ́tina-a.

Mateo 21:16

Anwuɔsu béye Yesu banii, “Eenú lɛla lɛni na banamu bammɔ baasu mɛni?” Na Yesu údie kenye ɔnini, “Muunú. Na ngyi lɛnɔ ka bɛ́ka ɔmɛni na Bunweni Kedee Ɔku kemmo ka ni, “ ‘Ábla banamu ku bebiwɔ anii beti bumwi bɔni náƒɔ kuye geen bete-ɔ.’ ”

Mateo 3:7

Uwi ɔni na Yohane ɔ́nu Ƒarisiƒuɔ ku Sadukiƒuɔ pii ka badubo na ɔkpila-ma ntu ni, ɔ́su-ma ɔnii, “Amii bani mbo likyulikpi aani balakpi! Bitatɔlɔ lɛlɔ bɛnii si bákpila-mii ntu kani ni, ɔ́sa na bɛ́lɛ Katɔti kɔtu kɔni na ɔdubɔni bekyuli bekpidi kemmo.

Marko 10:15

Mɔɔsu-mii geen ka ukyuli ɔni naaadubo Katɔti lɛga bɔdi bɔƒɔ aani kalɛ na ɔnamu blii suɛ uuboku lɛlɔ kalɔ ni, uleduo Katɔti lɛga kadikɔ kudii.”

Luka 15:5

Na si ánu-ku ni, adubɔkɛ kubiti geen, na agyu-ku asia amangba.

Luka 15:9

Na si ɔ́nu-nwu ni, ɔdubɔlɔ nwuna bakpana ku liku bekyuli ɔsala, na ɔsu-ma ɔnii, ‘Ebiti aada-mi geen, ɔsika lɛ́nu mina sika ubi ɔni náyii ɔsu bɛkɛku-mi ebiti.’

Yohane 11:41

Amu na Bekyuli bammɔ béliiku lɛtabi lɛmmɔ bédie ubu ɔmmɔ kenye. Na Yesu ɔ́nu katɔ na ɔ́su ɔnini, “Ati, mɔɔgyá-a enu, ɔsika aatuna teete-mi si lɛ́kpali-ɔ.

Korintoƒuɔ 2 4:3

Na si litemi buni lɛni lɛsa na bɔɔkɔ́ mɛni lɛmu lise bekyuli badi suu ni, bɛgyi bɛnii bekyuli bani ndaku bɔyii na use ute lɛni.

Eƒesoƒuɔ 1:11

Katɔti ɔ́bla ala ƒui na nwuna kasusu ku bɔyɔ kenye na abu ku Kristo unwi bɔbla ɔsu. Na Katɔti ɔ́ƒuna-bu ka bɔbla nwuna bebi ɔkɛnku nwuna kasusu kani na ɔ́bla úse kalɔ kesekɔ ƒui lɛlɔ.

Eƒesoƒuɔ 1:5

Katɔti ɔ́lɛ ugyii úse na nwuna kaƒɔ ƒaa bɔyɔ kemmo ka ɔdubɔsia Yesu Kristo lɛlɔ na ɔbla-bu nwuna bebi.