Luka 10:2 - Katɔti Ɔku Kedee

² Na ɔ́su-ma ɔnini, “Edula pii éedu bɔƒɛ, nsu nkyuli ɛlɛɛ badi kani nnye kabla kamɛni lɛlɔ. Bɛkpali katɔ na bivele kemmo ɔlati na umene bekyuli bani maƒɛ-nya masala.

Luka 10:2 ပူးပေါင်းရင်းမြစ်များ

Baga 1 18:22

Amu na Elia ɔ́su-ma ɔnini, “Ami kani ndi Unwoti kenye udiene ɔni nébu. Nsu Baal ubo kenye bediene eti yaalenwi (450).

Kɔgya 68:11

Katɔti údie lɛdi, na beleku pii badi básu lɛla lɛni nálɛ mmɔ na bégyingya-ni, banini,

Yeremia 3:15

Na ndubɔƒuna batɔnkune bani náda anu na baabu-mii lite-mii na banu-mii lɛlɔ aani baƒonu badane babuni kalɛ.

Sakaria 11:17

“Bɔbuɛ ute awɔ baƒonu ɔdane keeke ɔni neeebo kɔsia na eedie baƒonu atu! Mɔɔwia ka nka kewii kekulo-ɔ kɔnu na ɔbla lɛnuku, na ƒula kɔdianu lɛnumi lɛnɔ lɛbwɛ.”

Sakaria 11:5

Bekyuli bani muuyé-ma taatádu bakɛ ƒaa ɔni na balani ɔdi kɔtu. Na bani lɛnɔ muuti-ma teeye mmɔ ama enu na baakɔliku katɔ taasu banini, ‘Bɔɔgyá Unwoti enu ka bɔ́kɛ egulabi.’ Na baƒonu bammɔ baládu bana badane muedi kaƒɔ.

Bumomo Bɔka 11:17

Na si bébenye mmɔ ni, ndubɔyu bubo-mii kudɔ na lɛtɛmiku-mii. Na mmɔ ni, ndubɔya na mina kɔyu kɔni nkya-a kemmo kɔdi kɔlɛ na liti ku lɛkya bana kemmo ɔdi. Na ama ndubo-ɔ kebunku buteete. Na betiku-ɔ bekyuli bammɔ etila. Kalɛ na asɔ eleti etila ammɔ awɔ lɛti.

Bumomo Bɔka 11:29

Amu na Mose údie-nwu kenye ɔnini, “Anumi eegyie-ɔ mina lɛlɔ yoo? Si nka ami lɛti ni, nka Unwoti bekyuli ƒui benwini nwuna kenye bediene na Unwoti ɔya na nwuna kɔyu kɔƒɔ-ma lɛlɔ kemmo!”

Mateo 20:1

“Katɔti lɛga bɔdi buse aani ɔmɛni kalɛ. Uwi ɔdi ni, ukyuli ɔdi ɔ́ta ɔtanta tutuutu ɔnii utáwia bekyuli badi na batuma nwuna kemmo bete-nwu na limeyi lɛyuƒɔla kenye.

Marko 13:34

Ɔdubuse aani ɔnana ɔni náta ɔ́lɛ ɔma ɔnii úsela ulu ɔdi, na ɔ́da nwuna kabla bablane ɔ́kya kaduli. Úte ɔdi biala nwuna kabla kani na ɔdubo bɔbla. Na nwuna kama ni, ɔ́su ukyuli ɔni nnye nwuna kayakun kenye ɔnii ɔgyumana kayakun kammɔ kaduɛ.

Marko 16:15

Ɔ́su-ma ɔnini, “Biteesie kayawi ƒui na bitákɔ Katɔti litemi buni lɛmɛni lɛsa na bekyuli ƒui akɔ.

Marko 16:20

Nwuna basiakune lɛnɔ bávi kayawi ƒui na básu litemi buni lɛmɛni. Na Blɔti ɔ́kɛnku-ma lɛlɔ na údie ɔ́tina ka nwuna litemi lɛdi litemi geen ɔ́si akɔla lidu lidu lɛni na bátaabla na nwuna ɔyikun kemmo ɔsu.

Luka 9:1

Ɔmmɔ kama ni, Yesu ɔ́lɔ nwuna batɛyane leevu-inyɔ bammɔ ɔ́sala na úte-ma kuƒi ku ɔyikun ɔni na beti bagya ayu ekpidi ƒui na babwi lɛlɛ lidu lɛnɔ.

Batalane Kabla 11:19

Na uwi ɔni na ala amɛni aalɛ́ ni, baƒɔtaadine bani nékeli na lɛbibo lɛni nébo-ma lɛlɔ na Steƒano bɔdu ɔsu ni, bésie bétédu Ƒoinike ku Kipro ku Antiokia lɛma kemmo. Na bakɛ baasu litemi buni lɛmmɔ, nsu ɔɔɔdi bekyuli ƒui, mmomu Yudaƒuɔ lɛti.

Batalane Kabla 13:2

Amu ka bakya beemwi Blɔti na beelie kɔka ni, Katɔti Kɔyu kútemiku-ma na kɔ́su kɔnini, “Bidie Barnaba ku Saulo bise bite kabla kani ɔsu na lɛ́lɔ-ma.”

Batalane Kabla 13:4

Na ka Katɔti Kɔyu kɔ́tina-ma ulu ni, bésie ɔma ɔni baalɔ Seleukia. Mmɔ na béti ɔkɔlɔ bávia bésie ntuntɛ kalɔ kani baalɔ Kipro.

Batalane Kabla 20:28

Ɔmɛni ɔsu ni, binye lɛlɔ kagyumana. Katɔti Kɔyu nábla-mii batɔnkune ɔnii bɛda nwuna bebi bani na Katɔti úti úte-mii bɔda kɔkɔɔkɔ. Bɛda-ma kaduɛ, ɔsika Katɔti úwi Ubidi ubugya kalɔ úti udie-ma lili.

Batalane Kabla 22:21

“Nsu Blɔti ɔ́su-mi ɔnini, ‘Ta, na eteesie ɔgyu kakaaka na kesii kani mɔɔtala-a na bekyuli bani naaadi Yudaƒuɔ akɔ!’ ”

Batalane Kabla 8:4

Nsu baƒɔtaadine bani nékeli bási Yerusalem mɛni ni, bakɛ baaví kesii biala taasu Blɔti litemi buni.

Korintoƒuɔ 1 12:28

Na baƒɔtaadine lɛkpa kemmo ni, Katɔti úti bula ƒui úse ekpo ani námanku-bu. Udeedi ni, batalane. Na unyɔdi ni, kenye bediene. Na ɔtɛdi ni, ala batinane, asa na bani mɔɔbla akɔla budie taatina. Na bani mbo ɔyikun ɔni na babwi lɛlɛ iye bebunku bekyuli iye banu kabla lɛlɔ iye batɛmi adi lidu lidu lɛnɔ basia-ma kama.

Korintoƒuɔ 1 15:10

Nsu ɔkɛnku Katɔti lɛƒɔndia ɔsu ni, ndi ukyuli ɔni ndi ɔƒɛni. Na nwuna kaƒɔbuni ala ani na úte-mi ni, ánwu ebi. Na lɛ́bla kabla kpakplaa lítulo batalane bakladi ɔni na bekyuli baaasia anu ina ka ɔɔɔdi ami ɔlati ɔyikun kemmo na ɔdi. Mmomu Katɔti ɔyikun nkɛ-mi lɛlɔ na lɛ́bla ɔmɛni.

Korintoƒuɔ 2 6:1

Ka bunye bɔɔblaku Katɔti kabla ɔsu ni, buuvele-mii bɔnii bitebile Katɔti kɔnyana bɔnu.

Ƒilipiƒuɔ 2:21

Nsu ukyuli bamba biala ni, anwu ɔlati bɔdia lɛlɔ na nwuna kasusu kasia na kaaakɛnku Yesu Kristo ulu lɛlɔ.

Ƒilipiƒuɔ 2:25

Nsu lɛ́nu ka ɔlɛka lɛtala Epaƒrodito na ubo-mii kudɔ. Ɔdi mina ɔnwani ɔni nényeku-mi aani ukpone na bɔ́bla Katɔti kabla. Na ɔdi bina ukyuli ɔni na bɛ́tala ka ubo ubanu-mi lɛlɔ.

Ƒilipiƒuɔ 2:30

Ɔsika úti nwuna ngba ɔ́kpa na úbu blii suɛ nka úkpi ɔ́si Kristo kabla ɔsu. Na úte-mi kebunku kani amii alati bítakana-mi bute.

Koloseƒuɔ 1:29

Ɔmɛni ɔsu na muukpóku lɛlɔ ɔkɛnku Kristo ɔyikun ɔni nkya-mi lɛlɔ kemmo ɔɔbla kabla kamɛni kenye.

Koloseƒuɔ 4:12

Epaƒra ɔni ndi Kristo kabla ɔblane na ɔdi bina lɛkpa lɛmmɔ baƒɔtaadine kemmo unwi lɛnɔ uugyele-mii o-o! Ɔnwa ɔmɛni úti ɔ́sia lɛlɔ kpakplaa na ɔɔkpali katɔ na bina lili kalɛ na binye kpakplaa na bɛlɛ lili bɛwɔlɔ na bina bɔƒɔtaadi kemmo na bɛdi Katɔti litemi biala lɛlɔ.

Tesalonikaƒuɔ 1 2:9

Banwa binyimo ka uwi ɔni na bɔ́kya-mii kudɔ na bɔ́su-mii litemi buni lɛmɛni ni, búni ewulu usien ku ɔƒɛ na bɔ́bla kabla na bútenwini etila bútasia-mii lɛlɔ.

Tesalonikaƒuɔ 1 5:12

Banwa, buuvele-mii bɔnii biti ɔbu geen bite bina batɔnkune bani mɔɔtina-mii Kristo ngba bulie ala lɛlɔ.

Tesalonikaƒuɔ 2 3:1

Asa na mawɔlɔ ni, banwa, binyimo na bitaakpali katɔ na bula lili kalɛ na Blɔti litemi lɛmɛni liteegyingya teesie kesi kesii ku ɔbu aani kalɛ na amii lɛnɔ bɛ́ƒɔ-ni.

Timoteo 1 4:10

Ɔmɛni ɔsu na bunye kabla lɛlɔ kpakplaa na buubó abi. Ɔsika bula anu asia ngba ƒui Katɔti ɔni ndi bekyuli ƒui Ɔƒɔne lɛlɔ. Na bani geen na ɔdubo bɔƒɔ ndi bani náƒɔ-nwu bádi.

Timoteo 2 4:5

Na awɔ ni, da lɛlɔ kaduɛ na ulu biala lɛlɔ, na ataakya ɔkplu na lɛbibo biala kemmo. Na abla kabla aani litemi buni lɛmɛni lɛsa ɔkɔne. Na abla ƒula baƒɔtaadine ɔtɔnkune kabla ƒui kaduɛ.

Ƒilemon 1:1

Ami Paulo ɔni ntɛ aban ɔtɔ ka mɔɔkɔ́ Kristo Yesu lɛsa ɔsu ku Ɔnwa Timoteo muunweni ɔku ɔmɛni. Na líti muumene awɔ Ƒilemon bula kabla kamɛni ɔblane ɔkpana ɔni na bɔɔyɔ́ geen.

Hebriƒuɔ 3:6

Nsu Kristo anwu ni, ɔ́bla ala ulu lɛlɔ aani ubi ɔni ntɔnku Katɔti kaduli. Na abu ndi nwuna ɔtɔ ɔmmɔ si búse kayi na búƒie lɛnunsia lɛni kudu na buubó bɔ́da kpakplaa.

Budie Taatina 2:1

Amu na ɔ́su ami Yohane ɔnini, “Nweni ɔku te Eƒeso baƒɔtaadine lɛkpa ɔtu anii, “Ami Yesu nda ayabi maatɛ na mina kɔdianu na muusié teebo na sika ugyiedi ligyii maatɛ lɛni lɛlɔ na asogya ɔɔsia mmɔ ntɛ. Na ami mɔɔsu kenye kamɛni.