Luka 10:17 - Katɔti Ɔku Kedee

¹⁷ Nkyuli liti ku aavlanyɔ-inyɔ bammɔ básɔ bénwini bébo ku ebiti. Na bábasu-nwu banii, “Blɔti, ayu ekpidi muedi énu-bu litemi ɔni bɔ́bɔku-ma na ƒula lɛnyi kemmo.”

Luka 10:17 ပူးပေါင်းရင်းမြစ်များ

Mateo 4:24

Nwuna lɛlɔ litemi lígyingya na Siria kalɔ lɛlɔ ƒui. Anwuɔsu bekyuli bákpanku balɛne bani na lɛlɛ lidu lidu liikpóku-ma béboku. Na badi ni, ayu ekpidi elie-ma lɛlɔ eekpóku-ma. Na badi beeƒi kalɛ teebo. Badi lɛnɔ lɛlɔ kakɛ kékpi-ma. Na Yesu ɔ́bwi-ma ƒui.

Marko 16:17

Na Katɔti ɔdubute baƒɔtaadine ɔyikun na babla akɔla lidu lidu. Badubɔgya ayu ekpidi na mina lɛnyi kemmo. Badubutemi adi lidu lidu.

Luka 10:1

Ɔmɛni kama ni, Blɔti ɔ́ƒuna banana liti ku aavlanyɔ-inyɔ babambadi na ɔ́tala-ma inyɔ inyɔ ɔnii besie lɛma ku akpaklɔ ani kemmo na nka ɔlɛka usie.

Luka 10:20

Nsu ni, lɛlɔ litayɔ-mii ka ayu ekpidi eenú-mii litemi ɔsu. Mmomu ebiti ada-mii ka Katɔti únweni-mii anyi ɔ́kya Katɔ Ɔga Ɔma.”

Luka 10:9

Bɛbwi balɛne na ɔma ɔmmɔ kemmo. Na bɛsu ɔma ɔmmɔ bekyuli bɛnii, ‘Uwi ɔni na Katɔti ɔdi lɛga na bina kɔyi kemmo ɔ́ɔkpɛ úde.’

Luka 9:1

Ɔmmɔ kama ni, Yesu ɔ́lɔ nwuna batɛyane leevu-inyɔ bammɔ ɔ́sala na úte-ma kuƒi ku ɔyikun ɔni na beti bagya ayu ekpidi ƒui na babwi lɛlɛ lidu lɛnɔ.

Romaƒuɔ 16:20

Katɔti ɔni muute keyi buɛɛ ɔdubususu ukisine ɔmmɔ kpɛtɛ kpɛtɛ na ɔya na bɛdi-nwu lɛlɔ na uwi klukui kemmo. Blɔti Yesu Kristo lɛƒɔndia lɛsiaku-mii.

Eƒesoƒuɔ 5:24

Kalɛ na baƒɔtaadine beeboku lɛlɔ kalɔ teete Kristo ni, lɛni kani na ɔlɛka beleku lɛnɔ beteeboku lɛlɔ kalɔ teete bana bagya na lɛla biala kemmo.