Luka 10:11 - Katɔti Ɔku Kedee

¹¹ ‘Bina ɔma ɔtumu ɔni mma-bu lɛgba kalɔ muedi ni, búveli búwi-mii. Nsu binyimo ka uwi ɔni na Katɔti ɔdi lɛga na bina kɔyi kemmo ɔ́ɔkpɛ úde-mii!’

Luka 10:11 ပူးပေါင်းရင်းမြစ်များ

Esekiel 2:5

Na si batuɔkplune bammɔ bénu iye bétenu ni, badubɔnu bati ka kenye udiene ɔdi úbo úbatɛmi úte-ma.

Mateo 10:14

Na si ama iye ɔma ɔmmɔ bekyuli bátaƒɔ-mii iye béni bina litemi ni, bɛtɔlɔ na biveli bina lɛgba kalɔ ɔtumu biwi-ma.

Mateo 10:7

Bisie na bitákɔ lɛsa bɛnii, ‘Uwi ɔni na Katɔti ɔdi lɛga na bula kɔyi kemmo úude.’

Mateo 3:2

ɔnini, “Binwini kama bɛkya bina ekpidi, ɔsika uwi ɔni na Katɔti ɔdi lɛga na bula kɔyi kemmo úude.”

Marko 6:11

Si bídu ɔma ɔdi na bekyuli bammɔ bátaƒɔ-mii iye banii belenu bina litemi ni, bɛtɔlɔ na biveli bina lɛgba kalɔ ɔtumu bíwi-ma. Ɔmɛni ɔdubɔtina ka ɔma ɔmmɔ bekyuli béni-mii. Anwuɔsu lɛla lɛdi biala mebo ni, bana litemi lɛdi.”

Luka 10:10

Nsu si bísie ɔma ɔdi kemmo na bátaƒɔ-mii ni, bɛlɛ bisie kuyeya na bɛsu bɛnii,

Luka 10:9

Bɛbwi balɛne na ɔma ɔmmɔ kemmo. Na bɛsu ɔma ɔmmɔ bekyuli bɛnii, ‘Uwi ɔni na Katɔti ɔdi lɛga na bina kɔyi kemmo ɔ́ɔkpɛ úde.’

Luka 9:5

Na kesii kani na bátaƒɔ-mii ni, bɛtɔlɔ ɔma ɔmmɔ kemmo na biveli bina lɛgba kalɔ ɔtumu muedi biwi ɔma ɔmmɔ kemmo aani Katɔti kɔtu bɔni kati bute.”

Batalane Kabla 13:26

“Banwa, amii bani ndi Abraham bebi ku amii bani naaadi Yudaƒuɔ nsu bɛɛbu Katɔti ni, bɔƒɔ bɔmɛni búse búte bula ƒui!

Batalane Kabla 13:40

Anwuɔsu bɛnu kaduɛ! Bitaya na Katɔti kenye bediene etemila ani básu alɛku-mii.

Batalane Kabla 13:46

Amu na Paulo ku Barnaba bése kayi na básu-ma banini, “Ɔlɛka bɔsu Katɔti litemi buni lɛmɛni buti bute Yudaƒuɔ kudeedi. Na ka bíni litemi lɛmɛni na bɛ́su bɛnii bilayɔ ngba bɔƒɔ bɔmɛni ɔsu ni, búti-ni búselaku bani naaadi Yudaƒuɔ.

Batalane Kabla 13:51

Nsu uwi ɔni na baalɛ́ ɔma ɔmɛni kemmo ni, béveli bana lɛgba kalɔ ɔtumu béwi ɔma ɔmmɔ béti bátina ka ɔma ɔmmɔ bekyuli béni-ma. Ɔmɛni kama ni, bátɔlɔ bésie Ikonion.

Romaƒuɔ 10:21

Nsu na Yudaƒuɔ lɛlɔ ni, Katɔti ɔ́su ɔnini, “Lígyingya enu líse limeyi limodi ka lɛƒɔ-ma. Nsu bátakpete-mi, ɔsika badi bekyuli bani naaabu lɛla lɛdi na báta bénye-mi lɛlɔ.”

Romaƒuɔ 10:8

Mmomu lɛla lɛni na ɔɔtina ndi ka, “Katɔti litemi lɛmmɔ lɛ́ɛni líde-ɔ, na lɛkya-a kenye ku ƒula kayi kemmo.” Na ani ndi bɔƒɔtaadi litemi lɛni lɛsa na bɔɔkɔ́.

Hebriƒuɔ 1:3

Ubi ɔmmɔ ndi Katɔti bukeye bɔni mɔɔsí Katɔti ɔni nse kede kede lɛlɔ. Na ɔdi Katɔti ukyuli udu ɔmmɔ geen. Na ɔkɛnku nwuna litemi lɛni mbo ɔyikun lɛlɔ ɔsu na lɛla biala linye nina kenyekɔ na kayawi. Na uwi ɔni na úti lɛlɔ ɔ́kpa kalɛ na Katɔti uti bayawine ekpidi ɔkyiɛ-ma ni, úsie útélie keliekɔ kenengudi ƒui na Katɔti kɔdianu kakɛ.