Luka 1:8 - Katɔti Ɔku Kedee

⁸ Limeyi lɛdi ni, Sakaria ɔkya Yudaƒuɔ kakpakɔ ɔɔbla nwuna ɔkpane kabla ɔsika nwuna lɛlɔ na údu.

Luka 1:8 ပူးပေါင်းရင်းမြစ်များ

Ala Alɛdi 1 24:19

Bekyuli bamɛni na béte kabla bɔbla na kakpakɔ kammɔ kemmo aani kalɛ na Unwoti Israel Katɔti úbo ɔda úte bana nana ati Aaron.

Ala Alɛdi 1 24:2

Nsu Nadab ku Abihu báka bana ɔti bukpi kukuuku ƒui asa na anwu úbekpi ɔni na bátawɔ. Anwuɔsu na Eleasa ku Itamar nábla kabla aani bakpane.

Ala Alɛdi 2 11:14

Ɔƒɛni ka Yeroboam ku baga bamba bani násia-nwu kama bétenu kalɔ ka Lewini ɔdi ɔbla ɔkpane kabla na Israel kalɔ lɛlɔ ɔsu ni, Lewiƒuɔ pii bátɔlɔ na báda bana lɛma ku bebuo kɔdikɔ kɔlɔ kammɔ ƒui béwi na bátɔlɔ bésie Yerusalem ku Yuda lɛma bamba lɛnɔ kemmo.

Ala Alɛdi 2 31:19

Hesekia ɔ́ƒuna bekyuli badi úse kalɛ na beti bakpane kadikɔ kamɛni besienku bakpane ku Lewiƒuɔ bani na bakya akpaklɔ na bebuo kadikɔ na Yuda lɛma ku amadɔ mmɔ ƒui. Nsu ɔlɛka bakpane bammɔ babla Aaron kaba kemmo bebi na Lewiƒuɔ bammɔ lɛnɔ ɔlɛka bana anyi akya Lewiƒuɔ lɛku lɛni na lɛtɛ lise kemmo.

Ala Alɛdi 2 31:2

Hesekia úle bakpane ku Lewiƒuɔ bammɔ ɔ́kya kasala esu esu kemmo ɔkɛnku bana kabla kenye. Na úti akpala bɔkyula ku unwi bɔbla akpala kabla ɔ́kya-ma enu kemmo. Na úte babambadi ka beteete kebunku na bataabla bekyuli kabla na kakpakɔ mmɔ. Na badi lɛnɔ beteedie bumwi lɛnu na kakpakɔ lɛban kenye.

Ala Alɛdi 2 8:14

Amu na Salomo úti kabla ɔ́kya bakpane ku Lewiƒuɔ na kakpakɔ kammɔ kemmo. Na ɔ́bla ɔmɛni ƒui ɔ́siaku lɛla lɛni na ɔti Dawid ɔ́su-nwu lɛlɔ. Na Lewiƒuɔ bammɔ badi ɔlɛka batɔnku bekyuli na lɛnu budie kemmo na bebunku bakpane na bana kabla bɔbla kemmo na bakladi bataagyumana kakpakɔ kammɔ lɛban kɔyakun ƒui

Esra 6:18

Na báya na bakpane bammɔ ku Lewiƒuɔ bammɔ bénye bana kunyekɔ na bana esu esu kenye na Yerusalem ka babla kabla bete Katɔti aani kalɛ na bénweni bákya Mose Ɔku kemmo.

Israelƒuɔ Bɔlɛ 28:1

Amu na Unwoti ɔ́su Mose ɔnini, “Ƒ'ɔnwani Aaron ku nwuna bebi bani ndi Nadab ku Abihu ku Eleasar ku Itamar ni, lɔ-ma lɛku Israelƒuɔ bammɔ akɔ na bebo-ɔ kudɔ. Ɔsika ama ndi bekyuli bani na lɛ́ƒuna lɛ́lɛku Israelƒuɔ akɔ ka babla mina bakpane.

Israelƒuɔ Bɔlɛ 28:41

Na adubuti lɛwu lɛmmɔ akya ƒ'ɔnwani Aaron ku nwuna bebi na ewi-ma lili nnɔmii ese-ma likpo na edie-ma ese sɛsɛɛ na babla-mi kabla aani mina bakpane.

Israelƒuɔ Bɔlɛ 29:1

“Asa na adubuse Aaron ku nwuna bebi badi bakpane ni, ala amɛni na ɔlɛka abla. Ƒuna ɔmantɛ akɔ ɔgyani ku baƒonu bagyani inyɔ bani na bɔsɔ bɔdi buuubo-ma lɛlɔ.

Israelƒuɔ Bɔlɛ 29:44

“Na ndubo kevo kammɔ ku lɛkpabi lɛmmɔ budie buse sɛsɛɛ bute ami Unwoti na lidie Aaron ku nwuna bebi bananabi lɛnɔ lise sɛsɛɛ na benwini bakpane bataabla-mi kabla.

Israelƒuɔ Bɔlɛ 29:9

Na eti atɛntɛ aduni ammɔ ada-ma eli. Na eti bana aduni ada-ma kavobi. Na ese-ma aani mina bakpane kalɛ. Ɔsika ama ku bana bawɔ ndubo mina bakpane bɔbla úsela uwi ƒui.

Israelƒuɔ Bɔlɛ 30:30

Amu na Unwoti ɔ́su-nwu ɔnini, “Uwi ɔni na eesé Aaron ku bebi mina bakpane ni, na ewi-ma nnɔmii bɔmmɔ bɔdi lili.

Bumomo Bɔka 18:7

Nsu awɔ ku ƒula bebi bananabi kani na ɔlɛka bitaabla bakpane kabla biala na lɛkpabi lɛmmɔ lɛlɔ ku kakpakɔ bule kɔdi kɔmmɔ kama mmɔ. Na líti ɔkpane kabla kamɛni muute-mii aani etela kalɛ. Na ɔmmɔ kama ukyuli biala mani mede kakpakɔ kammɔ kudɔ ɔlɛka badu-nwu.”

Luka 1:5

Uwi ɔni na Herode ɔɔdi lɛga na Yudea kalɔ lɛlɔ ni, Katɔti ɔkpane ɔdi ɔkya ɔni baalɔ Sakaria. Ɔ́si ɔkpane bɔdi ulu ɔni nkɛ ɔkpane ɔni baalɔ Abia ulu lɛlɔ. Sakaria ɔmɛni ulekudi baalɔ Elisabet na anwu lɛnɔ ɔ́si Katɔti ɔkpane ɔni baalɔ Aaron kaba kemmo.

Luka 1:7

Bekyuli bamɛni beeebo bebi badi, ɔsika Elisabet ɔdi udinkɔ. Na bana inyɔ lɛnɔ báabi lɛlɔ.