Luka 1:76 - Katɔti Ɔku Kedee

⁷⁶ Na awɔ, mina ubi ni, badubɔlɔ-ɔ banii Katɔti Ɔni Ntulo Ƒui Kenye Udiene. Awɔ ndubo bɔgyu bɔtɔ na Blɔti lɛtɔtɔ kalɛ na aklibi ulu ese ete nwuna bubo.

Luka 1:76 ပူးပေါင်းရင်းမြစ်များ

Kɔgya 87:5

Unwoti Ɔyikune Ƒui ɔdubɔkya ɔma ɔmmɔ bekyuli ɔyikun. Na ɔdi biala ɔdubɔsu ɔnii, “Mɛni na báwɔ abu lɛnɔ.”

Malakai 3:1

“Ami, Unwoti Ɔyikune Ƒui, ndubɔtala ɔtu ɔdi na ɔklibi ulu use ute-mi. Na kɔnakunwi Unwoti ɔni ulu na binye bɛɛnu ni, ɔdubɔda ɔlɛ na nwuna kakpakɔ kemmo. Ɔtu ɔni na bɛɛwia mmɔ ɔ́si ɔdubo ku mina linyese. Na ɔkɛ ulu ɔdubo ɔƒaani.”

Malakai 4:5

“Ami, Unwoti, líse kenye ka ndubɔya na Kenye Udiene Elia ɔsɔ ubo asa na ɔgbankpi limeyi lɛmmɔ libedu.

Mateo 14:5

Anwuɔsu Herode ɔ́yɔ ka badu Yohane. Nsu ɔ́yia bekyuli pii bani ƒui nénu-nwu ala bɔtina, ɔsika bana ƒui baabu Yohane aani Katɔti kenye udiene.

Mateo 21:26

Nsu si bɔ́su bɔnii ukyuli kudɔ na ɔ́kɛ-ka ɔ́siku ni, bɔɔyia ka bekyuli badubɔbla-bu lɛla lɛdi, ɔsika bana ƒui báƒɔ bádi banii Katɔti kenye udiene na ɔdi.”

Mateo 3:11

“Ami mɔɔkpila-mii ntu taatina ka bínwini kayi na bɛ́da ekpidi bɔbla bɛ́ya. Nsu ukyuli ɔni nkpɛ-mi kama ɔdubo ni, anwu ndubuti Katɔti Kɔyu ku ogya ɔkpila-mii. Ukyuli ɔmmɔ utulo-mi, na ńtamanku ka lɛbla kabla lite-nwu muedi.

Mateo 3:3

Yohane ɔmɛni ndi ukyuli ɔni lɛlɔ na Katɔti Kenye Udiene Yesaia ɔ́su úse ɔnini, “Ukyuli ɔdi ɔɔva na ketele kemmo ɔnii, ‘Binye kagyumana bite Blɔti. Bɛklibi bina lɛlɔ bise kaduɛ bite nwuna bubo.’ ”

Marko 11:32

Nsu si bɔ́su-nwu bɔnii ukyuli ɔyawine nátala-nwu ni, ɔmɛni lɛnɔ ɔɔɔdia!” Baayia ka basu lɛni lɛnɔ, ɔsika bekyuli bani nnye mmɔ ɔdi biala ɔ́ƒɔ ɔ́di ka Yohane ɔdi Katɔti kenye udiene.

Luka 1:32

Ɔdubo lɛnyi bɔƒɔ geen na badubɔlɔ-nwu banii Katɔti ɔni ndi Ɔyikune Ƒui ɔlati Ubidi. Na Unwoti Katɔti ɔdubɔya na ubi ɔmmɔ ɔdi lɛga aani nwuna Nana Dawid kalɛ.

Luka 1:35

Mmɔ na ɔtu ɔmmɔ údie kenye ɔnini, “Ɔyikune Ƒui ɔmmɔ Kɔyu kɔdubo-ɔ lɛlɔ na nwuna ɔyikun ɔƒɔ-ɔ lɛlɔ kemmo. Anwuɔsu ubi kedee ɔni na adubo bɔwɔ ni, badubɔlɔ-nwu banii Katɔti Ubidi.

Luka 6:35

Mmomu ni, bɛyɔ bina bekisine na bɛbla-ma lɛbuni. Bivo ala bite-ma, na bina anu atasia ka badubɔsɔku bete-mii kokooko. Si bɛ́bla lɛni ni, bɛdubɔkɛ lɛyuƒɔla bonwu. Na badubɔlɔ-mii banii Katɔti Ɔni Ntulo Ƒui bebi. Ɔsika Katɔti ubo kaƒɔ buni ute bani na ala alaƒɔ-ma anu ku belikplune lɛnɔ muedi.

Yohane 1:23

Údie kenye ɔ́su-ma aani kalɛ na Kenye Udiene Yesaia únweni úse ɔnini, “Ami ndi ukyuli ɔni mɔɔva na ketele kemmo nnii bɛklibi ulu bise bite Blɔti bubo.”

Yohane 1:27

Anwu ndi ukyuli ɔni nkpɛ-mi kama ɔdubo, na ami ńtedu ka lɛbla kabla kadi lite-nwu muedi.”

Yohane 3:28

Amii alati bɛdubudie-mi kenye ka lɛ́su-mii nwaa nnii ɔɔɔdi ami ndi Ukyuli Ɔƒunadi ɔmmɔ. Nsu Katɔti ɔ́tala-mi ka lɛgyu lɛtɔ-nwu.

Batalane Kabla 16:17

Amu na ugblebi ɔmɛni ɔ́siaku abu ku Paulo kama na ɔɔva taasu ɔnini, “Bekyuli bamɛni badi Katɔti kabla bablane, na bébo mɛni bani babatina-mii ngba bɔƒɔ ulu!”