Luka 1:72 - Katɔti Ɔku Kedee

⁷² Ɔ́su ka ɔdubɔnu bula bati kuuku kɔnyana na wenyimo bunyimi kedee bɔni nkya ama ku-nwu ntɛ.

Luka 1:72 ပူးပေါင်းရင်းမြစ်များ

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Ala Kalɔ Buse 22:18

Na ɔkɛ ƒula kaba kemmo ni, ndubute kayawi ƒui bekyuli kusɛ kusɛ. Ɔsika énu-mi litemi na ádi-ni lɛlɔ.”

Ala Kalɔ Buse 26:4

Na ƒula bawɔ ni, ndubɔya na bemomo aani ayabi ani na aanu na kayaa. Na ɔkɛ ƒula kaba kemmo na ndubute kayawi ƒui bekyuli kusɛ kusɛ.

Ala Kalɔ Buse 28:14

Na ƒula kaba kemmo bebi bamɛni badubo bumomo aani kɔnwinimi. Na bɛdubo bugyingya busie ɔƒɛ katukɔ ku kanukɔ. Na bisie katɔ ku kada kakɛ lɛnɔ. Na ɔkɛnku awɔ ku ƒula kaba kemmo bebi lɛlɔ na ndubute kayawi kadi bekyuli ƒui kusɛ kusɛ.

Ala Alɛdi 1 16:16

Bunyimi bɔmmɔ na únyimiku Abraham na úse kenye ɔnii bɔdubɔkya anwu ku Isak lɛnɔ ntɛ.

Kɔgya 105:42

Ɔsika únyimo linyese kedee lɛni na úse úte Abraham ɔni ndi nwuna kabla ɔblane.

Kɔgya 106:45

Ɔ́si nwuna lɛƒɔndia ɔsu ni, na kaƒɔ kasɔ kaakywí-nwu. Na únyimo bunyimi bɔni na únyimiku-ma.

Kɔgya 111:5

Bekyuli bani mɔɔkpali-nwu na baabu-nwu ni, uute-ma bana lɛdila uwi biala. Na ulayiƒala nwuna bunyimi bɔni na únyimi.

Kɔgya 98:3

Ɔ́sia nwuna litemi kama siin úte Israel kadi bekyuli na ɔɔyɔ́-ma uwi ndi uwi. Na kayawi bekyuli ƒui bánu na kesi kesii kalɛ ubo ɔyikun na ɔɔƒɔ́ bekyuli.

Esekiel 16:60

Nsu mina anumi asia lɛla lɛni na línyimiku-ɔ uwi ɔni na átabi tɔ lɛlɔ mmɔ. Anwuɔsu ndubo-ɔ kenye kadi buse kani ndubuse kete uwi ƒui.

Esekiel 16:8

“ ‘Na uwi ɔni na lɛsɔ lɛnu-ɔ na ɔmmɔ kama ni, na éedu kalɛ na ati ɔnana. Ɔmmɔ ɔsu líti mina awu gyɔlɔɔ ɔmmɔ kakɛ kadi líbi-ɔ lɛlɔ na lɛ́bɛla-a kasɔngya líti lɛ́tina-a ka ndubo-ɔ bɔgyumana. Na líse-ɔ kenye kpakplaa na búnyimi ka enwini Unwoti Katɔti ami ɔdi na ntaanu-ɔ lɛlɔ.

Lewiƒuɔ Ɔda Bubo 26:42

ndubunyimo lɛla lɛni na línyimi líse ɔ́siaku Yakob ku Isak ku Abraham lɛlɔ, na linyimo kalɔ kammɔ lɛnɔ.

Mika 7:20

Adubo ƒula litemi kama bɔsia siin na alálɛ bula Nana Yakob ku Abraham kama kudii aani kalɛ na ése bula bati kuuku kenye ése uwi ɔni návi kukuuku kemmo.

Romaƒuɔ 11:28

Yudaƒuɔ badi Katɔti bekisine, ɔsika bátaƒɔ litemi buni lɛmmɔ bátadi. Ɔmɛni ɔsu ni, amii bani naaadi Yudaƒuɔ bɛ́kɛ kenyekɔ. Nsu ka Katɔti ɔ́ƒuna-ma ɔsu ni, ɔɔyɔ́-ma na bana bati kuuku ɔsu.

Romaƒuɔ 9:4

Ɔsika badi bekyuli bani na Katɔti ɔ́ƒuna. Na úti-ma ɔ́bla nwuna bebi. Na údie nwuna lɛga bɔdi bukeye ɔ́tina-ma. Na ɔ́tina-ma lɛla lɛni na únyimi. Na úti nwuna ɔda bubo úte-ma. Ama na Katɔti ɔ́tina kalɛ na ɔdi ka bakpa-nwu. Na ama na úse kenye.