Luka 1:70 - Katɔti Ɔku Kedee

⁷⁰ Úse kenye kamɛni úse kukuuku ɔkɛ nwuna kenye bediene kedee lɛlɔ ka ni,

Luka 1:70 ပူးပေါင်းရင်းမြစ်များ

Ala Kalɔ Buse 12:3

Bekyuli bani mete-ɔ kusɛ kusɛ ni, ami lɛnɔ ndubute-ma kusɛ kusɛ. Na ukyuli biala ɔni mewida-a ni, ami lɛnɔ ndubo-nwu buwida. Ndubute kalɔ lɛlɔ bekyuli ƒui kusɛ kusɛ ɔkɛnku awɔ lɛlɔ.”

Ala Kalɔ Buse 3:15

Na ndubɔya na awɔ ku uleku ɔmɛni binwini bekisine, na ƒula ubi ku uleku ɔmɛni ubi lɛnɔ benwini bekisine. Ɔdubo-ɔ lili bubo bɔbwɛ, na awɔ adu-nwu lɛnikpo.”

Ala Kalɔ Buse 49:10

Na ɔgagyii ulávi ulálɛ ƒula kaduli kudii. Na lɛlɔ ɔdine ugyii ɔdadi ulávi ulálɛ-ɔ lɛgba akɔ wetédu ka ugyii ɔmmɔ úbedu lɛlɔ ɔdine geen ɔmmɔ. Na kadi bekyuli ƒui badubɔdi ƒula litemi lɛlɔ.

Samuel 2 23:2

“Unwoti Kɔyu kɔ́tɛmi kɔ́siaku-mi lɛlɔ na kuna etemila asia-mi unyemi lɛlɔ.

Yeremia 23:5

Na limeyi lɛdi ni, ndubɔƒuna ɔga ɔni mɔɔsu litemi geen lɛsiku Dawid kaduli. Na ɔdubɔbla ɔga ɔni náda anu na ɔdubɔdi bekyuli lɛlɔ na ɔtɛ litemi na ulu siin ɔmmɔ lɛlɔ.

Yeremia 30:10

“Amii, mina bekyuli bani nkya katɔ ku kada ƒui, bɛsɔ bitayia. Ami ɔdi na bɛdi bɛ́manku ka lɛni-mii kɔtu, anwuɔsu na lígyingya-mii lɛ́kya kadi bamba bekyuli akɔ na ɔlɔgyu kakaaka. Nsu nsiaku-mii na ndubɔyila kadi bamba bakyuli bammɔ udu.

Marko 12:36

Dawid ɔmmɔ ɔlati nkɛnku Katɔti Kɔyu lɛlɔ na únweni úse ɔnini, “ ‘Katɔti ɔ́su mina Ɔti ɔnini, “Sɔ lie-mi kɔdianu kakɛ wetédu uwi ɔni na maya na akɔliku ƒula lɛgba anya ƒula bekisine lɛlɔ.” ’

Luka 24:44

Amu na ɔ́su-ma ɔnini, “Ala amɛni lɛlɔ kɔtɛ geen na lɛ́tɛmiku-mii ɔni na lɛ́kya-mii kudɔ. Ala ani ƒui na bénweni na Mose ɔda bubo ɔku kemmo ku Katɔti kenye bediene ala ani bénweni ku kɔgya ɔku kemmo ni, ɔlɛka ebo-nwu kemmo lɛni.”

Batalane Kabla 28:25

Amu na etemila amɛni ébenwini unyeƒi na bana akɔ. Na bégyingya uwi ɔni na Paulo ɔ́su-ma litemi likplodi lɛmɛni ɔnini, “Ɔdi litemi geen ka Katɔti Kɔyu kɔ́sia Yesaia lɛlɔ na ɔ́su bula bati kuuku ɔnini,

Romaƒuɔ 1:2

Na Katɔti litemi buni lɛni na ɔ́su nwuna kenye bediene úse ka ɔdubudie keyi ni, bénweni-ni bákya Bunweni Kedee Ɔku kemmo.

Hebriƒuɔ 3:7

Anwuɔsu na Katɔti Kɔyu kɔ́su kɔnini, “Si bínu Katɔti lɛdi ɔmwi ni,

Petro 1 1:12

Katɔti údie ɔ́tina kenye bediene bammɔ ka etemila ani na baasu mɛni aaadi bana uwi lɛlɔ litemi, mmomu ɔdi bina ɔdi. Na ala ani na básu mmɔ ni, abu ndi nwuna batalane na bɔdanku litemi buni lɛmmɔ bɔɔkɔ́ lɛsa teete-mii nwaa. Na bɔɔsu ala amɛni ɔkɛnku Katɔti Kɔyu kɔni na ɔ́tala ɔ́kya-bu ɔyikun kemmo. Na anumi eegyie ayu muedi ka nka beduo ala amɛni kemmo bati.

Petro 2 1:21

Ɔsika kenye bediene bátasia lɛla lɛni na ukyuli ɔɔyɔ́ kenye bátasu lɛla lɛdi bétese. Mmomu Katɔti Kɔyu náƒɔ-ma lɛlɔ kemmo ƒui na kɔ́ya na básu kenye kani nási Katɔti ɔlati kudɔ bése.

Petro 2 3:2

Mɔɔyɔ́ ka binyimo ala ani na Katɔti kenye bediene kedee básu dii ku ala ani na batalane bátina na Blɔti Yesu Kristo lɛlɔ.

Budie Taatina 19:10

Mmɔ ni, lɛ́yu líbi kalɔ na nwuna lɛgba akɔ na límwi-nwu aani Katɔti kalɛ. Nsu ɔ́su-mi ɔnini, “Tabla lɛni! Ami lɛnɔ kabla ɔblane ɔkpana na ndi aani ƒula kalɛ ku ƒula banwa bakladi bani nsiaku Blɔti Yesu ala bɔtina kama. Katɔti kani na ɔlɛka emwi lɛni. Ɔsika ala ani na Yesu ɔ́tina ni, ana kenye budie ndi Kɔyu ɔyikun ɔni nákya Katɔti kenye bediene lɛlɔ kemmo.”