Luka 1:7 - Katɔti Ɔku Kedee

⁷ Bekyuli bamɛni beeebo bebi badi, ɔsika Elisabet ɔdi udinkɔ. Na bana inyɔ lɛnɔ báabi lɛlɔ.

Luka 1:7 ပူးပေါင်းရင်းမြစ်များ

Ala Kalɔ Buse 17:17

Mmɔ ni, Abraham ɔ́yu úbi kalɔ na úye lɛlɔ ɔnii, “Ami ɔnana ɔni náaƒɔ akwa eti anyɔ mɛni ku ukyuli ɔdi bɔdubɔkana ubi ɔdi bɔwɔ? Na Sara lɛnɔ ɔ́ɔƒɔ akwa liti ku aavlene. Ɔdubɔkana kaƒɔ bɔda?” Litemi lɛmɛni lɛ́da-nwu lɛma, na ɔ́ma.

Ala Kalɔ Buse 18:11

Ɔƒɛni Abraham ku ulekudi Sara ƒui ni, bana akwa éesie lɛtɔtɔ geen ɔsu báabi. Na Sara lɛnɔ ɔ́ɔvi uwi ɔni na nka ɔkana kaƒɔ bɔda.

Ala Kalɔ Buse 25:21

Na Rebeka ɔmɛni ni, ɔdi udinkɔ. Anwuɔsu ni, Isak ɔ́kpali Katɔti na nwuna lili na nwuna tawɔ tawɔ ɔsu. Na Unwoti Katɔti lɛnɔ únu-nwu bɔkpali na ɔ́ya na ulekudi Rebeka úbada kaƒɔ.

Ala Kalɔ Buse 30:1

Ka Rahel ɔ́nu ka ɔɔɔdaku bebi badi bɔwɔ teete Yakob ni, úbo uukpóku ɔnwani Lea kogyulo. Anwuɔsu útásu Yakob ɔnini, “Te-mi bebi na lɛwɔ, amu ndubo bukpi!”

Baga 1 1:1

Uwi ɔni na Ɔga Dawid ɔ́bi na nwuna akwa éesie anumi geen ni, si bébi-nwu ala dɛ muedi ni, lɛlɔ lilábla-nwu gugungu.

Baga 2 4:14

Amu na Elisa úye Gehasi ɔnini, “Bi na bɔkana bɔbla bute uleku ɔmɛni ɔƒɛni?” Mmɔ na Gehasi údie kenye ɔnini, “Uleku ɔmmɔ ɔdi udinkɔ na ɔgyani lɛnɔ ɔ́ɔbi lɛlɔ.”

Luka 1:5

Uwi ɔni na Herode ɔɔdi lɛga na Yudea kalɔ lɛlɔ ni, Katɔti ɔkpane ɔdi ɔkya ɔni baalɔ Sakaria. Ɔ́si ɔkpane bɔdi ulu ɔni nkɛ ɔkpane ɔni baalɔ Abia ulu lɛlɔ. Sakaria ɔmɛni ulekudi baalɔ Elisabet na anwu lɛnɔ ɔ́si Katɔti ɔkpane ɔni baalɔ Aaron kaba kemmo.

Luka 1:6

Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Luka 1:8

Limeyi lɛdi ni, Sakaria ɔkya Yudaƒuɔ kakpakɔ ɔɔbla nwuna ɔkpane kabla ɔsika nwuna lɛlɔ na údu.

Romaƒuɔ 4:19

Abraham ɔ́ɔƒɔ aani akwa eti anyɔ. Nsu ni, enu átaƒɛ-nwu na bɔƒɔtaadi kemmo ina ka ɔ́nu ɔ́ti ka kaƒiɔtɔ kɔtu na unye, na Sara lɛnɔ ɔ́ɔvi kɔwɔ.

Hebriƒuɔ 11:11

Ɔkɛnku bɔƒɔtaadi lɛlɔ ɔsu na ina ka Abraham ɔ́ɔbi ɔ́vili na Sara ɔlati muedi ɔ́vi kɔwɔ ni, Katɔti ɔ́ya na úbenwini ubi ɔti. Ɔsika Abraham ɔgyi ka Katɔti ɔni násu lɛla lɛmɛni úse ni, ɔɔdi nwuna etemila lɛlɔ.

Samuel 1 1:2

Elkana úti beleku inyɔ. Unwi baalɔ Hana na unyɔdi baalɔ Penina. Na Penina ubo bebi, nsu Hana ɔdi udinkɔ.