Luka 1:6 - Katɔti Ɔku Kedee

⁶ Ɔgya ku ule bamɛni bélie ngba bɔbuni na Katɔti anumi. Na bádi nwuna ɔda bubo ƒui lɛlɔ kaduɛ.

Luka 1:6 ပူးပေါင်းရင်းမြစ်များ

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Ala Kalɔ Buse 6:9

Noa ngba litemi na bɔdubo bunu mɛni. Noa ɔdi ukyuli ɔni nse siin na likpidi lɛdi lɛɛɛda-nwu na bakladi akɔ. Na ɔ́siaku Katɔti kama geen.

Ala Kalɔ Buse 7:1

Ɔmmɔ kama ni, Unwoti ɔ́su Noa ɔnini, “Ti awɔ ku ƒula kaduli bekyuli ƒui na bitéduo ɔkɔlɔ ɔmmɔ kemmo, ɔsika lɛ́nu ka awɔ kani nse siin na kaba kamɛni bekyuli akɔ.

Baga 1 15:5

Ɔsika na Dawid ngba bulie kemmo ƒui ni, ɔ́bla ala ani na ese siin na Unwoti anumi, na útedie atu na Unwoti ɔda bubo biala lɛlɔ. Ntu anwu ku Uria ɔni ɔdi Hetini likpidi lɛni na ɔ́bla mmɔ kani.

Baga 1 9:4

“Na awɔ ni, si adubɔsia mina ulu lɛlɔ siin ku udu buni aani kalɛ na ƒ'ɔti Dawid ɔ́bla, na ádi mina ɔda bubo lɛlɔ na aasia anu ala ani ƒui na línyimi ku mina etemila ƒui lɛlɔ ni,

Baga 2 20:3

“Unwoti nyimo ka lɛ́bla ala siin na ulu lɛlɔ na ƒula anumi. Na líti mina kayi lɛnɔ lɛ́sia awɔ lɛti lɛlɔ. Na lɛ́kya ɔkplu ka lɛ́bla lɛla lɛni na aayɔ́.” Ɔmmɔ kama úsie kalɔ uuwulo momoomo.

Hiob 1:1

Ɔnana ɔdi ɔ́kya Us kalɔ lɛlɔ na baalɔ-nwu Hiob. Útaayia Katɔti geen, anwuɔsu ɔ́da lɛlɔ siin ɔni na lɛla lɛdi lɛɛɛda-nwu na Katɔti anumi, ɔsika ɔɔdi nwuna etemila ƒui lɛlɔ kaduɛ.

Hiob 1:8

Unwoti ɔ́sɔ úye-nwu ɔnini, “Na dɛ, ka ésie ni, ánu mina kabla ɔblane Hiob? Ukyuli biala uuubo nwuna kalɛ na kalɔ kammɔ ƒui lɛlɔ. Ɔdi ukyuli ɔni na ɔɔyia-mi na ɔɔbu-mi lɛnɔ geen, anwuɔsu use siin, ɔsika ulayɔ ɔnii ɔɔbla lɛla lɛdi ɔƒiɔ-mi.”

Hiob 9:2

“Sɔsɔ litemi na ásu ka ukyuli ɔyawine ɔdi ɔɔɔdubo bɔkana na use siin na Unwoti anumi kudii.

Kɔgya 119:6

Na si lɛ́kana na lɛ́di ƒula ɔda bubo lɛlɔ ƒui kaduɛ ni, kɔƒa kulékpo-mi.

Luka 1:7

Bekyuli bamɛni beeebo bebi badi, ɔsika Elisabet ɔdi udinkɔ. Na bana inyɔ lɛnɔ báabi lɛlɔ.

Luka 16:15

Amu na Yesu ɔ́su-ma ɔnini, “Amii ndi bekyuli bani mɔɔtina lɛlɔ aani bekyuli babuni na bakladi anumi. Nsu Katɔti ɔgyi bina ƒui kayi kemmo. Ɔsika ala ani náƒɔ kuye na bekyuli anumi ni, aaadi lɛla lɛdi na Katɔti anumi.

Luka 2:25

Na uwi ɔmmɔ kemmo ni, ɔnana ɔdi baalɔ banii Simeon ɔkya Yerusalem. Na ɔdi ukyuli ɔbuni ɔni na ɔɔyia Katɔti na unye ɔɔnu ulu ute Israel bɔƒɔ. Na Katɔti Kɔyu kɔsiaku-nwu

Batalane Kabla 2:25

Na Ɔga Dawid ɔ́su úse ɔ́siku-nwu lɛlɔ ɔnini, “ ‘Lɛ́nu ka Unwoti unye-mi anumi uwi ƒui. Na ka unye-mi kɔdianu aani mina lɛkpa kalɛ ɔsu ni, lɛɛɛdubo bɔgbanta.

Batalane Kabla 23:1

Amu ka Paulo ɔ́tɛ anu na ɔ́nu Yudaƒuɔ litemi batɛne bani nása bélie litemi katɛkɔ mmɔ kpoo ni, ɔ́su-ma ɔnini, “Banwa, mina kayi kaladu-mi kɔtɔ kɔdi na Katɔti anumi úbedu ɔmwi kadi kamɛni lɛlɔ.”

Batalane Kabla 24:16

Na ɔ́si ɔmɛni ɔsu ni, mɔɔkya ɔkplu ka lɛbla mina kasusu kemmo nwaa na Katɔti ku bayawine ƒui anumi.

Batalane Kabla 8:21

Alakana kalabla kamɛni kemmo bɔkya, ɔsika ƒula kayi keeese siin na Katɔti anumi.

Romaƒuɔ 8:4

Katɔti ɔ́bla ɔmɛni úte abu bani nli aani kalɛ na Katɔti Kɔyu kɔɔyɔ́, na ɔɔɔdi kalɛ na ɔlɔna udu ɔkukudi ɔɔyɔ́. Ɔ́bla ala amɛni ƒui na ulu siin lɛlɔ aani kalɛ na nwuna ɔda bubo bɔɔtina.

Korintoƒuɔ 1 11:2

Muumwi-mii ɔsika bina anu asia-mi lɛlɔ uwi biala na biinyimo ala ani na lɛ́tina-mii na bɛɛbla taasiaku-nya lɛlɔ uwi biala.

Korintoƒuɔ 2 1:12

Lɛla lɛni ɔsu na bɔɔkun lɛmɛnɛ ndi ka bula kayi kaladu-bu kɔtɔ, ɔsika bɔ́da bula lɛlɔ kaduɛ na bekyuli ƒui akɔ. Na abu ku-mii kelie kakɛ Katɔti ulu lɛlɔ, na katɔlɔ keeebo-nwu kemmo. Ɔɔɔdi kayawi kamɛni kemmo lɛnunda na búti bulieku-mii lɛni, mmomu Katɔti lɛƒɔndia ku nwuna ɔyikun lɛlɔ na bɔ́sia.

Lɛkpa Ulu 5:33

Bɛdi-mu lɛlɔ ƒui kalɛ na lɛla biala bɛdubɔbla lɛtɛ lite-mii na keyi kadubɔyɔku-mii na bilie ngba gyɔlɔɔ na kalɔ kani lɛlɔ bísela bitélie mmɔ.

Ƒilipiƒuɔ 2:15

Mmɔ na bɛdubɔlɛ kɔtɔ bɔdu biala kemmo na bɛbla sɛɛn aani Katɔti bebi bani na likpidi liiibo-ma lɛlɔ. Na ka bilieku bekyuli bekpidi bani nkya kayawi kani nébie mɛni kemmo ɔsu ni, bikeye na bana akɔ aani kalɛ na ayabi eekeye na kayaa.

Koloseƒuɔ 1:22

Nsu ɔƒɛni ni, Katɔti ɔkɛnku nwuna Ubidi kukpi kɔni na úkpi na ugyii lɛlɔ mmɔ ɔsu ni, ɔ́klibi amii ku-nwu ntɛ kalɛ na bɛkana na binye nwuna anumi aani bekyuli bani nse kedee na bátasɔ na beeebo kɔtu bɔni bɔdi.

Tesalonikaƒuɔ 1 3:13

Ɔmɛni ndubɔya na Unwoti Katɔti ɔkya-mii ɔkplu na uveli-mii lɛlɔ ekpidi ƒui na ɔbla-mii kedee na nwuna anumi ute limeyi lɛni na Blɔti Yesu Kristo wasɔ webo kayawi kamɛni ku nwuna badi kedee.

Petro 2 3:14

Anwuɔsu ni, mina banwa, bina ƒui anu asia Blɔti limeyi lɛmmɔ bubo lɛlɔ. Na uwi ɔni binye bɛgya-nwu ni, bɛya na amii ku Katɔti ntɛ bɔdia na bilabla likpidi iye biláƒiɔ-nwu.

Yohane 1 2:29

Si bɛgyi ka Kristo use siin ni, ɔlɛka bɛti ka ukyuli ɔni mɔɔbla ala ani nse siin ni, ɔdi Katɔti ubidi aani Kristo kalɛ.

Yohane 1 2:3

Si bɔɔdi Katɔti ɔda bubo lɛlɔ ni, bɔgyi nwaa ka bɔ́ti-nwu.

Yohane 1 3:7

Bitaya na ukyuli ɔdi ɔtɔlɔ-mii! Mina bebi bayɔne, ukyuli ɔni mɔɔbla ala ulu lɛlɔ ni, ɔdi ukyuli ɔni nse siin aani kalɛ na Kristo use siin.