Luka 1:49 - Katɔti Ɔku Kedee

⁴⁹ Ɔsika Ɔyikune Ƒui nábla ala ebendi amɛni úte-mi, na nwuna lɛnyi nse kedee.

Luka 1:49 ပူးပေါင်းရင်းမြစ်များ

Ala Kalɔ Buse 17:1

Uwi ɔni na Abram ɔ́ƒɔ akwa liti ku aavlene-yaalenwi ni, Unwoti údie lɛlɔ ɔ́tina-nwu na ɔ́su-nwu ɔnini, “Ami ndi Katɔti Ɔyikune Ƒui. Mɔɔwia ka elie ngba sɛɛn ɔni na aláƒiɔ-mi.

Kɔgya 111:9

Unwoti uukpó taaƒɔ nwuna bekyuli. Na ulalɛ bunyimi bɔni na únyimi ku nwuna bekyuli kama kudii. Use kedee na ɔlɛka bɔyia-nwu.

Kɔgya 24:8

Na ɔma ndi Ɔga Unengudi ɔni muukeye mmɔ? Anwu ndi Unwoti ɔyikune ɔni mɔɔdi nwuna bekisine ƒui lɛlɔ na kekpokɔ.

Kɔgya 99:3

Bɛya na ɔdi biala umwi Unwoti lɛnyi lɛni ntulo na lɛɛda liƒu mmɔ, ɔsika anwu kani nse kedee.

Kɔgya 99:9

Bimwi Unwoti bula Katɔti na bɛkpa-nwu na nwuna kɔbi kedee lɛlɔ, ɔsika Unwoti, bula Katɔti, use kedee.

Israelƒuɔ Bɔlɛ 15:11

“Unwoti, baƒiɔ bamani nse aani ƒula kalɛ? Ɔma nse aani awɔ kalɛ? Ƒula lɛgadi lise kedee, na liikeye ku liƒu na aabla ala ebendi ku akɔla ala budie taatina.

Yesaia 1:24

Ɔmmɔ ɔsu Unwoti Ɔyikune Ƒui, ɔni ndi Israelƒuɔ lɛlɔ ɔdine Ɔyikune ɔ́su ɔnini, ‘Ndubo-mii atu budie aani mina bekisine na mina livoƒi libo-mii lɛlɔ.

Yesaia 57:15

Bula Katɔti ɔni nse kedee uli katɔ kakaaka ƒui úsela uwi ƒui, na anwu mɔɔsu ɔnini, “Ina ka katɔ kakaaka kesii kani nse kedee na nli ni, nkya-mii akɔ mɛni ka libunku bani ƒui néboku lɛlɔ kalɔ na béti bana anu ƒui básia-mi lɛlɔ na baanu-mi anumi.

Yesaia 6:3

Na bana ƒui baatu kɔgya ku lɛdi linwi momoomo banini, “Unwoti Katɔti, ese kedee, kedee, kedee! Katɔ ku kalɔ kéyi ku ƒula lɛlɔyɔ tɛɛ!”

Yesaia 63:1

Ɔma na ɔdi nási Bosra na Edom kalɛkɛ ɔdubo ku awu ugyiedi na mɔɔnu mɛni? Lɛlɔ ɔdine ɔmani nánya kalɔ ɔdubo ku ɔyikun ku adala ani muukeye lɛni? “Ami Unwoti na ɔdi! Lɛ́di lɛlɔ na kekpokɔ na ndubɔkana-mii bɔƒɔ!”

Yeremia 10:6

Bula Unwoti ɔni nébomo na ebo ɔyikun geen, awɔ lɛti kani ndi Katɔti.

Yeremia 20:11

Nsu ni, awɔ Unwoti, adi mina ukpone ɔyikune ɔni na enye-mi kama ɔsu ni, bekyuli bani mɔɔwia bakya-ma lɛsɛ mmɔ ƒui badubo bubuli na balakana-mi mmomu anumi adubuwi-ma kalɔ na beƒu na kɔƒa kukpo-ma uwi ƒui.

Marko 5:13

Amu na úte-ma kuƒi, na ayu amɛni álɛ ɔnana ɔmɛni lɛlɔ kemmo na étéduo baplakuo bammɔ lɛlɔ kemmo. Amu na baplakuo bamɛni ƒui, bani mabla aani mpim inyɔ békeli báyu kataku kammɔ lɛlɔ, na bétéduo ɛpu kemmo na bana ƒui békpi.

Luka 1:48

Ɔsika únyimo ami, nwuna kabla ɔblane ɔni naaadi lɛla lɛdi. Na ɔ́si ɔƒɛni úsela ni, kaba ƒui badubo-mi bɔlɔ banii ukyuli ɔni na lɛlɔ lɛɛyɔ́-mi.

Luka 1:50

Nwuna kɔnyana bɔnu kuse kute kaba ƒui bekyuli bani mɔɔbu-nwu.

Eƒesoƒuɔ 3:20

Bimwi Katɔti ɔni nda nwuna ɔyikun ɔɔbla kabla teetulo kalɛ na buuvele iye bɔɔkali muedi.

Budie Taatina 15:4

Ɔma makana-a anumi bunye na ulayia awɔ Blɔti, na uleti bumwi ulete ƒula lɛnyi? Ɔsika awɔ lɛti nse kedee, na kalɔ ƒui bekyuli badubo babakya-a lili kalɔ. Ɔsika bédie bátina ka aabla lɛla biala ulu siin lɛlɔ.”

Budie Taatina 4:8

Na ngba batu ine bamɛni ƒui bebo avwi aku aku, na anumi akya avwi amɛni kemmo ku kama. Usien ku ɔƒɛ ni, baláda bɔsu taaya banini, “Kedee, kedee, kedee ndi Blɔti ɔni mbo ɔyikun ƒui, ɔni nélie, na uli, na ɔdubo bulie.”

Samuel 1 2:2

Ukyuli ɔdi uuuse kedee aani awɔ Unwoti kalɛ. Na ɔdi lɛnɔ uuubunku-ɔ. Na lɛtakpɛ bonwu lɛdi liiibo na lɛdi kama kekpokɔ aani awɔ bula Katɔti.