Litemi Batɛne 9:57 - Katɔti Ɔku Kedee

⁵⁷ Na Katɔti lɛnɔ ɔ́ƒɔ Sekemƒuɔ kayu ɔkɛnku likyulikpi lɛni bábla ɔsu. Na Gideon ubidi Yotam ewida ani na úwida-ma ébo-ma lɛlɔ.

Litemi Batɛne 9:57 ပူးပေါင်းရင်းမြစ်များ

Samuel 2 3:39

Na ina ka ami ndi ɔga ɔni na béwi nnɔmii lili ɔmwi ni, nse kpɛtɛ kpɛtɛ, na Seruia bebi bamɛni bebo ɔyikun betulo-mi. Na muuvele Unwoti nnii ɔƒɔ likpidi bablane kayu kani námanku-ma ute-ma.”

Baga 1 16:34

Ahab lɛga bɔdi uwi ni, Hiel ɔni nási Betel ɔ́sɔku Yeriko ɔ́tu. Na nwuna bɔtu kemmo uwi ɔni na ɔɔkya ɔma ɔmmɔ ɔka kalɔ ni, Hiel úti ubidi unengudi Abiram ɔ́kpa. Na úti ubidi Segub lɛnɔ ɔ́kpa uwi ɔni na ɔɔkya awodu ammɔ kɔyakun. Na ala amɛni ƒui ébo éte lɛni ɔkɛnku Unwoti kenye kani na ɔ́su ɔ́siaku Nun ubidi Yosua lɛlɔ úse ɔsu.

Baga 1 2:32

Na Unwoti ɔdubɔya na ɔ́ƒɔ ubugya ɔni na úwi kalɔ mmɔ kayu. Ɔsika útasu mina ɔti Dawid útese asa na úteti nwuna kewii ɔ́du Ner ubidi Abner ɔni ndi Israelƒuɔ ukpone ɔtɔnkune ku Yeter ubidi Amasa ɔni lɛnɔ ndi Yudaƒuɔ ukpone ɔtɔnkune. Na bekpone bamɛni báƒɔ kuye betulo Yoab ɔni nádu-ma mmɔ ɔlati.

Kɔgya 7:17

Mɔɔgyá Unwoti Katɔti enu ka ɔɔtɛ litemi siin ɔsu. Na mɔɔtu enugya lɛnu teete Unwoti Katɔti ɔni ntulo ƒui.

Kɔgya 94:23

Na ɔdubudie mina bekisine kasi ute-mi na ɔyila-ma udu.

Agba 5:22

Ukyuli ukpidi ni, nwuna ekpidi lɛlɔ na baasia teeƒie-nwu. Na nwuna ablala muunwíni kɔbuli kɔni muudie-nwu.

Yesaia 3:11

Bɔbuɛ ute likyulikpi ala bablane! Ɔgbankpi ɔ́ɔda ɔ́lɛ-ma lɛlɔ! Bana enu kabla lɛyuƒɔla badubo bɔƒɔ.

Yosua 6:26

Ɔmmɔ kama ka báyila Yeriko ɔma ɔmmɔ udu báwɔlɔ ni, mmɔ na Yosua úbo bekyuli bammɔ ɔda kpakplaa na Unwoti anumi, na ɔ́su ɔnini, “Ukyuli ɔni nsɔ mayɔ ka wasɔ watu Yeriko ɔma ɔdubɔnuku-ni. Na awɔ ɔni malɛ kowodu ni, ƒ'ubidi unengudi lili na aalɛ́-ku. Na awɔ ɔni matu awodu kɔyakun ni, ƒula kawɔkpulo lili lɛlɔ na aatu-ka.”

Litemi Batɛne 1:7

Amu na Adoni-Besek ɔ́su ɔnini, “Líkulo baga liti ku aavlanyɔ lɛgba ku enu animigya ƒui. Na adila ani nálɛ ébo mina kadikɔ na lɛ́ya na bála bádi. Na ɔƒaani ni, kalala kani na lɛ́bla-ma kayu na Katɔti ɔ́ƒɔ-mi úti údie-mi kasi.” Na béti-nwu bésienku Yerusalem, na útékpi mmɔ.

Litemi Batɛne 10:1

Na Abimelek kukpi kama ni, ukyuli ɔni nási Isakar kɔdua kemmo náta na úkpo ɔ́ƒɔ Israelƒuɔ. Anwu ndi Tola ɔni ɔti ndi Pua ɔni ɔti ndi Dodo. Tola úlie Samir na Eƒraim abi kalɔ lɛlɔ.

Litemi Batɛne 9:20

Nsu si ɔɔɔdi lɛni ni, bɛya na ogya ɔsi Abimelek kudɔ na ubakyula Sekem ku Bet-Miloƒuɔ bananabi. Na ami Sekemƒuɔ ku Bet-Milo lɛnɔ bɛya na ogya ɔsi-mii kudɔ na ubakyula Abimelek!”

Litemi Batɛne 9:24

Katɔti ɔ́bla ɔmɛni ɔ́si kalɛ na Abimelek ku Sekem bananabi bákya Abimelek ogya na útádu Gideon bebi liti ku aavlanyɔ, na úti ɔmmɔ ɔƒɔ bana likpidi kayu.

Litemi Batɛne 9:45

Na Abimelek úti limeyi limodi na ɔkya uukpóku bani nkya ɔma ɔmmɔ útédu ka ɔ́di-ma lɛlɔ na ɔ́du-ma ƒui kede kede. Na ɔ́yila ɔma ɔmmɔ udu, na ɔ́gya mma úyile ɔma ɔmmɔ ƒui kemmo.

Litemi Batɛne 9:56

Anwuɔsu Katɔti ɔ́ƒɔ Abimelek kayu ɔkɛnku likyulikpi lɛni na ɔ́bla na ɔti lɛlɔ ɔsu. Ɔsika ɔ́du nwuna banwani banana liti ku aavlanyɔ.