Litemi Batɛne 9:17 - Katɔti Ɔku Kedee

¹⁷ Na bɛkali kalɛ na mina ɔti úti nwuna ngba úse na úkpo ɔ́ƒɔ-mii ɔ́lɛku Midianƒuɔ enu kemmo.

Litemi Batɛne 9:17 ပူးပေါင်းရင်းမြစ်များ

Ester 4:16

“Sala Yudaƒuɔ bani ƒui nkya Susa ɔma kemmo lisu, na binyimi kenye emeyi atɛ usien ku ɔƒɛ na ami ɔsu, na ɔdi utadi lɛla lɛdi. Ami ku mina beleku kabla bablane bani mɔɔnu-mi lɛlɔ lɛnɔ bɔdubɔbla lɛni kani. Na si bɔ́wɔlɔ ɔmɛni ni, ndubusie ɔga kudɔ ina ka kuƒi kuuubo lɛni. Na si kukpi na ɔdi ka likpi lɛnɔ ni, na likpi ƒaa.”

Romaƒuɔ 16:4

Bénye kagyumana ka bekpi na mina lili muedi. Na ɔɔɔdi ami lɛti mɔɔgyá-ma enu, mmomu ku bekyuli bani naaadi Yudaƒuɔ baƒɔtaadine akpa ammɔ ƒui.

Romaƒuɔ 5:8

Nsu Katɔti údie ɔ́tina-bu kaduɛ kalɛ na ɔɔyɔ́-bu. Ɔsika uwi ɔni na bɔkya bula ekpidi kemmo ni, ɔ́ya na Kristo úkpi na bula lili.

Budie Taatina 12:11

Bula banwani bádi-nwu lɛlɔ ɔkɛnku Koƒonu Ubi ubugya lɛlɔ ku litemi geen lɛni kenye bédie lɛlɔ. Ɔsika bénye kagyumana ka beti bana ngba bakpa.

Litemi Batɛne 12:3

Na uwi ɔni lɛ́nu lɛ́ti ka aaadubo-mi bubunku ni, líti mina ngba lɛ́kpa na lɛ́vi lísie ńtékpoku Amonƒuɔ. Na Unwoti úti-ma ɔ́kya-mi enu kemmo. Na bi ɔsu na bíbo mɛni bibekpoku-mi?”

Litemi Batɛne 9:16

Amu na Yotam ɔ́su-ma ɔnini, “Ka bíti Abimelek bise ɔga na lɛla lɛni na bɛ́bla mɛni ni, bɛnu si ɔdi ulu lɛlɔ na bɛbla-ni kaduɛ. Na bɛnu kaduɛ si ɔdi lɛla lɛni na ɔlɛka bɛbla bite Yerubaal ku nwuna kaduli bekyuli.

Litemi Batɛne 9:18

Nsu ɔmwi bɛ́ta bínye mina ɔti bebi lɛlɔ na bíti lɛtabi linwi pɛ na bɛ́du mina ɔti bebi liti ku aavlanyɔ. Na bíti Abimelek ɔni ndi uleku uyedi ubidi bise Sekem ɔga ka ɔdi bina ɔnwani ɔsu.

Samuel 1 19:5

Bɔnu na átanu átati kalɛ na úti lɛlɔ ɔ́kpa na ƒula lili uwi ɔni na útékpoku Goliat? Na bɔnu na átanu ka Unwoti ɔ́ya na abu Israelƒuɔ bɔ́di Ƒilistiƒuɔ lɛlɔ ɔkɛnku lɛla lɛni na ɔ́bla ɔsu? Awɔ ɔlati ánu ɔmɛni na ebiti áda-a sɔsɔ. Na bi ɔsu na ɔlɛka abla likpidi lɛmɛni udu na aya na badu Dawid? Útabla likpidi lɛdi!”