Litemi Batɛne 9:15 - Katɔti Ɔku Kedee

¹⁵ “Amu liyu egyii ásu egyii anini, ‘Si sɔsɔ na bɛɛyɔ́ ka lɛbla ɔga lite-mii ni, na bibo na bibabɛ na mina ɔyuli kalɔ. Nsu si bilayɔ-nwu lɛni amu ni, na ogya ɔsi liyu egyii amɛni kemmo na ubakyula bina egyii enengudi ani nnye Lebanon!’ ”

Litemi Batɛne 9:15 ပူးပေါင်းရင်းမြစ်များ

Baga 2 14:9

Nsu Israelƒuɔ Ɔga Yehoas ɔ́sia Yudaƒuɔ Ɔga Amasia kenye ɔnini, “Limeyi lɛdi ni, lɛnyɛ lɛdi na Lebanon lɛku kemmo líti kenye límene sida kugyii ɔnini, ‘Ti ƒula ubidi ulekubi te-mi lite mina ubidi na uti.’ Amu na ebuo ubendi ɔdi úbavi na ɔ́nya lɛnyɛ alakpi ammɔ ɔ́mana kalɔ.

Kɔgya 104:16

Na egyii enengudi kpakplaa ani na Katɔti ɔ́lɛ na Lebanon abi lɛlɔ aakɛ́ ntu uwi ndi uwi.

Kɔgya 29:5

Na egyii enengudi ani mbo ɔkplu na enye Lebanon abi lɛlɔ ni, Unwoti lɛdi lɛɛƒɛ-nya ƒui kpɛtɛ kpɛtɛ.

Yesaia 1:31

Na bina bayikune ƒui badubɔyii aani kalɛ na keti kaakywí na ɔdi ulakana bunine.”

Yesaia 2:13

Na Lebanon egyii kpakplaa enengudi ammɔ ƒui ɔdubukulo-nya uwi kalɔ ku Basan adi kpakplaa ammɔ.

Yesaia 30:2

Na bíti bina anu ƒui bɛ́sia Egyipteƒuɔ lɛlɔ ka ama ndubɔgyumana-mii. Ɔmmɔ ɔsu na bíni mina bɔlɛ na Egyipte mmomu na bɛ́tala batu bɛ́kya bɛnii bete-mii kebunku. Na Ƒarao na bíti bina kayi bɛ́sia.

Yesaia 37:24

Átala bekyuli ákya Unwoti, na bákpila-nwu edumi. Na ásu anini, “Nkɛnku mina bapɔnkɔ kɛɛkɛ lɛlɔ na lɛ́ɛkɔ abi ani na ákuku ƒui eli lɛ́vi ku Lebanon kesii kani bene na kákuku ketulo ƒui. Na egyii kpakplaa ammɔ ƒui líkulo-nya líwi kalɔ, ku egyii abuni ani nálɛ enye salaa ƒui. Na kesii kani na kadi kabɛkɔ ƒui líduo mmɔ bene lɛ́lɛ, kesii kani na kadi lɛkumiɔ geen.

Kɔnyana Buwulo 4:20

Ɔtɔnkune ɔni na Unwoti ɔ́ƒuna úte-bu kani nsɔ ndi-bu lɛnunsia ka anwu ndubɔƒɔ ute-bu na bɔkɛ keliekɔ kadi na kadi bamba bekyuli bammɔ akɔ, nsu anwu muedi bana kɔkpagyuɛ kɔmmɔ kɔdi kani nédie anwu lɛnɔ.

Esekiel 19:14

Na mmɔ ni, kugyii kɔmmɔ ntɛ kɔ́ƒɔ ogya na ɔ́da úsie kuna kɔgba akɔ na kɔ́kyula-ku ku ebi ammɔ ƒui na kagba kadi kásɔ kétebu ɔni na kugyii kɔmmɔ kɔ́sɔ kunye salalaa.’ “Ɔkwanu ɔmɛni ni, budie na ɔlɛka bedie-nwu ku kɔnyana.”

Esekiel 31:3

Dii uwi ɔdi návi kemmo ni, kugyii kpakplaa kɔdi kúnye Lebanon kalɔ. Na kubo kɔgba kunengudi kpakplaa kɔni nálɛ kúsie kayaa ƒui.

Daniel 4:12

Evete áƒɔ-ku lili na kɔ́nwu ebi bonwu bonwu lɛnɔ pii na adubudu kayawi bekyuli ƒui bɔdi. Na alakpi akɔ bebweyi bákɛ ɔyuli na kuna kalɔ na baasɛ lɛnɔ bábla ayu bákya-ku kɔgba akɔ. Na kuna ebi ammɔ na kayawi ala ediedi ƒui aadi.

Hosea 14:7

Bɛdubɔkɛ ɔƒɛ na mina ɔyuli kalɔ. Na bina edula alɛ lili. Bɛdubuwi anwula pii aani ntɛ adingyii kemo na bɛƒɔ lɛnyi aani ntɛ bɔni nási Lebanon.

Bumomo Bɔka 21:28

Dii ni, Hesbon ɔma unengudi ɔmɛni Sihon bekpone báta aani kalɛ lɛgyavonku lɛsala. Na útáyila Moabƒuɔ ɔma Ar na bése bétebile ala na abi ani nkya Arnon katɔ kakɛ.

Mateo 13:32

Ɔdi edula kebi kani nse blii suɛ ntulo na ebi ammɔ ƒui akɔ. Nsu si ɔ́kwɛ na ɔ́lɛ lili ni, uubómo teetulo kemo kammɔ edula akladi ƒui. Na uugyingya teebi kalɔ kammɔ, na baasɛ beebo taabatu ayu na kuna kɔgba akɔ.”

Litemi Batɛne 9:14

“Ukplodi ni, egyii ásu liyu egyii ɔnini, ‘Bo na ababla bula ɔga.’

Litemi Batɛne 9:16

Amu na Yotam ɔ́su-ma ɔnini, “Ka bíti Abimelek bise ɔga na lɛla lɛni na bɛ́bla mɛni ni, bɛnu si ɔdi ulu lɛlɔ na bɛbla-ni kaduɛ. Na bɛnu kaduɛ si ɔdi lɛla lɛni na ɔlɛka bɛbla bite Yerubaal ku nwuna kaduli bekyuli.

Litemi Batɛne 9:20

Nsu si ɔɔɔdi lɛni ni, bɛya na ogya ɔsi Abimelek kudɔ na ubakyula Sekem ku Bet-Miloƒuɔ bananabi. Na ami Sekemƒuɔ ku Bet-Milo lɛnɔ bɛya na ogya ɔsi-mii kudɔ na ubakyula Abimelek!”

Litemi Batɛne 9:44

Na Abimelek ku nwuna bekpone bani na úle akpa atɛ mmɔ békeli na béténye ɔma ɔmmɔ kabanye. Na akpa anyɔ bábi básiaku bani nkya mmo na ɔ́du-ma.

Litemi Batɛne 9:49

Anwuɔsu bana ƒui báda egyii kɔgba na béti basia bana amangba na básiaku Abimelek kama. Na béti kɔgba kɔmmɔ ƒui bewi baƒiɔ ɔtɔ ɔmmɔ lɛlɔ na bátu ogya bákya-nwu kemmo. Anwuɔsu bekyuli bani ƒui nkya Sekem baƒiɔ ɔtɔ ɔmmɔ kemmo békpi. Na banana ku beleku bani nékpi mmɔ badubɔbla aani apim unwi.