Litemi Batɛne 9:1 - Katɔti Ɔku Kedee

¹ Gideon ubidi Abimelek úsie uni banwani bananabi kudɔ na ɔma ɔni baalɔ Sekem, na útásu-ma ku uni kɔdua bekyuli ƒui ɔnini,

Litemi Batɛne 9:1 ပူးပေါင်းရင်းမြစ်များ

Ala Kalɔ Buse 33:18

Ka Yakob ɔ́tɔlɔ Mesopotamia kalɔ lɛlɔ mmɔ ni, úbeduo Sekem na Kanaan kalɔ lɛlɔ buɛɛ. Mmɔ ni, ɔ́sɔ ɔ́lɛ kevo bamba. Na si enye mmɔ ni, aanu Sekem ɔma unengudi ɔmmɔ teemene.

Ala Kalɔ Buse 34:2

Uwi ɔni na Hamor ubidi Sekem ɔni ntɔnku Hiwiƒuɔ ɔ́nu ulekubi ɔmɛni ni, úƒie-nwu na ɔ́yɔ-nwu mmɔ kani.

Samuel 2 15:6

Lɛni sɔɔn na Absalom útaabla Israelƒuɔ bani ƒui néti litemi lɛdi béboku Ɔga Dawid kudɔ ka ɔtɛ-ni ute-ma. Ɔmmɔ ɔsu úyu Israelƒuɔ bammɔ kayi na nwuna ala áda-ma ebiti. Israelƒuɔ bammɔ anumi énwini ásia-nwu lɛlɔ.

Baga 1 12:1

Rehabeam úsie Sekem, ɔsika Israelƒuɔ ƒui bésie mmɔ ka bétése-nwu lɛga.

Baga 1 12:20

Na uwi ɔni na Israelƒuɔ bénu ka Yerobeam únwini ɔ́si Egyipte úbo ni, bekyuli bammɔ bálɔ-nwu na anwu ku-ma bátɛmi, na bábla-nwu Israelƒuɔ ɔga. Na Yuda kɔdua bekyuli lɛti ndi bani nsiaku Dawid bekyuli kama.

Baga 1 12:3

Ɔmmɔ ɔsu Israelƒuɔ bátala na bátálɔ Yerobeam béboku, na anwu ku Israelƒuɔ kasala kammɔ bekyuli ƒui báta bésie Yerobeam kudɔ na básu-nwu banini,

Yeremia 18:18

Bekyuli bammɔ badi básu banini, “Bɛya na bɔyila Yeremia udu! Na bakpane badubɔkya-bu kudɔ uwi ndi uwi na batina-bu Unwoti ɔda bubo. Na bɔdubɔkɛ banundane na balɛ-bu. Na bɔkɛ kenye bediene bani ndubɔsu-bu Unwoti kenye kani na ubo ute-bu. Anwuɔsu si ɔni na bɔsɔ buteenu Yeremia etemila bɔsu ɔsu ni, bɛya na bɔda-nwu kenye ka ɔ́bla likpidi bonwu lɛdi.”

Yeremia 41:5

Uwi ɔmmɔ kemmo ni, nkyuli liti ku avlaatɛ badi básia Mispa ɔma ulu ɔmmɔ lɛlɔ badubo ɔ́si Sekem ku Silo ku Samaria lɛma banii beeti bana etela bebeti Unwoti na nwuna kakpakɔ ani ndi antabi ku oloƒui. Na békpeyi bana kuduo kalɔ linwini ƒui na báni bana adala bábwɛ na békulo bana lɛlɔ ekpo ekpo béti baatina ka beewulo kɔnyana.

Yosua 20:7

Ɔmɛni ɔsu ni, lɛma lɛni bédie na Yordan Ketu ɔƒɛ kanukɔ ndi Kedes na Naƒtali abi lɛlɔ na Galilea ku Sekem na Eƒram Kɔbi lɛlɔ ku Kiriat-Arba ɔni básɔ baalɔ bani Hebron na ɔkya Yuda abi lɛlɔ.

Litemi Batɛne 8:30

Gideon úbo bebi bananabi liti ku aavlanyɔ, ɔsika úti beleku pii.

Litemi Batɛne 8:31

Na nwuna ɔsɔnɔ ɔni na úbo na úli Sekem lɛnɔ ɔ́wɔ ubi úte-nwu na ɔ́sia-nwu lɛnyi ɔnii Abimelek.

Litemi Batɛne 8:35

Na bétenyimo na babla lɛƒɔndia lɛdi beti bete Yerubaal ɔni ndi Gideon bebi na ala abuni ani na ɔ́bla úte-ma ɔsu.