Litemi Batɛne 8:28 - Katɔti Ɔku Kedee

²⁸ Lɛni na Israelƒuɔ bádi Midianƒuɔ lɛlɔ na básɔ bátalɛ lili kudii. Na Gideon uwi ɔmmɔ kemmo ni, atu bɔyɔ bɔ́kya kalɔ kammɔ lɛlɔ ƒui akwa aavlene sɔɔn.

Litemi Batɛne 8:28 ပူးပေါင်းရင်းမြစ်များ

Kɔgya 83:2

Nu kalɛ na ƒula bekisine bani náta bénye-ɔ lɛlɔ mmɔ báta yuu ku lɛsɛ badubo.

Yesaia 10:26

Unwoti Katɔti Ɔyikune Ƒui ɔdubo-ma bubo bɔƒiɛmi kalɔ na ebola eduo-ma lɛlɔ aani kalɛ na ɔkɛnku Gideon lɛlɔ, na ɔ́di Midian kadi bekyuli lɛlɔ na kesii kani baalɔ banii Oreb lɛtakpɛ. Iye uwi ɔni na Mose ɔ́talaku Unwoti ugyii katɔ na ɛpu úle ntɛ na ɔ́nyina Egyipteƒuɔ bekpone bammɔ ƒui na ntu kemmo.

Yesaia 9:4

Ɔsika lɛbibo ku ukyuli kalala bɔbla bɔni nénwini lɛbibo kɔgba na kɔda ƒula bekyuli ni, adubo-ku bɔƒɛ ƒui, aani kalɛ na áyila Midianƒuɔ bekpone udu ƒui.

Litemi Batɛne 3:11

Anwuɔsu kalɔ kammɔ kákɛ atu bɔyɔ akwa aavlene úti útédu ka Otniel ɔni ndi Kenas ubidi úkpi.

Litemi Batɛne 3:30

Limeyi lɛmmɔ Israelƒuɔ bádi Moabƒuɔ lɛlɔ, na Israelƒuɔ bákɛ atubɔyɔ akwa liti ku avlaatɛ.

Litemi Batɛne 5:31

“Anwuɔsu, O Unwoti, ƒula bekisine ƒui bayii udu! Nsu bani mɔɔyɔ-ɔ litemi ama ni, bekeye aani ɔƒɛ ɔtu ɔdubo.” Amu na kalɔ kammɔ kakɛ bɔnwuna akwa aavlene sɔɔn.

Litemi Batɛne 8:27

Na Gideon úti ala ammɔ na ɔ́vɔ lɛla lɛdi na úti-nwu útése Oƒra na nwuna ɔma. Na Israelƒuɔ ƒui béni bana Unwoti na beesié Oƒra mmɔ taatákpa ala ani na bavɔ mmɔ. Na ɔmɛni úbenwini kakpagyuɛ úte Gideon ku nwuna kaduli bekyuli.

Litemi Batɛne 8:29

Na Yoas ubidi Yerubaal únwini úsie nwuna ɔma na útélie nwuna kaduli.

Samuel 1 7:13

Anwuɔsu Israelƒuɔ bádi Ƒilistiƒuɔ lɛlɔ na básɔ bátakana na benye basiaku Israelƒuɔ kudii na bana kalɛkɛ mmɔ kesii kadi. Na Samuel ngba bulie uwi ƒui ni, Ƒilistiƒuɔ bátakɛ bɔnwuna bɔdi na Unwoti lɛkɔkɔ.