Litemi Batɛne 8:27 - Katɔti Ɔku Kedee

²⁷ Na Gideon úti ala ammɔ na ɔ́vɔ lɛla lɛdi na úti-nwu útése Oƒra na nwuna ɔma. Na Israelƒuɔ ƒui béni bana Unwoti na beesié Oƒra mmɔ taatákpa ala ani na bavɔ mmɔ. Na ɔmɛni úbenwini kakpagyuɛ úte Gideon ku nwuna kaduli bekyuli.

Litemi Batɛne 8:27 ပူးပေါင်းရင်းမြစ်များ

Kɔgya 106:35

Mmomu básalaku-ma na basiaku bana ɔbladu kama na baabla lɛla linwi.

Kɔgya 106:39

Na bana ɔbladu ɔmmɔ ɔsu ama alati lɛnɔ beesé lɛlɔ. Na ɔmɛni ɔ́tina ka bálɛ Katɔti kama.

Kɔgya 73:27

Na bekyuli bani mɔɔlɛ́-ɔ kama ni, ɔkɔ uuubo-nwu kemmo ka badubo bɔyii ku udu.

Israelƒuɔ Bɔlɛ 23:33

Bitete kuƒi na bekyuli bammɔ belie-mii kudɔ, si ɔɔɔdi lɛni ni, badubo bɔya na bɛbla likpidi na mina anumi, ɔsika si bɛ́kpa bana baƒiɔ ni, ɔdubunwini kakpagyuɛ na kedie-mii.”

Israelƒuɔ Bɔlɛ 32:4

Na Aaron lɛnɔ úti sika ugyiedi ɔmmɔ ɔ́kya ogya kemmo na ɔ́nwamana-nwu na úwilimi uwi lɛla lɛdi kemmo na ɔ́nwi-nwu ɔ́bla sika ugyiedi ɔmantɛ akɔ ubi udu. Amu na bekyuli bammɔ básu banini, “Israelƒuɔ, bɛɛnu bina katɔti ɔni natɔku-mii na bɛ́lɛ Egyipte kalɔ lɛlɔ.”

Israelƒuɔ Bɔlɛ 34:16

Mmɔ na bina bebi badubusie betéti bana beleku na ɔmɛni ɔdubɔkpanku-ma na balɛ-mi kama na besie batákpa bana baƒiɔ.

Yesaia 8:20

Bɛnu bɛti ka si bana ala aaakɛnku mina litemi lɛni ndanku ɔda bubo ku bunyimi bɔmɛni ni, na bukeye bɔdi buuubo-ma kemmo.

Esekiel 7:20

Bɛ́talaku lɛlɔ katɔ laa na bíti bina sika asɛɛ ebi ani náƒɔ kuye geen bɛ́bɔ kadi bamba baƒiɔ bani muusé lɛlɔ bíte lɛlɔ. Anwuɔsu ndubo bɔya na sika asɛɛ ebi ammɔ asɔ alálɛ kuye lɛla lɛdi.

Hosea 2:2

“Bɛtɛmiku bina uni! Bɛlɛ-nwu kaduɛ! Ina ka ɔsɔ ɔɔɔdi mina ulekudi, na ami Unwoti lɛnɔ nsɔ lɛɛɛdi ɔgyani. Bivele-nwu na ɔda lɛyalɛ ku lɛsɔnɔdi lɛmmɔ ɔya na ɔda-mi kama bɔlɛ ɔya.

Hosea 3:4

Lɛni kani na uwi ɔdubo butu asa na Israel kadi bekyuli basɔ bakɛ ɔga iye asa na basɔ babla akpala na Katɔti kakpakɔ iye Katɔti ɔtina-ma ulu ɔni lɛlɔ na basia babla lɛla lɛdi.

Lɛkpa Ulu 12:5

Unwoti ɔlati ɔdubɔwia kesii kani námanku ute bina adua leevu-anyɔ ammɔ ƒui na bitaakpa-nwu.

Lɛkpa Ulu 7:16

Si Unwoti Katɔti úbunku-mii na bíkpo bɛ́di bina bekisine lɛlɔ ni, bɛnu ka bɛ́yila lɛla biala udu. Na bitanu ukyuli biala kɔnyana. Na bɛnu kaduɛ kalɛ na ɔdi uleduo bukpoku taanu bɔdi kemmo na ɔkpa bana baƒiɔ bammɔ badi.

Lɛkpa Ulu 7:25

Na si bɛ́di kadi bekyuli badi lɛlɔ ni, bɛkyula bana baƒiɔ bani na bátu bálɛ. Nsu ɔdi biala ɔnu kaduɛ na anumi etegyie-nwu na bana sika ugyiedi iye ɔƒualadi ɔni na béti bámana bana baƒiɔ bammɔ lɛlɔ na ɔdi ɔsu ɔnii uuti ɔdi. Ɔsika Katɔti ukisi ala ammɔ na adi kakpagyuɛ ete-mii.

Litemi Batɛne 17:5

Mmɔ na Mika ɔmɛni úse baƒiɔ úte lɛlɔ. Ɔmmɔ ɔsu úti ubidi ɔnana unwi na ɔ́ka ɔkpane awu úte-nwu, na úti-nwu úse baƒiɔ bammɔ kenye aani ɔkpane kalɛ.

Litemi Batɛne 18:14

Amu ka nkyuli ɛlɔ bani nétéyu Lais ɔma bánu mmɔ ni, básu bana banwani banini, “Bɛgyi ka kaduli kadi kakya mɛni kani na bánwi baƒiɔ badi na béti sika ɔƒualadi bákwa-nwu, na baƒiɔ bamba lɛnɔ ku ɔkpane awu gyɔlɔɔ lɛnɔ bese mmɔ? Bi ndi bina kasusu na lɛla lɛni na ɔlɛka bɔbla lɛlɔ?”

Litemi Batɛne 18:17

Na bana ɛlɔ bani na bátala mmɔ ama amu ni, bésie siin na bétéduo kaduli kammɔ kemmo na béti baƒiɔ bani bánwi na béti sika ɔƒualadi bákwa-nwu ku baƒiɔ bamba bani nse mmɔ ku ɔkpane awu gyɔlɔɔ. Nsu ɔkpane ɔmmɔ ku bekpone eti leevu-anyɔ bani nátu akpagya mmɔ ama amu ni, benye kaduli kammɔ kayakun.

Litemi Batɛne 2:2

Na lɛ́su-mii ka ɔdi biala utenyimi lɛla lɛdi ku bekyuli bani nlie kalɔ kammɔ kemmo. Na bibo bana akpabi ƒui bɛƒɛ biwi kalɔ. Nsu bítadi mina litemi lɛlɔ. Na muuye-mii nnii bi ɔsu bɛ́bla lɛni?

Litemi Batɛne 2:3

Anwuɔsu mɔɔsu-mii nnii lɛɛɛdubo bekyuli bamɛni bɔbɔku bute-mii ɔni na bíti bísela anumi mɛni. Na bekyuli bammɔ badubo bunwini liyu bete-mii na bataatu-mii lɛƒɛnyi. Na bana baƒiɔ badubo bunwini kɔkpagyuɛ kuteedie-mii.”

Litemi Batɛne 6:11

Amu na Unwoti ɔtu ɔdi úbo na úbelie kugyii bonwu kɔdi kalɔ na Oƒra ɔma kemmo. Na kugyii kɔmmɔ kɔdi Yoas ɔni nási Abi-Eser kɔdi. Mmɔ na ubidi Gideon ɔkya uuwiile edula ebi teewi ntɛ kebulokɔ kalɛ na Midianƒuɔ balanu-nya beledie kemmo.

Litemi Batɛne 6:24

Amu na Gideon ɔ́tu lɛkpabi úte Unwoti na ɔ́sia-nwu lɛnyi ɔnii, “Unwoti Ɔdi Keyi Buɛɛ Unwoti.” Na lɛkpabi lɛmmɔ lɛmu lɛ́lɛ Oƒra Abi-Eser kalɔ kemmo.

Litemi Batɛne 8:26

Na sika ugyiedi asikpɛɛ ani na ɔ́kɛ mmɔ adubɔbla aani antabi akyami aavlene unu. Na sika ugyiedi ala ku ani na baakya ɔkwɛ, ku Midianƒuɔ baga lɛwu ku adala ani náƒɔ kuye geen mmɔ, ku sika asɛɛ ani na baakya bana bebuo ala betine benengudi ammɔ ƒui eebunku asikpɛɛ ammɔ.

Litemi Batɛne 8:28

Lɛni na Israelƒuɔ bádi Midianƒuɔ lɛlɔ na básɔ bátalɛ lili kudii. Na Gideon uwi ɔmmɔ kemmo ni, atu bɔyɔ bɔ́kya kalɔ kammɔ lɛlɔ ƒui akwa aavlene sɔɔn.