Litemi Batɛne 8:26 - Katɔti Ɔku Kedee

²⁶ Na sika ugyiedi asikpɛɛ ani na ɔ́kɛ mmɔ adubɔbla aani antabi akyami aavlene unu. Na sika ugyiedi ala ku ani na baakya ɔkwɛ, ku Midianƒuɔ baga lɛwu ku adala ani náƒɔ kuye geen mmɔ, ku sika asɛɛ ani na baakya bana bebuo ala betine benengudi ammɔ ƒui eebunku asikpɛɛ ammɔ.

Litemi Batɛne 8:26 ပူးပေါင်းရင်းမြစ်များ

Ester 8:15

Ɔmmɔ kama ni, Mordekai ɔ́da lɛlɔ na ɔ́vi ɔ́lɛ ɔ́si ɔga kesii mmɔ. Na ɔda agala ani ndi lɛwu lɛƒualadi ku ligyiedi, na ubi sika ugyiedi kagabwa lili na ɔkya awu ɔbunidi ɔni náƒɔ kuye geen. Na kudu kúwi na Susa ɔma unengudi ɔmmɔ ƒui kemmo.

Agba 31:22

Uudí ala ani na ɔɔvá nwuna katɛnkɔ. Na ɔɔda lɛlɔ ku adi ani na áƒɔ kuye geen.

Yesaia 3:18

Limeyi lɛmmɔ ni, Unwoti ɔdubɔda bana ala abuni ani na beeti taaklibi lɛlɔ udie-ma lɛlɔ. Ala ammɔ adi ndi asɛɛ ani na baakya amɔ ku ani mɔɔƒa bana lɛduuku lɛlɔ ku duuku ɔmmɔ alati

Yeremia 10:9

Bekyuli nánwi na bávɔ ala amɛni bábla baƒiɔ. Ligyii banwine baanwí ligyii na udu ɔdi kenye. Na abuala betune lɛnɔ baakywɛɛ ala ku sika ugyiedi ɔni na béku básiku Uƒas ku sika ɔƒualadi ɔni nási Tarsis na benyimi-nwu adala ani náƒɔ kuye geen.

Esekiel 27:7

Ƒula banwine béti adi kpɛtɛ kpɛtɛ ani náƒɔ kuye geen básiku Egyipte kalɔ lɛlɔ bédi ƒula eƒulo ammɔ kalɛ na bekyuli banu-ɔ ɔsiku ɔgyu kakaaka ƒui. Adi ani náƒɔ kuye geen ku kunweni lidu lidu na básiku Kipro na béti bébi kuliekɔ kɔni na bási ubili mɛni kevo na ɔ́kya-nwu ɔyuli.

Luka 16:19

“Dii ni, ɔnana ɔlakɛne ɔdi ɔkya ɔni mɔɔda adala ani náƒɔ kuye, na ebiti kemmo sɔɔn na ɔ́kya nwuna ngba emeyi kemmo ƒui.

Yohane 19:2

Na bekpone bammɔ béti liyu kagba bédi kabwa na béti bébi-nwu lili. Na béti awu ugyiedi gyɔlɔɔ ɔdi aani ɔga kalɛ bákya-nwu.

Yohane 19:5

Anwuɔsu Yesu ɔ́lɛ úbo keyi mmɔ, na liyu kabwa kammɔ kebi-nwu lili na ɔkya awu ugyiedi gyɔlɔɔ ɔmmɔ. Mmɔ ni, Pilato ɔ́su ɔnini, “Bɛnu! Ukyuli ɔmmɔ na ɔdi mɛni!”

Budie Taatina 17:4

Uleku ɔmmɔ unyimi adi otondi ku egyiedi na úti sika ugyiedi ku asɛɛ ku aseebi ɔ́klibi lɛlɔ. Na ɔda sika ugyiedi ɔɔƒɛɛ ɔdi ɔni kemmo na ala ani na Katɔti ukisi na eesé lɛlɔ éyi tɛtɛɛtɛ ɔkɛnku nwuna lɛyalɛ ala bɔbla ɔsu.

Budie Taatina 18:12

Ka ala beyene basɔ beeebo ɔsu ni, bana sika ugyiedi ku ɔƒualadi ku aseebi ku asɛɛ ani náƒɔ kuye ébo kalɔ. Na bana adi abuni egyiedi ku aƒualadi ku ana lidu ébo kalɔ. Na egyii ani muunwenyi ƒɛƒɛɛ ku ala ani ƒui na béti ɔtunkpɛ bábla lɛnɔ ébo kalɔ. Lɛni kani na use ute ala ani na bábla ku egyii ani náƒɔ kuye ku abuala ani muukeye ku ani neeekeye ku atabi ani náƒɔ kuye lɛnɔ.

Budie Taatina 18:16

“ ‘Bɔbuɛ! Bɔbuɛ! Uwi ɔdi kemmo ni, ɔma bonwu ɔmmɔ úyi ku adiƒuala abuni ku adi ani nse ƒuƒuu ku egyiedi. Na báklibi ɔma ɔmmɔ ku sika ugyiedi ku aseebi ku asɛɛ ani náƒɔ kuye éyi tɛtɛɛtɛ!

Litemi Batɛne 8:21

Amu na Seeba ku Sulmuna básu Gideon banini, “Awɔ ɔlati bo na abadu-bu. Ɔsika ɔnanabi mɔɔbla ɔnanabi kabla.” Ɔmmɔ ɔsu Gideon ɔ́du-ma na ɔ́da adala ani nkya bana baƒlumu bammɔ údie.

Litemi Batɛne 8:25

Amu na bekyuli bamɛni bédie kenye banii, “Bula ƒui bɔdubute kɔtu asikpɛɛ ammɔ ku kaƒɔ ƒaa.” Anwuɔsu bégyingya kɔdi bewi kalɔ, na ɔdi biala úƒwimi nwuna lɛdi lɛni na ɔ́kɛ ɔ́siku kekpokɔ mmɔ útáva kɔdi kɔmmɔ lɛlɔ.

Litemi Batɛne 8:27

Na Gideon úti ala ammɔ na ɔ́vɔ lɛla lɛdi na úti-nwu útése Oƒra na nwuna ɔma. Na Israelƒuɔ ƒui béni bana Unwoti na beesié Oƒra mmɔ taatákpa ala ani na bavɔ mmɔ. Na ɔmɛni úbenwini kakpagyuɛ úte Gideon ku nwuna kaduli bekyuli.