Litemi Batɛne 8:10 - Katɔti Ɔku Kedee

¹⁰ Ɔƒɛni ni, Seeba ku Salmuna bákya kesii kani na baalɔ banii Karkor ku bana bekpone bani ƒui nébu-ma ɔ́si kalɔ kammɔ ɔƒɛ katukɔ mmɔ. Na bana bumomo ndi mpim leevu-ɛlɔ (15,000). Na bakladi bani békpi ni, ama ndi kuwii badane mpim eti anyɔ ku aavlanyɔ (120,000).

Litemi Batɛne 8:10 ပူးပေါင်းရင်းမြစ်များ

Baga 2 3:26

Uwi ɔni na Moabƒuɔ ɔga ɔ́nu ɔ́ti ka badaku-ma lɛlɔ bɔdi ni, útiku nwuna bekpone eti leevu-ene (7,000) bani nda atula ka batáwia kuƒi beduo Edomƒuɔ ɔga kudɔ. Nsu útatɛ.

Ala Alɛdi 2 28:6

Limeyi linwi kemmo ni, Remalia ubidi Peka ɔ́du bekpone mpim eti anyɔ ku aavlanyɔ na Yuda ɔ́si ɔni na bédie Unwoti ɔni ndi bana bati Katɔti ɔsu.

Ala Alɛdi 2 28:8

Na Israelƒuɔ bekpone bammɔ béƒie beleku ku banamu mpim eti ene bátɔlɔku bésienku Samaria ɔni ndi bana ɔma unengudi. Na bétiku ala bamba pii lɛnɔ bátɔlɔku ina ka bagyi ka Yudaƒuɔ bani bana lɛlɔ bekyuli.

Yesaia 37:36

Na usien ɔmmɔ ni, Unwoti ɔtu ɔdi ɔda úduo Asiriaƒuɔ bekpone kakyakɔ na ɔ́du bekpone mpim eti atɛ ku avlaatɛ-ɛlɔ (185,000). Na ka kadi kegye ni, békpi batɛ mmɔ.

Yesaia 9:4

Ɔsika lɛbibo ku ukyuli kalala bɔbla bɔni nénwini lɛbibo kɔgba na kɔda ƒula bekyuli ni, adubo-ku bɔƒɛ ƒui, aani kalɛ na áyila Midianƒuɔ bekpone udu ƒui.

Litemi Batɛne 20:15

Bekpone mpim aavlanyɔ-ɛku bási lɛma kemmo. Na básɔ básala nkyuli eti leevu-ene básiku Gibea.

Litemi Batɛne 20:17

Na Benyamin kɔdua bekyuli kama ni, Israelƒuɔ kaba bekyuli ƒui básala bekpone mpim eti maane ɔni na bana ƒui badi bekpone kpakplaa.

Litemi Batɛne 20:2

Na Israelƒuɔ batɔnkune lɛnɔ bása belie Unwoti bekyuli akɔ mmɔ ɔdi. Na bani náklibi lɛlɔ béte kekpo mmɔ babla nkyuli mpim eti leevu-maane.

Litemi Batɛne 20:25

Mmɔ ka Benyaminƒuɔ bálɛ bási Gibea bébekpoku Israelƒuɔ ni, básɔ bádu Israelƒuɔ nkyuli mpim leevu-maane bani ƒui nátu akpagya.

Litemi Batɛne 20:35

Nsu limeyi lɛmmɔ ni, Unwoti ɔ́di Benyaminƒuɔ lɛlɔ. Na Israelƒuɔ bádu Benyaminƒuɔ akpagya batune nkyuli mpim aavlanyɔ-ɛlɔ ku eti anyɔ (25,100).

Litemi Batɛne 20:46

Na Benyaminƒuɔ bekpone bani ƒui bádu limeyi lɛmmɔ badi bekpone mpim aavlanyɔ-ɛlɔ. Na badi bekpone bani mbo kayi geen.

Litemi Batɛne 6:5

Beeti bana bebuo lisu bonwu ku bana nvo teeboku, na bebewi mmɔ aani baalɔlɔ, na bebile ala ƒui ɔni na lɛla lɛdi lɛsɔ lilebu. Na ukyuli ɔdi ulakana-ma bɔka na bana bumomo ɔsu.

Litemi Batɛne 7:12

Midianƒuɔ ku Amalekƒuɔ ku kadi bamba bekyuli bani nási ɔƒɛ katukɔ ƒui bábla kakyakɔ na kɔwɛ kɔmmɔ kemmo na lisu bonwu kemmo aani baalɔlɔ. Na bana bebuo ala betine ku keƒu bemomo geen aani ɛpu kɔnwinimi, na balakana-ma bɔka.

Litemi Batɛne 7:13

Na ka Gideon útéduo mmɔ ni, únu ka ukyuli ɔdi ɔkya ɔɔsu nwuna ɔkpana ɔdi kɔna kɔni na úgye. Na ɔ́su ɔnini, “Bodobodo ɔdi uminime úduo bula kakyakɔ, na kalɛ na úbatuaku kevo kammɔ ku ɔyikun ɔsu ni, kevo kammɔ káƒɛ kewi kalɔ.”

Litemi Batɛne 7:22

Uwi ɔni na Gideon bekyuli bakya baavwi bana kɔkpɛɛ ni, Unwoti ɔ́ya na bekisine bammɔ béti bana atula na bakya beekpóku lɛlɔ. Na bekyuli bammɔ ƒui békeli bakɛ Serera bétédu Bet-Sita na bákɛ bétédu Abel-Mehela ɔni nde Tabat.

Litemi Batɛne 8:11

Na Gideon ɔ́sia belusiene ulu ɔni nkɛ ɔ́vi Noba ku Yogbeha ɔƒɛ katukɔ kakɛ útáda ɔ́lɛ bekpone bani naaagyi beeese mmɔ lɛlɔ.